“Bank Of Azerbaijan”In 700 Milyon Borcu Var” – Özəl

[Blok]

Bir müddət əvvəl rəhbərliyində dəyişikliklər aparılan “Bank of Azerbaijan”ın  kimə satılacağı məsələsi yenidən gündəmə gəlib. Mətbuatda bu yöndə yer alan məqalələrdə daha çox  bankın hazırkı İdarə Heyətinin sədri Məhəmmədəli Aslanovun atası millət vəkili Mahir Aslanovun adı hallandırılır.Məsələ ilə bağlı Publika.az-ın suallarını cavablandıran Mahir Aslanov bunları dedi: “Mən bank alanam? Dağılıb gedir ora. 700 milyon  borcu var. Necə alım o bankı? O bankı almaq özünü həbsxanaya salmaq deməkdir. Oğlum orda İdarə Heyətinin sədridir. Başqa yerdə işləyirdi, apardılar ora. Hərə bir şey yazır. Məni tanıyan tanıyır. Yaxşı adamdan yazarlar da. Axmaq adamdan yazmayacaqlar kı?!”Onu da qeyd edək ki, “Bank of Azerbaijan” ötən ilədək "Garant Holdinq"in tərkibində fəaliyyət göstərib. 2013-cü il yanvarın 22-dək nəqliyyat nazirinin oğlu Anar Məmmədov bankın səhmlərinin 81 fazinin sahib olub. Bankın səhmlərini satışından sonra qurum iş adamı Hafiz Məmmədov və onun qohumlarının əlində cəmləşib. Belə ki, Hafiz Məmmədovun oğlu Kənan  bankda 43 faiz, digər oğlu Sənan 43 faiz,  qardaşı Mübariz 13 faiz paya sahib olub. 2014-cu il mayın 22-də isə Bank rəhbərliyi tərəfindən keçirilən toplantının nəticəsi olaraq Hafiz Məmmədov Müşahidə Şurasının sədrliyindən, qohumları isə Müşahidə Şurasının üzvlüyündən uzaqlaşdırılıb.Mehman Məmməd oğlu İsmayılov “Bank of Azerbaijan”ın Müşahidə Şurasının sədri, Cavid Yusif oğlu Cavadov və Araz İsmayıl oğlu Əliyev isə Müşahidə Şurasının üzvləri seçilib. Bankın İdarə Heyətinin yeni rəhbəri millət vəkili Mahir Aslanovun oğlu Məhəmmədəli Aslanov təyin edilib. Onu da qeyd edək ki, mətbuatda bankın H.Məmmədovdan alındığı bildirilsə də, səhmdarlar və səhmlərin bölgüsündə onların adları uzun müddət qalıb. Daha sonra isə bank rəsmi internet ünvanını bağlayıb. Görünür, cəmiyyət “Bank of Azerbaijan”ın veb-səhfəsi bərpa edildikdən sonra yeni səhmdarlarla tanış olmaq imkanı qazanacaq.

[nekhtu]

Hafiz Məmmədovun "Bank of Azerbaijan" ASC-nin İdarə Heyətinə qayıtması ilə əlaqədar bankın rəhbərliyində yeni dəyişikliklər gözlənilir.

Bank dairələrindəki mənbələrin verdiyi məlumata görə, hazırda "Bank of Azerbaijan"ın gələcəkdə fəaliyyətini bərpa etmək məqsədi ilə banka səhmdarların cəlb edilməsi üzrə danışıqlar aparılır. "Bank of Azerbaijan"da dəyişikliklərlə bağlı yaxın gələcəkdə bankın Müşahidə Şurasında müzakirələr aparılacaq.

Hərçənd "Bank of Azerbaijan" ASC-nin səhmdarlarının növbədənkənar ümumi yığıncağında bankın İdarə Heyəti və Müşahidə Şurasının tərkibi 2014-cü ilin mayında təsdiq olunub. Səhmdarların yığıncağının qərarı ilə İsmayılov Mehman Məmməd oğlu bankın Müşahidə Şurasının sədri seçilib. O bu vəzifədə Hafiz Məmmədovu əvəzləyib. Şuranın tərkibinə, həmçinin Cavadov Cavid Yusif oğlu və Əliyev Araz İsmayıl oğlu daxil olublar.

Aslanov Məhəmmədəli Mahir oğlu İdarə Heyəti sədrinin vəzifəsini müvəqqəti icra edən, Orucov Fərid Eldar oğlu və Orucov Fərid Temraz oğlu İdarə Heyəti sədrinin müavinləri, Kərimov Elşad Oqtay oğlu və Xəlilov Nicat Nizami oğlu isə İdarə Heyətinin üzvü seçiliblər.

Bankın rəhbərliyində dəyişikliklərə baxmayaraq, səhmdarların tərkibində heç bir dəyişiklik olmayıb. Həmişəki kimi bankın səhmdarları 3 fiziki şəxs (Kənan Məmmədov, Sənan Məmmədov və Mübariz Məmmədov) və 1 hüquqi şəxsdir ("NEM" Holdinq).

Azərbaycan Mərkəzi Bankı "Bank of Azerbaijan"da maliyyə çətinlikləri ilə əlaqədar lisenziyanın etibarlılığını məhdudlaşdırıb və hazırda bankın əmanətlər cəlb etməyə icazəsi yoxdur.

Bankdan məsələ ilə bağlı fikir öyrənmək mümkün olmayıb.

Qeyd edək ki, Hafiz Məmmədov həm də Azərbaycan Premyer Liqasında çalışan "Bakı" klubunun prezidentidir.