Zəlimxan Yaqubun Yaradıcılığı.

[gapgara]

Nə yaman soyuqmuş torpağın üzü,

Canında bir zərrə isti yoxuymuş.

Qoynuna çəkdisə qurtardı, getdi,

Od-ocaq kəsildi, tüstü yoxuymuş.

 

Göz yaşı, dərd-nalə, ah-zar aparır,

Bizi ölüm çəkir, məzar aparır.

Hərəni bir cürə azar aparır,

Allahın heç kəslə qəsdi yoxuymuş.

 

İnsanın zülmünə, bəxtinə baxın,

Dərd dalğa-dalğadı, qəm axın-axın.

Yenə də insanın torpaqdan yaxın,

Torpaqdan istəkli dostu yoxuymuş.

 

 

[gapgara]

Xalq şairi Zəlimxan Yaqub xəstəxanaya yerləşdirilib.

Publika.az-ın əldə etdiyi məlumata görə, xalq şairinin səhhətində problem yarandığından o, bu gün səhər xəstəxanaya aparılıb.

Ailəsi xəbəri təsdiqləsə də, şairin hansı xəstəxanaya aparıldığını açıqlamayıb.

Qeyd edək ki, Almaniyadan qayıdandan sonra səhhəti pisləşdiyi üçün şair həkimlərin qərarı ilə ev şəraitində dializ olunur.

[gapgara]

SƏNİ SEVMƏK ÜÇÜN GƏLDİM DÜNYAYA

 

Çöldə çiçək oldum, çəməndə naxış,

Şimşəkdə od oldum, buludda yağış.

Sirli bir göz gördüm, nurlu bir baxış,

Çevrildim çeşməyə, qarışdım çaya,

Səni sevmək üçün gəldim dünyaya.

 

Mən min il əvvəl də gələ bilərdim,

Min ildən sonra da ölə bilərdim.

Zamanı başqa cür hesablayardım,

Vaxtı başqa cürə bölə bilərdim.

Düşüb sən doğulan həftəyə, aya,

Səni sevmək üçün gəldim dünyaya.

 

Səsini eşitdim, səsdən səs aldım,

Şaqraq gülüşündən güc, həvəs aldım.

Sən nəfəsim oldun, mən nəfəs aldım,

Muştuluq verdilər Günəşə, Aya,

Səni sevmək üçün gəldim dünyaya.

 

Neçə dinsizləri dinə gətirdim,

Qorudum, sünbülü dənə gətirdim.

Könlümdə nə varsa, sənə gətirdim,

Mənim yollarımı kəsə bilmədi

Nə sərhəd, nə dəmir, nə daş, nə qaya,

Səni sevmək üçün gəldim dünyaya.

 

Məcnun da, Kərəm də, Fərhad da mənəm,

Məcnuna, Fərhada qanad da mənəm.

Ölüm də, sevgi də, həyat da mənəm,

Şükür Yaradanın verdiyi paya,

Səni sevmək üçün gəldim dünyaya.

[gapgara]

BU YAŞIL AĞACIN ALTI BİZİMDİ

Kök üstə budağı neçədi bildim,

Budaqda yarpağı neçədi bildim.

Salxımı, saçağı neçədi, bildim,

Bu yaşıl ağacın altı bizimdi.

 

Saçağı tərpənir tellərin kimi,

Yarpağı oynaşır əllərin kimi,

Düyməsi açılıb dillərin kimi,

Bu yaşıl ağacın altı bizimdi.

 

Bu sevgi, bu layla, bu beşik bizim,

Çəkər növbəmizi bu keşik bizim.

Nəyimizə lazım ev-eşik bizim,

Bu yaşıl ağacın altı bizimdi.

 

Su içər sevginin kökü ömürdən,

Sevgi əl üzməsin təki ömürdən.

Xoş bir xatirədi iki ömürdən,

Bu yaşıl ağacın altı bizimdi.

 

Könlümüz havalı, gözümüz də ac,

Gəncliyin havası başımızda tac.

Bir sənsən, bir mənəm, bir yaşıl ağac,

Bu yaşıl ağacın altı bizimdi.

 

Atəş Allahındı, isti Allahın,

Ocaq Allahındı, tüstü Allahın.

Bu yaşıl ağacın üstü Allahın,

Bu yaşıl ağacın altı bizimdi.

 

Dən kimi səpələ, toxum kimi ək,

Zəlimxan, bu anın ləzzətini çək.

Hələ bizdən sonra çoxu deyəcək,

Bu yaşıl ağacın altı bizimdi.

 

P.S. Bir neçə il öncə Masallıda toydaydım, oxuyan iki nəfər idi, bir qız, bir oğlan. Tez -tez bir müsiqi çalınır, müğənnilər oxuyur, ancaq heç nə anlaya bilmirdim, bir sonda eşidirdim ki, deyirlər "bizimdir". Bakıya qayıdandan bir həftə sonra bu müsiqini TV-də eşitdim. Bu yaxınlarda isə Zəlimxanın şerlərini vərəqləyəndə rast gəldim bu şeirə )

[gapgara]

Zəlimxan Yaqub dünyasını dəyişdi. Allah rəhmət eləsin.

[NOIR]

Sözlər mənim çiçəyimdi

Balımı sözdən çəkmişəm.

İşığımı, alovumu

Sözdəki közdən çəkmişəm.

 

Min dağı, min dərəsi var

Uçurumu, bərəsi var,

Sözün nə ki şirəsi var

Baxışdan, gözdən çəkmişəm.

 

Yarım bilməz, Lələm bilməz

İçim bilər, aləm bilməz.

Mən çəkəni qələm bilməz,

Nə çəkdimsə, mən bilmişəm.

 

Allah rəhmət eləsin. çox ağrılı xəstəlikdir, çox çəkib yazıq, rahatlıq tapdı nəhayət .

 

 

 

[Shahla-M]

Allah rehmet elesin!

Fenomenal yaddawa sahib bir wair idi...

[Shahla-M]

     

 

ÜRƏYİMDƏN KEÇƏNLƏR

 

              

 

Yolçunu isindirən

 

yanar oddu-ocaqdı,

 

Dağ döşündə qaynayan,

 

göz-göz olan bulaqdı.

 

Bar altında əyilən

 

çarpazlanmış budaqdı,

 

Ürəyimdən keçənlər!

 

              

 

Göz yaşı qədər duru

 

dağlardan axan sudu,

 

Göy meşədə, çəməndə

 

ötən qumrudu, qudu.

 

Anasının dalınca

 

qaçan körpə quzudu,

 

Ürəyimdən keçənlər!

 

              

 

Gəncliyim, gerçəkliyim,

 

düzlüyüm, şaxlığımdı,

 

Həm sərtliyim, bərkliyim,

 

həmi yumşaqlığımdı.

 

Kövrək körpəliyimdi,

 

dəcəl uşaqlığımdı,

 

Ürəyimdən keçənlər!

 

              

 

Yer üzündə insandı,

 

göy üzündə mələkdi,

 

Şah-vəzirdi, nökərdi,

 

hökmdardı, fələkdi.

 

Bir ürəyə sığmayan

 

min-min azan-diləkdi,

 

Ürəyimdən keçənlər!

 

              

 

Solub gedən çiçəkdi,

 

sönən közdü-kömürdü,

 

Alnımıza yazılan

 

göstərişdi, əmrdi.

 

Torpaqdan boy göstərib

 

torpaq olan ömürdü,

 

Ürəyimdən keçənlər!

[Shahla-M]

ŞİRİN DÜNYA

 

              

 

Bulağı sərin dünya –

 

Min il ömrüm olaydı,

 

Sularından içəydim.

 

Dərələrə hay salıb,

 

Çaylarından keçəydim.

 

              

 

Neməti şirin dünya –

 

Şirin nemətlərini

 

Hey daddıqca dadaydım.

 

Ömrün-günün vaxtını,

 

Çəkəydim, uzadaydım.

 

              

 

Söhbəti dərin dünya –

 

Dərin söhbətlərinə

 

Tez-tez qulaq asaydım.

 

Nə yaratdın, nə qurdun,

 

Hamısını balam tək,

 

Öz bağrıma basaydım.

 

              

 

Heyf o sərinliyə,

 

Heyf o şirinliyə,

 

Heyf o dərinliyə.

 

Ömür azdı, vaxt qısa,

 

Toydan çox həyat bizi,

 

Yasa çağırır, yasa!

 

 

[Shahla-M]

MƏNƏM

 

Çiçək ölüsüyəm, gül dəlisiyəm,

Əllərdə güllərin dəstəsi mənəm.

Ağacda yarpağam, yarpaqda nəğmə,

Budaqda quşların bəsdəsi mənəm.

              

Hər biri nəğməli, neyli bir dodaq,

Qurumur dağ çayı, qurumur bulaq.

Sağlamdı təbiət, sağlamdı torpaq,

Ana təbiətin xəstəsi mənəm.

[Vusal Selimovv]

ALLAH rehmet elesin!

[gapgara]

 

Bağım yoxdu bağdan ötrü darıxam,

Dağım yoxdu dağdan ötrü darıxam.

Qohum yoxdu yollarına göz dikəm,

Gəlib-gedən sağdan ötrü darıxam.

Son əlacım bircə ona qalır ki,

Boyum qədər qəbir yeri axtaram,

Kəfən üçün ağdan ötrü darıxam.

[Igolka]

*** ZƏLİMXAN YAQUB ***
        "UZAQ GƏZMƏ"

O dәnizdәn mәnә bircә damla ver,
Mәn damlanı bir dәnizә çevirim.
Sovqat bilib göndәrdiyin sevgini,
Ürәyimdә saza, sözә çevirim.

Quşa dönüm, sünbülündәn dәn alım,
Dәnizim ol, sahilinә yan alım.
O gözlәrin qadasını mәn alım,
Baxışları oda-közә çevirim.

Ərit mәni, damla-damla әri, gәl,
Gәl ömrümün sәrvәti, gәl, zәri, gәl.
Uzaq gәzmә, o dağlardan bәri gәl,
Sәni görüm, dağı düzә çevirim. 

[Igolka]

Arzularım, diləklərim sənə yüzdü, mənə min,

Yanaqların nəm görməsin sənin kimi sənəmin.

Yolçu sən ol, yol mən olum, keç üstündən sinəmin,

Uzaqlığın məndən ötrü hicran deyil, bəs nədir?!
Gözəlliyin gözlərimin qarasıdır, ağıdır, Ürəyimdə məcnunluğun zilə qalxan çağıdır.

Dalğalar var, sahilləri döyür, didir, dağıdır

Varlığımda baş qaldıran tufan deyil, bəs nədir?!
Baxışınla baxışımı oxşa incə, sev incə,
Göz dəyməsin gözlərində güllər açan sevincə.

Belə vurğun baxmağını günah sayma bu gəncə,

Günəbaxan al Günəşə heyran deyil, bəs nədir?!
Əvəzimdə hər kim olsa, yaşamaqdan bezərdi,

Gözləməkdən duyğulanm köz-köz olub közərdi.

Daş olsaydı ömrü boyu həsrətinə dozərdi,

Əriməzmi bu Zəlimxan, insan deyil, bəs nədir?!

 

Z.Yaqub.

[Igolka]

SƏNİ SEVMƏK ÜÇÜN GƏLDİM DÜNYAYA..

 

Çöldə çiçək oldum, çəməndə naxış, Şimşəkdə od oldum, buludda yağış. Sirli bir göz gördüm, nurlu bir baxış, Çevrildim çeşməyə, qarışdım çaya, Səni sevmək üçün gəldim dünyaya.
Mən min il əvvəl də gələ bilərdim, Min ildən sonra da öləbilərdim. Zamanı başqa cür hesablayardım, Vaxtı başqa cürə bölə bilərdim. Düşüb sən doğulan həftəyə, aya, Səni sevmək üçün geldim dünyaya.
Səsini eşitdim, səsdən səs aldım, Şaqraq gülüşündən güc, həvəs aldım. 
Sən nəfəsim oldun, mən nəfəs aldım,
Muştuluq verdilər Günəşə, Aya, 
Səni sevmək üçün gəldim dünyaya.
Neçə dinsizləri dinə gətirdim, Qorudum sünbülü dənə gətirdim, Könlümdə nə varsa, sənə gətirdim. Mənim yollarımı kəsə bilmədi
Nə sərhəd, nə dəmir, nə daş, nə qaya, 
Səni sevmək üçün gəldim dünyaya.
Məcnun da, Kərəm də, Fərhad da mənəm, 
Məcnuna, Fərhada qanad da mənəm, 
Ölüm də, sevgi də, həyat da mənəm Şükür Yaradanın verdiyi paya, 
Səni sevmək üçün gəldim dünyaya.

 

Z.Yaqub

 

İgolka, Zəlimxanın şeirlərini bura köçürdüm. 

Edited July 31, 2016 by gapgara

[Igolka]

Gara Edebiyyat bölmesinde qalsaydı...

Bu bölmeni ele de sevmirem..) 

 

[Igolka]

NARAZI
Neyləsin boz səhrada, dəvəsi ölmüş ərəb?

Kimi ölmüş dəvədən, kimi atdan narazı. Biri gözündə nisgil, biri gözündə giley, Tərs gələn, bəd gətirən bir saatdan narazı.

Fələklərə ol açan yetişmir muradına, Olur göy üzündəki yeddi qatdan narazı. Fikri üst-üstə düşmür oğul ilə atanın,

Zat əsildən narazı, əsil zatdan narazı. Dözə bilmir zamanın zərbəsinə, zülmünə,

Çat ürəkdən narazı, ürək çatdan narazı. Barmaq ilə sayılır Allahından razılar, Hamı bir nəfər kimi bu həyatdan narazı!

 

Z.Yaqub..

[Забавный человек]

Kepenekci xalginin gozel numayendesi idi.Allah rehmet elesin ona

[Забавный человек]

O insanda nitq ve nqiqlik verki idi. Her meclisde onu yeri var idi.

Bele insanlar 100 ilde bir defe dogulur

[bask]

Borcali oqullu

[bask]

Cox bilmiw insandir

[umniy Nxcivanli]

В 31.07.2016 в 09:10, Igolka сказал:

SƏNİ SEVMƏK ÜÇÜN GƏLDİM DÜNYAYA..

 

Çöldə çiçək oldum, çəməndə naxış,

Şimşəkdə od oldum, buludda yağış.

Sirli bir göz gördüm, nurlu bir baxış,

Çevrildim çeşməyə, qarışdım çaya,

Səni sevmək üçün gəldim dünyaya.

Mən min il əvvəl də gələ bilərdim,

Min ildən sonra da öləbilərdim.

Zamanı başqa cür hesablayardım,

Vaxtı başqa cürə bölə bilərdim.

Düşüb sən doğulan həftəyə, aya,

Səni sevmək üçün geldim dünyaya.

Səsini eşitdim, səsdən səs aldım,

Şaqraq gülüşündən güc, həvəs aldım. 
Sən nəfəsim oldun, mən nəfəs aldım,
Muştuluq verdilər Günəşə, Aya, 
Səni sevmək üçün gəldim dünyaya.

Neçə dinsizləri dinə gətirdim,

Qorudum sünbülü dənə gətirdim,

Könlümdə nə varsa, sənə gətirdim.

Mənim yollarımı kəsə bilmədi
Nə sərhəd, nə dəmir, nə daş, nə qaya, 
Səni sevmək üçün gəldim dünyaya.

Məcnun da, Kərəm də, Fərhad da mənəm, 
Məcnuna, Fərhada qanad da mənəm, 
Ölüm də, sevgi də, həyat da mənəm

Şükür Yaradanın verdiyi paya, 
Səni sevmək üçün gəldim dünyaya.

 

Z.Yaqub

 

İgolka, Zəlimxanın şeirlərini bura köçürdüm. 

Yolun Dushse Bu Dunyaya birde gel
 

Söz: Vəsilə Əfqanqızı
Mus: Tacir. Ş.

Bənd 1:

 

Ağrılarım acılarım dinməyib
Sən gedəndən bir gün üzüm gülməyib
Bu dünyanı görən gözüm görməyir
Yolun güşsə bu dünyaya birdə gəl...
 

Bilirəm ki getdiyin yol uzaqdı
Hər bayramım bir tələdi tuzaqdı
Sən gedəndən ev eşik də sazaqdı
Yolun düşsə bu dünyaya birdə gəl...

Nəq:

Gündüzlərim döndü gecə oldu gəl
Cavanlığım yavaş yavaş soldu gəl
Səndən sonra dünya bomboş qaldı gəl
Yolun düşsə bu dünyaya birdə gəl...

Bənd  2:

Duman çöküb yollarımı görmürəm
Nə müddətdir danışmıram gülmürəm
Getdiyin yer hər necədi bilmirəm
Yolun düşsə bu dünyaya birdə gəl....

 

Bilirəm ki getdiyin yol uzaqdı
Hər bayramım bir tələdi tuzaqdı
Sən gedəndən ev eşik də sazaqdı
Yolun düşsə bu dünyaya birdə gəl...

 

Edited July 30, 2019 by umniy Nxcivanli