Qaydalar / Report Düyməsi

[^^Paradise_Bird^^]

Forumda istifadəçilərin də, moderatorlarında işini asanlaşdıran gözəl bir funksiya var bu da Report funksiyasıdır.

Qarşılıqlı təhqirə keçməkdənsə bu funksiyadan istifadə edin və qanunsuzluğun qarşısını birdəfəlik alın!

Offtop, təhqir və sayrə qaydaları pozan postlar gördüyünüz zaman, diskussiyanın səviyyəsini qaldırmaq üçün Report funksiyasından istifadə edin!

Report düyməsindən istifadə qaydası:

Bütün postların, həmçinin şikayət etmək istədiyiniz postunda sol küncündə sarı üçbucaq görəcəksiniz, yanında da REPORT yazısı. Onu basın və açılmış pəncərədə postu niyə şikayət etdiyinizi yazın bundan sonrada SUBMİT düyməsini basın. Şikayət moderatorların report bazasına daxil olur və kimə aiddirsə o moderator da reaksiya verir.

Diqqətinizə görə çox sağ olun. Ümidvaram istifadə edəcəksiniz.

Edited July 12, 2011 by ^^Paradise_Bird^^

[Sunyata]

Hər vaxtınız xeyir , hörmətli iştirakçılar!

Bu mövzunu açmaqda məqsəd bölmədaxili problemlərimizi birgə , öz daxili imkanlarımız və səlahiyyətimiz çərçivəsində həllini tapmaq, beləliklə də bölməmizin inkişaf və irəliləyişini təmin etməkdir.

Qaydaların minimal olduğu cəmiyyətin daha yüksək səviyyəsinin göstəricisi olmasına baxmayaraq , digər tərəfdən qaydasız da normal , sağlam cəmiyyətin varlığı təəssüf ki, mümkün deyil .

Elə ona görə də , ilk növbədə sizləri forumun ümumi qaydalarına bir daha diqqətinizi cəlb etmək

Azərbaycan dilində

Rus dilində

və onlara riayət etməyə çağırıram. Bizim bölmə ideya və ideologiyaların, müxtəlif dini və fəlsəfi dünyagörüşlərin qarşılaşdığı və toqquşduğu meydan olduğuna görə burada insanlar daha emosional və daha sərt mövqeləri ilə müzakirələrin mübahisəyə , mübahisələrin də öz növbəsində şəxsi münasibətlərin araşdirilmasına və təhqirə keçməsinə zəmin yaradırlar.

Bunun qarşısını almaq üçün əvvəla “report” düyməsindən istifadə etməyi , bundan əlavə bu mövzuda konkret , təhqirli yaxud başqa səbəbdən lazım bildiyiniz hər hansı bir posta link verib şikayət edə bilərsiniz. Bölmənin idarə heyəti də öz növbəsində çox yubatmadan imkan daxilində bu şikayət və iradlara mövqelərini bildirəcəklər.

Yeni və təcrübəli iştirakçılardan xahiş edirəm , eyni adlı və məzmunlu olmasının qarşısını almaq üçün yeni mövzular açanda köhnə mövzuların adlarına bir də diqqət yetirin.

Bir daha nəzərə çatdiriram, təhqirlərə və provokasiyalara cavab vermədən , “report” düyməsindən və bu mövzudan istifadə edin.

Şəbəkə qaydalarının pozuntusunu ifadə edən bəzi terminlərinin izahı :

Offtop – ( ing. Off Topic ) - verilmiş mövzudan kənara çıxmaq.

Flud - (ing. Flood - daşqın) –heç bir faydalı informasiyaya malik olmayan , dəfələrlə təkrarlanan , çox vaxt trolling ( izahına aşağida bax) yaxud kiminsə qanını bilərəkdən qaraltmaq , pərt etmək və s. məqsədi güdən yazılar.

Flame- (ing. Flame – alov) - “söz müharibəsi” , iştirakçılar arasında gözlənilmədən coşqunluqla müzakirə olunan mövzudan kənara çıxaraq , şəxsiyyətə keçid və son nəticədə moderatorun işə qarışması il bitir.

Trolling- (ing. Qarmaqla balıq tutmaq ) – forumda etik qaydalaı pozaraq bilərəkdən provokativ informasiyanın gərginlik və konflikt vəziyyətinə gətirə bilən ab-havanın yaratması məqsədi daşıian yazıların yerləşdirilməsi.

İştirakçılara daha bir neçə xahişim. Mövzu açarkən onun adında və postlarınızda mümkün qədər əvvəlcə qrammatik səhvlərinizi yoxlayın . Cavab verməyə tələsməyin ( çat kimi istifadə ) , düşünülmüş və əsaslı cavablar verməyə çalışın. Söz azadlığı ilə vicdan azadlığı arasındakı balansı qoruyun. Bunlara riayət etsək bölməmizin inkişafına xidmət etmiş olarıq və bölmədə ümumi səviyyə də həmçinin daha yüksək məqamlara çata bilər.

Hörmətlə .

Edited August 26, 2012 by Sunyata