По поводу прописки

[GES]

Если есть кто нибудь разбираеться помогите я первый раз меняю прописку какие документы требуються и и русум сколько государству спасибо за внимание

[Doktor 9]

[quote name='GES' timestamp='1301675586' post='8715604']
Если есть кто нибудь разбираеться помогите я первый раз меняю прописку какие документы требуються и и русум сколько государству спасибо за внимание
[/quote]
Чтобы поменять прописку, необходимо поменять удостоверение личности. Вы должны принести выписку о принадлежности дома или квартиры, или ордер на квартиру, куда будете прописаны.

Вот информация из сайта МВД:

23.01.2011 | Şəxsiyyət vəsiqəsinin alınması

Azərbaycan Respublikası vətəndaşlarının ilk dəfə yaşayış yeri üzrə qeydiyyata alınması və onların şəxsiyyət vəsiqəsiylə təmin olunması zamanı aşağıdakı sənədlər tələb olunur.

A) Ərizə-anket (1 saylı və 2 saylı ərizə formaları)

16 yaşına çatmamış vətəndaşın doğum haqqında şəhadətnaməsi və qan qrupu haqqında arayış.

V) 16 yaşına çatmış vətəndaşın göstərilənlərdən əlavə gözlərinin rəngi, boyu haqqında tibbi arayış, bir neqativdən eyni ölçüdə çıxarılmış, başıaçıq, gündəlik həyatda ona xas olan xarici görkəm və əlamətlərlə (eynək, saqqal, bığ və s.) yalnız öndən təsvir edilmiş görünüşü olan 25 mm x 30 mm ölçüdə 3 (üç) ədəd rəngli fotoşəkil;

Q) Dövlət rüsumunun ödənilməsi barədə qəbz (şəxsiyyət vəsiqəsi üçün 2 (iki) manat (16 yaşına çatmış vətəndaşlar ilk dəfə aldıqda 1 (bir) manat), qeydiyyat üçün 2 (iki) manat. Əgər onlar müəyyən edilmiş qaydada dövlət rüsumu ödəməkdən azad ediliblərsə bu faktı təsdiq edən sənədin surəti. 16 yaşına çatmış vətəndaşlar qanunla nəzərdə tutulmuş 5 (beş) manat dövlət rüsumu ödədikləri halda onlara ilk dəfə şəxsiyyət vəsiqələri 3 (üç) iş günü müddətində verilə bilər.

Ğ) şəxsiyyət vəsiqəsi alan şəxs evlidirsə, nigahın bağlanması haqqında şəhadətnamə, nigah pozulduqda nigahın pozulması haqqında şəhadətnamə;

Ə) Azərbaycan Respublikası vətəndaşlığına qəbul olunmuş əcnəbilərdən və vətəndaşlığı olmayan şəxslərdən, həmçinin vətəndaşlığa bərpa olunmuş şəxslərdən – Azərbaycan Respublikası Dövlət Miqrasiya Xidmətinin verdiyi arayış;

İ) Cəzaçəkmə yerlərindən azadlığa buraxılmış şəxslərdən – bu müəssisələr tərəfindən verilmiş azadlığa buraxılma haqqında arayış;

Z) Dövlət Reyestr Xidməti tərəfindən verilmiş daşınmaz əmlakın dövlət reyestrindən çıxarış və ya icarə və ya kirayəyə verənin müvafiq olaraq icarəçi və ya kirayənişin ilə bağladığı icarə və ya kirayə müqaviləsi.

- Yaşayış sahəsinə köçmək üçün əsas verən order və ya Azərbaycan Respublikasının qanunvericiliyində nəzərdə tutulmuş başqa sənəd.

- Vətəndaşa yaşayış sahəsi verən şəxsin ərizəsi.

Qeyd: Yaşayış yerini dəyişdirmiş vətəndaş yeni yaşayış yerinə gəldikdən sonra 10 (on) gündən gec olmayaraq qeydiyyata alınması üçün ərazi polis orqanına müraciət etməlidir. Həmin şəxslərdən yeni yaşayış yeri üzrə qeydiyyata alınması üçün yuxarıda göstərilən sənədlərdən əlavə şəxsiyyət vəsiqəsi (şəxsiyyət vəsiqəsi ilə təmin olunmayan şəxslərdən isə köhnə nümunəli şəxsiyyəti təsdiq edən sənəd) tələb olunur. Hərbi qulluqçular (müddətli hərbi qulluqçulardan başqa) yaşayış yeri üzrə ümumi qaydada qeydiyyata alınırlar. Mənzillə təmin olunmayan hərbi xidmətdə olan hərbi qulluqçular və onların ailə üzvləri mənzillə təmin olunana qədər müvafiq ərazi polis orqanının qeydiyyat və şəxsiyyət vəsiqəsi xidməti tərəfindən hərbi hissə komandanlığının vəsatəti-məktubu əsasında hərbi hissənin yerləşdiyi yer üzrə qeydiyyata alınırlar.

Qeyd: 16 yaşına çatmış vətəndaşlar qeydiyyata alınmaq və ilk dəfə şəxsiyyət vəsiqəsi almaq üçün ərazi polis orqanının qeydiyyat və şəxsiyyət vəsiqəsi xidmətinə valideynlərindən biri və ya qanuni nümayəndələri ilə birgə müraciət etməlidirlər. Tam fəaliyyət qabiliyyəti olmayan şəxslər, ruhi xəstələr və əqli cəhətdən zəif olan şəxslərin qeydiyyata alınması və şəxsiyyət vəsiqəsi ilə təmin olunması üçün sənədləşmə həmin şəxslərin qohumları və yaxud qanuni nümayəndələrinin iştirakı ilə aparılır. Belə şəxslər ruhi-əsəb xəstəlikləri dispanserində və yaxud digər məcburi müalicə müəssisələrində olduqları halda onlara şəxsiyyət vəsiqəsi həmin məcburi müalicə ocaqlarından çıxdıqdan sonra verilir.


Vətəndaşların şəxsiyyət vəsiqələri aşağıdakı hallarda dəyişdirilməlidir.

1. Vətəndaş şəxsiyyət vəsiqəsini itirdikdə.

- onu harada nə vaxt və hansı şəraitdə itirdiyini göstərməklə dərhal yaşayış yeri üzrə qeydiyyatda olduğu ərazinin polis orqanına yazılı məlumat verməlidir. Bu halda Qeydiyyat və Şəxsiyyət Vəsiqəsi Xidmətinə təqdim edilməli sənədlər:

* 2 saylı ərizə forması
* 25 mm 30 mm ölçüdə 3 (üç) ədəd rəngli fotoşəkil
* dövlət rüsumunun ödənilməsi barədə qəbz (3 manat).

Qeyd: Şəxsiyyət vəsiqəsini itirmiş vətəndaşa yeni şəxsiyyət vəsiqəsi verildikdən sonra itirdiyi şəxsiyyət vəsiqəsini taparsa onu polis orqanına təhvil verməlidir. Şəxsiyyət vəsiqəsinin itirilməsinə görə vəsiqəni itirən şəxslər barəsində inzibati qaydada tədbir görülür (cərimə edilir (15 manat həcmində)). Şəxsiyyət vəsiqəsi oğurlandıqda vətəndaş bu barədə cinayətin baş verdiyi ərazinin polis orqanına müraciət etməli və həmin orqandan ona verilmiş oğurlanma faktını təsdiq edən arayışı yaşayış yeri üzrə qeydiyyatda olduğu ərazi polis orqanına təqdim etdikdən sonra ona şəxsiyyət vəsiqəsi verilir.

2. Vətəndaşlar 25-35-50 yaşına çatdıqda.Bu halda Qeydiyyat və Şəxsiyyət Vəsiqəsi Xidmətinə təqdim edilməli sənədlər:

* 2 saylı ərizə forması
* 3 ədəd rəngli fotoşəkil
* dövlət rüsumunun ödənilməsi barədə qəbz (2 manat).

3. Vətəndaşın soyadı, adı, atasının adı, ailə vəziyyəti dəyişdikdə.

Bu halda Qeydiyyat və Şəxsiyyət Vəsiqəsi Xidmətinə təqdim edilməli sənədlər:

· 2 saylı ərizə forması;

· Vətəndaşlıq vəziyyəti aktlarının Dövlət Qeydiyyatı (VVADQ) orqanlarından verilmiş doğum haqqında şəhadətnamə;

· və ya nigahın bağlanması, yaxud pozulması haqqında şəhadətnamə;

· vətəndaşın hərbi vəzifəsi dəyişdikdə hərbi bilet və ya təhkim şəhadətnaməsini;

· 3 ədəd rəngli fotoşəkil;

· dövlət rüsumunun ödənilməsi barədə qəbz (2 manat).

Bakı şəhəri üzrə ərazi polis orqanlarının Qeydiyyat və Şəxsiyyət Vəsiqəsi Şöbələrində vətəndaşların sənədlərinin qəbulu həftənin 2,3,4 və 5-ci günləri (bazar, bazar ertəsi və bayram günləri istisna olmaqla) saat 10-00-dan 13.00-dək və 15-00-dan 18-00-dək, həftənin 6-cı günləri isə 10-00-dan 13-00-dək həyata keçirilir.

Sənədlərin qəbulu zamanı tələb olunan ərizə formaları (ərizə-anketlər) Azərbaycan Respublikasının vətəndaşlarına onların qəbulu zamanı qeydiyyat və şəxsiyyət vəsiqəsi şöbələrində verilir.

Qeydiyyat və Şəxsiyyət Vəsiqəsi Şöbələrində ödənilən dövlət rüsumları nağd şəkildə qəbul olunmur, yalnız həmin rüsumların ödənilməsi barədə qəbzlər xidmət əməkdaşlarına təqdim olunmalıdır.

Mənbə: www.din.gov.az

Удачи Вам!