Heç Vaxt Öz Görünüşümü Dəyişməzdim” – 27 Kiloluq Qız

Blok · November 12, 2013

Onun adı Lizzi Velaskesdir. Texas ştatında yaşayır. 24 yaşlı bu qızın boyu 150 sm, çəkisi 27 kq-dır. Bu dünyada ancaq iki nəfərdə olan nadir sindromdur. Lizzi üçün çəki artırmaq mümkünsüz bir şeydir. Edə biləcəyi də ancaq odur ki, hazırki çəkisini də itirməsin. Bunun üçün də o, gün ərzində 60 dəfə yemək yeməlidir.

Bütün çətinliklərə baxmayaraq, böyük iradə sahibi olan bu qız halından məmnundur və deyir ki, öz əlində olsaydı, heç nəyi dəyişməzdi. Hər 20 dəqiqədən bir qidalanmağa məhkum olan Lizzi hazırda özünü işinə həsr edib və zorakılığa qarşı çıxış edən fəal spikerlərdən biridir.

Orta məktəbdə oxuduğu illərdən əzab çəkən bu qızcığaz TLC sənədli filminə də danışarkən hər hansı bir vəziyyətə uyğunlaşmaq niyyəti olmadığını bildirib.

“Mən bunu bacarsaydım da, heç vaxt öz görünüşümü dəyişməzdim” - deyir Lizzi.

“Özümü tanıyıb qəbul etməyim mənə neçə ilə başa gəlib, insan kimi güzgüdən baxıb ordakı heç bir şeyi dəyişmərəm”.

Bütün şücaətinə baxmayaraq, adı və tam diaqnozu qoyulmayan bu xəstəlik onun həyatı üzərinə kölgə salıb, çünki bu sindromdan əziyyət çəkən insanlar uşaqlıqdan həyatını itirir.

Lizzinin həkimi Abhimanyu Garg deyir ki, “Lizzi dünyada bu xəstəliyə tutulan nadir insanlardandır. Çox az əzələ kütləsinə sahibdir, bədən üzvləri həddindən artıq nazikdir və belə insanlar adətən həyatdan erkən köçürlər. Bu cür sindromlu digər uşaqlar artıq çoxdan həyatda deyillər. Lizzi isə 24 yaşındadır.

Lizzi doğulanda xəstəliyi ucbatından 2 fut ağırlığında idi və artıq sağ gözündəki görmə qabiliyyətini də itirmişdi”.

Buna baxmayaraq, o, 2 ən çox satılan kitabın müəllifidir və natiq kimi bir il ərzində 200-dən çox çıxışları olub. Çıxışlarının əksər mövzusu ələsalma, zorakılıq kimi təsirli mövzulardan ibarətdir.

Sənədli filmdə də məktəb illərində və internetdə ona qarşı yanaşmaların həyatına necə təsir göstərdiyindən danışır.

“Valideynlərim məni tamamilə normal olmaq üçün böyüdüblər. Heç vaxt mənə sən başqa cürsən deməyiblər” - söyləyir Lizzi.

“Fərqlilik bircə ondadır ki, mən digər uşaqlardan balaca doğulmuşam, ancaq mən onlar kimiyəm. Böyüdükcə anlamağa başladım ki, insanlar mənə niyə belə qəribə baxırlar və bu məni həqiqətən, çox əsəbiləşdirirdi. Heç bir uşağın məni tanımaq və dost olmaq istəməməyinə nifrət edirdim. Mən sadəcə onları sevirdim və onların məndən qorxub-çəkindiyini heç vaxt valideynlərimə demirdim. Heç kim olmayan bir otağa girib ağlayırdım”.

Məktəb illərindəki təcridolunmalar Lizzinin həyatında çətin mərhələ idi. Lakin onu milli televiziyaya verdiyi müsahibədən sonra daha ağır sınaq gözləyirdi.

“Bir gün evdə internetdə çox tanış olan bir şəkil gördüm. Burada mənim müsahibəm “Dünyanın ən çirkin qadınları” başlıqlı yazıyla təqdim edilmişdi. Elə bil kimsə ekrandan barmağını uzadıb “odur, odur” deyə məni göstərir. Mindən çox şərh yazılmışdı həmin yazı barədə. Biri deyirdi ki, “ az qala klaviaturamı sındıracaqdım”. O biri yazmışdı “fuu, onu indi yandırıb öldürmək lazımdı”. Təsəvvür edin, valideynlərimi mənim belə eybəcər olduğum üçün saxlamaqda günahlandırırdılar”.

Bütün bu iyrənc şərhlərə baxmayaraq, Lizzi heç nədən qorxmadığını söyləyir və gələcəkdən kiminləsə rastlaşsa, onun sözü belə olacaq: "Mən qalib gəldim".

Hazırda o, bu kimi mübarizələrlə üzləşərək gələcəyə ümidlə yaşayır.

Arzum gələcəkdə də insanlara yardım etməkdir. Uşaqlar və yeniyetmələr üçün zorakılığa qarşı şirkət qurmaq istəyirəm.