Hüquq sahələri anlayışı və təsnifatı. Hüququn sahələrə bölünməsinin meyarları

Hüquq sahələri anlayışı və təsnifatı. Hüququn sahələrə bölünməsinin meyarları

Hüquq sahəsi hüquq sisteminin müəyyən növ ictimai münasibətlərini tənzimləyən, hüquq normalarından ibarət olan müstəqil hissəsidir. Məsələn, torpaq münasibətlərini tənzimləyən hüquq sahəsi torpaq hüququnu əmələ gətirir. Maliyyə sahəsini tənzimləyən hüquq sahəsi maliyyə hüququnu əmələ gətirir.

Müasir cəmiyyətin hüquq sistemi aşağıdakı sahələrə bölünür:

1. Dövlət hüququ – ölkənin ictimai və dövlət quruluşunun əsasları, dövlət orqanlarının əsas səlahiyyətlərinin təsbit edən hüquq sahəsidir.

2. İnzibati hüquq – dövlət orqanlarının icra-sərəncam fəaliyyətinin həyata keçirilməsi prosesində yaranan ictimai münasibətləri tənzimləyir.

3. Maliyyə hüquqi – maliyyə sahəsindəki ictimai münasibətləri tənzimləyir.

4. Torpaq hüququ – torpaq, onun təki, sular və s. ibarət münasibətləri tənzimləyir.

5. Mülki hüquq - əmlak və şəxsi qeyri-əmlak xarakterli münasibətləri tənzimləyən hüquq sisteminin ən geniş sahəsidir.

Bundan başqa əmək hüququ, ailə hüququ, mülki-prosessual hüquq, cinayət hüququ, cinayət-prosessual hüquq kimi sahələr də vardır.