"AZPETROL"DA DƏHŞƏTLİ PARTLAYIŞ

[Blok]

Hacıqabul rayonunda "Azpetrol"a məxsus yanacaqdoldurma məntəqəsində partlayış olub

Rayon prokuroru Tariyel Qurbanov Milli.Az xəbər portalına bildirib ki, partlayışın miqyası böyükdür. Hadisə zamanı 30-dan artıq adam yaralanıb.

Partlayan YDM Hacıqabul rayonunun Padar kəndi ərazisində yerləşir. Rayon Polis Şöbəsindən verilən məlumata görə, partlayış bu gün saat 15:00 radələrində baş verib.

Şahidlər benzindoldurma məntəqəsinin işçilərinin partlayışda dünyasını dəyişdiyini deyiblər (APA).

Partlayışın gücünün çox olduğu, alov xəttinin 100 metr məsafədə uzandığı bildirilir.

Hacıqabul rayon Polis Şöbəsindən bildirilib ki, hazırda hadisə yerində partlayışın səbəbləri araşdırılır.

[Blok]

Gəncə-Bakı yolunda dəhşətli qəza

Onlarla adam yaralanıb, ətraf alışıb yanır, yaralananlar var…

XuralTAC-a daxil olan məlumatlara görə, Gəncə-Bakı magistral yolunun Kürdəmir-Hacıqabul istiqamətində dəhşətli qəza olub. Qəzaya səbəb təbii qaz daşıyan iri yük avtomobili olub. Kürdəmirdən Hacıqabula doğru istiqamət götürən şosse yolunda Padar adlanan yerdə baş verən qəza dəhşətli nəticələr doğurub. Təsadüfən hadisə yerində olan XuralTAC əməkdaşının redaksiyaya verdiyi məlumata görə, hadisənin baş verdiyi yerdən təxminən 200 metr həndəvərində hər yer alışıb-yanır: “Burada hazırda böyük tıxac yaranıb. Ətraf od tutub yanır. Onlarla təcili yardım maşınları xəstələri daşıyır. Heç kimi yaxına buraxmırlar, çoxlu ölü olduğu söylənilir.”

[Businka]

Vay vayyy ((( Allah ölənlərə rəhmət etsin ((((

[Blok]

FHN PARTLAYIŞLA BAĞLI AÇIQLAMA YAYDI

Hadisə nəticəsində 4 nəfər ölüb

Hacıqabul rayonunda "Azpetrol" yanacaqdoldurma məntəqəsində baş verən partlayışla bağlı sizlərəməlumat vermişdik. Artıq hadisəilə bağlı rəsmi açıqlama verilib. FaktXeber.com-un Fövqəladə Hallar Nazirliyinin mətbuat xidmətinəistinadən verdiyi məlumata görə, hadisə, Hacıqabul-Padar avtomobil yolunun kənarında yanacaqdoldurma məntəqəsi yaxınlığında maye qaz daşıyan yük avtomobilinin partlaması nəticəsində baş verib. Nazirliyin müvafiq qüvvə və texnikası, o cümlədən 2 helikopteri dərhal hadisə yerinə cəlb edilib və aidiyyəti qurumlar məlumatlandırılıb. Yanacaqdoldurma məntəqəsi və ərazidə olan yanacaqla dolu çənlər, həmçinin, yaxınlıqda dayanmış 1 yanacaq daşıyan yük avtomobili yanğınsöndürənlər tərəfindən yanğından mühafizə olunub. Yanğın yanğınsöndürənlər tərəfindən saat 15:57-də söndürülüb. İlkin məlumata görə, hadisə nəticəsində 4 nəfər həlak olub, 15 nəfər yaralanıb, 7 avtomobil yanıb.

Hazırda ərazidə müvafiq işlər görülür. Araşdırma aparılır.

[A.Bagirova]

Yaxin insanlardan bu hadisenin shahidi olanlar olub.Allah sebr versin. Tehlukesizlik tedbirlerini guclendirmek lazimdir.

[Konfutsi]

Bizim yanacagdoldurma mentegelerinde yangin tehlukesizliyi gaydalarina riayet olunmur.Gerek ne ise fovgelade bir hadise bash versin ki,cavabdeh shexsler herekete gelsinler.Nece-nece aile oz uzvunu itirdikden,necesinin ise saglamligina ciddi zerer deydikden sonra bashlayiblar gunahkar axtarmaga.Guya ki,bununla heyatlarini itirmish insanlar geri gayidacaglar.Bu geder de mesuliyyetsizlik olar?

[Blok]

Bizim yanacagdoldurma mentegelerinde yangin tehlukesizliyi gaydalarina riayet olunmur.Gerek ne ise fovgelade bir hadise bash versin ki,cavabdeh shexsler herekete gelsinler.Nece-nece aile oz uzvunu itirdikden,necesinin ise saglamligina ciddi zerer deydikden sonra bashlayiblar gunahkar axtarmaga.Guya ki,bununla heyatlarini itirmish insanlar geri gayidacaglar.Bu geder de mesuliyyetsizlik olar?

Sizin sözünüzə qüvvət

Bakıda istifadəyə verilən yanacaqdoldurma məntəqlərinin demək olar ki, yarıdan çox hissəsi əhalinin sıx oldugu yaşayış massivlərində inşa edilib..Allah göstərməsin gələcəkdə hər hansı bir gözlənilməz hadisə baş versə kimlər məsuliyyet daşıyacaq?

[TURAN800]

Bu hadisə Azpetrolun təhlükəsizlik kameraları ilə çəkilib.Videoya qafqazinfo.az və YouTube saytlarında baxa bilərsiniz.Videodan da göründüyü kimi hadisə yanacaqdoldurma məntəqəsində yox,məntəqənin yaxınlıgında baş verib...Hadisə vaxtı orda olan şahidlər də bunu təsdiqləyirlər...amma,mən rəsmilərin dediyi kimi 4 nəfərin yox,daha çox insanın öldüyünü düşünürəm...

[Blok]

Azpetrol məlumat yaydı

"Yanacaqdoldurma məntəqəsinə çırpılan yanacaq daşıyan maşın Azpetrola məxsus olmayıb"

"Azpetrol"un mətbuat xidmətinin rəhbəri Camal Zeynalov Lent.az-a bildirib ki, partlayışa səbəb olan yanacaq daşıyan maşın adı çəkilən şirkətə məxsus olmayıb:

"Partlayışa səbəb olan yanacaq daşıyan maşın Bakı istiqamətinə hərəkət edirmiş. Bu zaman onun qarşısına başqa bir avtomobil çıxıb və yanacaq daşıyan avtomobilin sürücüsü qəzadan yayınmaq üçün maşını yanacaqdoldurma məntəqəsinə tərəf döndərib. Ancaq sürücü idarəetməni itirdiyindən avtomobil məntəqəyə çırpılıb və nəticədə partlayış baş verib. Məntəqəmizə və müştərilərimizə xeyli ziyan dəyib. Hazırda həmin yanacaq daşıyan maşının hansı şirkətə aid olması və ziyanın miqdarı araşdırılır".

Hadisə dünən saat 15 radələrində baş verib. İlkin məlumatlara görə, 30 nəfərə yaxın yaralı var.

[E-MinuS]

Allah ölənlərə rəhmət etsin

[julianaa]

Allah komekleri olsun..

[Blok]

Hacıqabuldakı partlayışın videosu

http://www.youtube.com/watch?v=F8cjcjyzoXU&feature=player_embedded

[Dark Lady]

Bunun Azpetrola aidiyyəti yoxdur axı. Videoda da aydın görünür ki, yaxınlaşan maşının alışması nəticəsində baş verib partlayış.

[Gilenar]

Ən pisi odur ki, avtobus sərnişinlərlə birlikdə yanacaq doldurma məntəqəsinə gedir və qaydaları pozur. Bütün avtobuslar belə edir kimdir ki, buna fikir verən. Nəticədə nə qədər sərnişin xəsarət alıb. Bunun günahı da sürücüdədir. Yəqin ki məsuliyyətə cəlb edilər.

[TURAN800]

Ən pisi odur ki, avtobus sərnişinlərlə birlikdə yanacaq doldurma məntəqəsinə gedir və qaydaları pozur. Bütün avtobuslar belə edir kimdir ki, buna fikir verən. Nəticədə nə qədər sərnişin xəsarət alıb. Bunun günahı da sürücüdədir. Yəqin ki məsuliyyətə cəlb edilər.

Hadisə zamanı yanan Gəncə-Bakı avbtobusu həmin vaxt yanacaqdoldurma məntəqəsində olmayıb.Həmin avtobus hadisə zamanı yanacaqdoldurma məntəqəsinin yanından keçən yolda hərəkətdəymiş.Bunu videoadan da,hadisə yerindən çəkilmiş fotoşəkillərdən də açıq-aydın görmək mümkündür.Yaxşı ki,partlayıb havaya uçan qaz sisterni birbaşa avtobusa və yaxud yanacaqdoldurma məntəqəsinə çırpılmadı.Yoxsa faciənin miqyası daha böyük və agır olardı.

[Gilenar]

Əgər belədirsə, yaxşı olardı. Ancaq etiraf edək ki, sərnişinlərlə birlikdə yanacaq doldurma məntəqəsinə gedən avtobuslar coxdur.

[TURAN800]

Əgər belədirsə, yaxşı olardı. Ancaq etiraf edək ki, sərnişinlərlə birlikdə yanacaq doldurma məntəqəsinə gedən avtobuslar coxdur.

Razıyam.Özüm dəfələrlə avtobusların içi dolu sərnişinlə günün günorta cagı yanacaqdoldurma məntəqələrinə girməsinin və yanacaq götürməsinin şahidi olmuşam.Bir ara buna qadaga qoyuldu,amma həmişəki kimi bu qadagaya da bir həftə riayət olundu...

[Blok]

Razıyam.Özüm dəfələrlə avtobusların içi dolu sərnişinlə günün günorta cagı yanacaqdoldurma məntəqələrinə girməsinin və yanacaq götürməsinin şahidi olmuşam.Bir ara buna qadaga qoyuldu,amma həmişəki kimi bu qadagaya da bir həftə riayət olundu...

bu cür halların yaranmasının səbəbkarı kimlərdir? İlk növbədə özümüz.

Avtobus sürücüsünü mühakimə etmiriksə, demək özümüz günahkarıq.

[TURAN800]

bu cür halların yaranmasının səbəbkarı kimlərdir? İlk növbədə özümüz.

Avtobus sürücüsünü mühakimə etmiriksə, demək özümüz günahkarıq.

Razıyam.Avtobus sürücülərinin 95 %-i yollarda istədiklərini eliyirlər,ancaq tərbiyəsizlik nümayiş etdirirlər,sərnişinlərdən heç kim səsini çıxartmır.Hamı susur!Avtobus sürücülərinin (əgər onlara sürücü demək olarsa) qayda pozutularına göz yumanlar özləri bu avtobuslarda getmirlər axı.Ona görə də baş verənlər onları maraqlandırmır.Hadisə olanda isə sadə insanlar xəsarət alırlar,ölürlər,əziyyət çəkirlər.Bu səbəbdən,ictimai nəqliyyatda baş verən qayda pozuntularına ilk növbədə həmin nəqliyyatda gedən sərnişinlər reaksiya verməlidirlər.

[Blok]

Nobel prospektində yanğınsöndürən maşın aşıb Xöşbəxtlikdən hadisə nəticəsində xəsarət alan olmayıb

Ötən gecə paytaxtın Xətai rayonu Nobel prospektində Fövqəladə Hallar Nazirliyinə (FHN) məxsus yanğınsöudürən maşın qəza törədib. Hadisə zamanı nazirliyin əməkdaşı Cabbar Məmmədovun idarə etdiyi “Kamaz” markalı maşın idarəetmənin itirlməsi nəticəsində aşıb. Qəza nəticəsində sürücü və yanğınsöndürən maşında olan sərnişinlər arasında ciddi xəsarət alan olmayıb. Aşan maşının sürücüsü Cabbar Məmmədov dönmə əməliyyatı vaxtı qarşısında qəfil maşın dayandığını, sükanı sağa çevirəndə isə maşının arxasının qaçaraq aşdığını bildirib. Sürücü həmçinin avtomobildə 5 nəfər olduğunu və təlimə getdiklərini bildirib.

Hadisədən sonra əraziyə FHN-nin yüksək vəzifəli şəxsləri, o cümlədən qəzaya düşən maşını ərazidən uzaqlaşdırmaq üçün bir neçə yanğınsöndürmə avtomobili də cəlb edilmişdi. Amma aşan maşın ağır tonnajlı olduğundan qəzanın fəsadları başqa vasitələrlə aradan qaldırıldı. Belə ki, aşan avtomobil əraziyə çağırılan kranın köməkliyi ilə süzəlsilib və qoşqu vasitəsilə başqa bir yanğınsöndürən maşına bağlanaraq hadisə baş verən ünvandan uzaqlaşdırılıb.

Qeyd edək ki, aşan yanğınsöndürən maşının mühərrikindən axan yağ və digər yanacaq məhsulları qəza baş verən ərazidə yolun asfalt örtüyünü bərbad hala salmışdı. Hətta həmin ərazidə digər nəqliyyat vasitələrinin də sürüşərək qəza törətmək ehtimalı var idi. Bunu nəzərə alan yanğınsöndürənlər yolu təmizləyərək həmin ərazidə baş verə biləcək mümkün qəzaların qarşısını özləri aldılar.