İranın “Şahdəniz”dəki payı ABŞ və Avropa tərəfindən sanksiyalara səbəb olabilməz

[interland]

Bu gün Media Mərkəzində ABŞ Dövlət Departamentinin Avrasiyanın enereji məsələləri üzrə xüsusi nümayəndəsi Riçard Morninqstar mətbuat konfransı keçirir.

Riçard Morninqstar hazırda Bakıda səfərdədir. O, Azərbaycan rəsmiləri ilə danışıqlar aparacaq, "Xəzər Neft və Qaz 2011" sərgisində iştirak edəcək.

Onun Bakı təmasları zamanı "Cənub dəhlizi" layihəsi və Xəzərin enerji ehtiyatlarının istismarı və nəqli perspektivləri müzakirə ediləcək.

ABŞ Dövlət Departamentinin Avrasiyanın enereji məsələləri üzrə xüsusi nümayəndəsi Riçard Morninqstar bazar ertəsi Bakıda mətbuat konfransında bildirib ki, Azərbaycan qazının Rusiyaya satışı “Cənub energi dəhlizi” layihəsinə heç bir neqativ təsir göstərə bilməz.

Onun sözlərinə görə, Azərbaycan suveren dövlətdir və öz ehtiyatlarını lazım bildiyi kimi istifadə edə bilər. Eyni zamanda o, qeyd edib ki, Azərbaycan qazının Rusiyaya satış həcmi azdır, buna görə də “Cənub energi dəhlizi” layihəsinə heç bir təsir göstərmir.

Jurnalistlərin AB və Avropa tərəfindən 10%-ni İranın NICO şirkətinə məxsus Azərbaycanın “Şahdəniz” qaz layihəsinə sanksiyaların tətbiq olunması mümkünlüyü haqda suala cavab verən Morninqstar qeyd edib ki, bu məsələyə ehtiyatla yanaşmaq lazımdır: "Belə hərəkətlərin nəticələri ciddi ola bilər. İran “Şahdəniz” layihəsində kiçik paya sahibdir və sanksiyaların tətbiqi bu ölkəyə sərf edəcək, çünki o zaman Azərbaycan qazı Avropaya deyil, Rusiya və ya Çinə nəql ediləcək".

Riçard Morninqstar qeyd edib ki, hazırda Amerika şirkətləri Türkmənistan hökümətiylə bir sıra ofşor layihələrinin reallaşması istiqamətində danışıqlar aparırlar. Bu isə onu fikrincə, “Cənub dəhlizi” layihəsinin həyata keçirilməsi üçün təkan verəcək.

Riçard Morninqstar bəyan edib ki, o, iyunun 13-də, rəsmi səfərlə Türkmənistana yollanacaq və prezident Qurbanqulu Berdımuhammədovla danışıqlar aparacaq.

O, layihənin reallaşmasının Avropa İttifaqı, Azərbaycan və Türkmənistanda asılı olduğunu vurğulayıb.

“Cənub dəhlizi” təbii qazın Xəzər və Yaxın Şərq regionundan Qərbi Avropaya nəql edilməsi üçün layihələşdirilən boru kəməridir.

[vuqar melikov]

Belə başa düşdüm ki , hətta Türkiyənin nazırinin keçən həftələrdə Azərbaycanın ünvanına "atlanıb - düşməsinə" baxmayaraq , yenə də Azərbaycan NABUCCO da ən vacib ölkələrdən biridir . Amma Avropa, Dağlıq Qarabağ problemində Azərbaycana köməklik etməlidir , heç deyilsə Fransa , Almaniya , Belçika kimi bir sıra Avropa dövlətləri öz parlamentlərində mütləq Ermənistanı işğalçı dövlət kimi tanımalıdırlar və bir daha Azərbaycanın ərazı bötövlüyünü dəstəkləyici qərarlar qəbul etməlidirlər . Yox əgər dəstək yox isə, burada yalnız bu məsələdə biz Avropaya deyil, Avropa bizə möhtacdır .

[vuqar melikov]

...........