5 Noyabr - Şair Baba Pünhanın Doğum Günüdür

[Гулливер]

Məğrur görünsə də o can üstədir,
Bakının dərdi var Bakı xəstədir.

 

 

[Гулливер]

Qatmısan sən yenə də malı mala, nolub ala,

Qazıyırsan ayağım altda çala, nolub ala.

Xəzərə çəkdin hasar, ruhuma qoydun gömrük,

mülkü tikdin məni saldın kanala, nolub ala.

Qız, gəlin orda əsirlikdə qalıb ermənidə

götürürsən evinə gündə xala, nolub ala.

İçəri şəhərimizin hər daşı bir tarixdir

çəkmisən tarixə inpırtnı mala, nolub ala...

[Гулливер]

Yorğundur, yatmayır haçandan Bakı,
Doyub yad elliden, qaçqından Bakı.
Üzülüb, ölecek acından Bakı,
Meğrur görünse de o can üstedir,
Bakının derdi var Bakı xestedir.
Yaltaqlar destesi baş alıb gedir,
Qeyret yavaş-yavaş boşalıb gedir,
Mektebli qızlar da qaş alıb gedir,
Erli de, ersiz de bir hevesdedir.
Bakının derdi var, Bakı xestedir.
Esrler itirdik iller içinde,
Qanqallar bitirdik güller içinde,
Çaqqallar dolaşır eller içinde,
Aslanlar, pelengler daş qefesdedir,
Bakının derdi var, Bakı xestedir.
O, Cıdır düzüyçün çadır ağlayır,
Çadır övladıyçün Cıdır ağlayır,
Namus itkin düşüb abır ağlayır,
Kömeksiz qız-gelin deste-destedir.
Bakının derdi var, Bakı xestedir.
Sen ey "Qız qalası" qalasan hele,
Seni hemişe qız qalasan hele,
Derdini Pünhana qala sen hele,
Ta ki, göz yollarda qulaq sesdedir,
Bakının derdi var Bakı xestedir

[Гулливер]

 "Sizmi deyim?"
Sənə mən siz deyərəmsə, özümə biz mi deyim,
O böyük Tanrıya sən, bəndəsinə siz mi deyim?
Nə qədər ki, özümüzdən özümüz bixəbərik,
Özümə mənsiz, əzizim, sənə sənsiz mi deyim?
Bilən heç kimliyini dəhrdə bir kim sayılar,
Bunu dərk eyləməyən insana aciz mi deyim?
Ayaq altında salar iz, deyilən söz havada,
Biri vardır, biri yox, iksinə də iz mi deyim?
Qara gündən ağaran saqqala, Pünhan, görəsən,
Ağaran üz mü deyim, ya gecə-gündüzmü deyim?

[Hero_IN]

Heyif senden ay Baba Pünhan..Allah rəhmət eləsin..

[Гулливер]

Heyif senden ay Baba Pünhan..Allah rəhmət eləsin..

Allah rəhmət eləsin, Sabirdən sonra ikinci belə şair Baba Pünhan idi..Dəhşət adam idi..Sözün də deyirdi hamıya..

ANS-den zehlem gedir, amma sağolsun Qulp verlişi tapıb onu tanıtdı bizlərə..

[Гулливер]

Hələlik, düzlük adıynan, düzülüb yan gedirik,
Gedirik, əzm ilə biz, aclığa qurban gedirik.
Leninin şalbanını hamı çiyinlərdən atıb,
Çoxunun yox xəbəri, bizdədi şalban, gedirik.

[Hero_IN]

Allah rəhmət eləsin, Sabirdən sonra ikinci belə şair Baba Pünhan idi..Dəhşət adam idi..Sözün də deyirdi hamıya..

ANS-den zehlem gedir, amma sağolsun Qulp verlişi tapıb onu tanıtdı bizlərə..

O vaxtdi ANS ANS idi..indi ANS den hec ne qalmayib..Beləsi çətin gəlsin birdə dünyaya..

[Xalq artisti]

İtim, gəl dur önümdə

Gəl başına dönüm də.

Sən Pünhanın günüdə

Pünhan da it günüdə

 

saz deyib ) 

[Гулливер]

Nə yaman eyləmisən rüşvətə adət, ay ata, 
Yıxacaq evmizi bir gün bu cinayət, ay ata.

Sənə mənsəb verilibsə, o deməkdirmi məgər,
Tikəsən nəslinə hər yerdə imarət, ay ata.

Əməlinlə məni rüsvayi-cahan eyləmisən,
Çəkirəm dostlar arasında xəcalət, ay ata.

Sənin ekrandakı yaltaqlığın üzmüş anamı,
Ona rişxənd eləyir külli-cəmaət, ay ata.

Bilirəm, sən də alırsan yığasan verdiyini,
Verməsən ustuluva yoxdu zəmanət ay ata.

Salmısan zindana yüzlərlə günahsızları sən,
Onların qarğışı qoymaz bizi rahət, ay ata.

Gəmiçi öz gəmisində sənə yer verdi fəqət,
Gəmisin istədin ondan bu xəyanət, ay ata.

Hara getsən son ümidün yenə Allah olacaq,
Tövbə qıl, gəl namaza eylə ibadət, ay ata.

Xəlqdən pünhan olan sərvəti qaytar xalqa,
Macalın olmayacaq gəlsə qiyamət, ay ata.

[Гулливер]

O vaxtdi ANS ANS idi..indi ANS den hec ne qalmayib..Beləsi çətin gəlsin birdə dünyaya..

düzdü, ANS-de döyüş ruhu qalmayıb..

BAba əsil istedad idi..çox gec tanındı tez de köçdü dünyadan..Allah rehmet elesin..

[Поль Погба]

Dəhşət adam idi. Allah rəhmət eləsin.

Ad günün mübarək. Ruhun şad olsun.

[Waterandsun]

100 ildə 1 dəfə dünyaya gələn istedadlardan idi rəhmətlik. Kitabları şkafımın ən görünən yerindədir

Allah sənə rəhmət eləsin, Baba! Xalqın danışan dili, ürəklərin sədası idin 

Edited November 7, 2015 by Waterandsun

[mynickname]

Allah rəhmət eləsin gözəl şairə

[Сабах]

Allah Zelimxanlarin omrunden kesib sene versin deyecekdim o vaxtlar, amma sherefsizlerin omrunden sene pay olmaz

 

 

Plyunul ya yemu v litso, mne v otvet ulıbnulsya,
Podumal on idyot dojdik, Iyot medlenno, medlenno.

Edited November 8, 2015 by Сабах

[monashka12]

 

[monashka12]

Sənə qurban kəsərəm
(Bəhri-təvil)

 

Külək ollam, əsərəm mən, nəfəsinçün gəzərəm mən, sənə qurban kəsərəm mən, gecə-gündüz yeri səngər, Vətənin qeyrətini qoruyan əsgər.

 

Yağı tülkü - sən hünərvər, yağı güclü - sən oğul ər, hünərin düşmənə göstər.

 

Elə göstər ki, ulu Babəkimin ruhu şad olsun,

Nəbinin qəbri, axıb nur ilə dolsun,

bənizi sapsarı solsun səni gördükdə o düşmən,

sənə qurban kəsərəm mən,

gecə-gündüz yeri səngər,

Vətənin qeyrətini goruyan əsgər.

"Qır at"ın yox, "Qradın" var,

"Dür at"ın yox, dürr adın var, savadın var və soyun var, soyadın var, cihadın var Vətən uğrunda sənin, eylə hücum, sən cum, onun üstünə cum, sür maşını - at qradı, kəs başını - al muradı, qov o köpək oğlunu burdan Yerevanə, qov onu xanəbəxanə.

 

Qulağın yox, nəsilin kəs ki, yayılsın bu xəbər cümlə cahanə, bunu isbat elə dünyadə hər insanə ki, qorxutmaz əzizim, bizi bundan sonra OON, geyə min don, nə Klinton, nə Parij, Bonn, nə də London, qoyuban son, deginən onlara pardon.... çaxasan başına patron, deyəsən ay kopoyoğlu Mixail, aləmi qatdın, deyəsən arzuna çatdın və müsəlmanı azaltdın, bir üzükçün elə bir cənnəti satdın.

 

Qarabağ oldu biyaban, Bakıda doldu xiyaban, oğulum getdi əlimdən, qızımı doğradı düşmən, qana qandır demisən sən, sənə qurban kəsərəm mən, gecə-gündüz yeri səngər, Vətənin qeyrətini goruyan əsgər.

Bilirəm qışda başın üstən əzizim, necə sərt rüzgar əsir, qar ələyir, şaxta kəsir. Heç sənə lazım deyil əsla, neçə minlik "propitka", sənə bir adicə "kurtka", sənə bir tüklü "batinka", sənə bir isti "kazarma", sənə bir yaxşı "bozartma", gəl utandırma qızartma, günə yüz min qazanan, gündə gəzən yüz qızınan, öz varına özü qızınan, azəri övladlarını ki, bu qədər varlıdılar, hallıdılar, pulludular, mallıdılar...

Sən nə özündən çıx, əzizim, nə də hirslən, axı sən mərdsən, igidsən, Vətən üçün bir ümidsən.

Külək ollam, əsərəm mən, nəfəsinçün gəzərəm mən, sənə qurban kəsərəm mən, gecə-gündüz yeri səngər, Vətənin qeyrətini qoruyan əsgər!