10 günlük gəlinin ölümünün dəhşətli təfərrüatı

[Kenul2012]

Zərdab rayonunda 10 günün gəlini olan Pərvanə Bulud qızı Zərbəliyevanın ölümünün bəzi təfərrüatları məlum olub.

 

Zərdab rayon Mərkəzi Xəstəxanasından verilən məlumata görə, gəlin qan xərçəngi olub:“Pərvanə qoşulub qaçıb. Qızın ailəsi Pərvanənin xəstə olduğunu oğlan evindən gizlədib. Sentyabrın 5-də toyu olub. Toydan sonra Pərvanənin ağrıları artıb, temperaturu qalxıb. Ailə üzvləri onu müayinə üçün kənd həkiminə aparıb. Həkim gəlinə 3 ağrıkəsici vurub”.

 

Mənbənin sözlərinə görə, növbəti gün ağrılarının çoxaldığını görən gəlin özü-özünə ağrıkəsici vurub: “Pərvanə bu ağrıkəsiciləri ayağından vurub. İynələr isə ona pis təsir edib və vəziyyəti daha da pisləşib. Gəlin xəstəxanaya daxil olanda rəngi ağappaq idi, özü də sanki lal olmuşdu, danışa bilmirdi. Həkim ona iynə vuranda dərisi qopurdu”.

 

Qeyd edək ki, 1990-cı il təvəllüdlü Pərvanə Bulud qızı Zərbəliyeva ağır vəziyyətdə Zərdab rayon Mərkəzi Xəstəxanasına aparılıb. Xəstəxanadan verilən məlumata görə, şok vəziyyətdə xəstəxanaya daxil olan P. Zərbəliyevaya ilkin tibbi yardım göstərilib.

 

Yaxınlarının təkidi ilə xəstə şəxsi maşınları ilə Ucar Mərkəzi Rayon Xəstəxanasına aparılıb. Ucar Mərkəzi Rayon Xəstəxanasından verilən məlumata görə, mərhum xəstəxanaya aparılarkən yolda dünyasını dəyişib. 

 

Bizimyol.info

[Kenul2012]

Hər dəfə özümə söz verirəm bu mövzulara qayıtmayacağam.Görürəm əsəblərimi cilovlaya bilmirəm.Ailəsi qan xərçəngi oldğunu gizlədib.Çox böyük hünər edib.

Belə çıxır qızın sağlamlığından vacib onun ərə getməyidir.Toya və s. xərclənən pul,diqqət,enerji qızın sağlamlığına sərf edilsəydi dünya dağılardı? Bu qədər geridə qalmışlıq,bu qədər axmaqlıq olar ?

 

Psixikası pozulmuş övladlarını evləndirib,uşaq qatili edən valideynlər ən az onlar qədər günahkardır.

[Kenul2012]

Qan xərçəngindən əziyyət çəkən qızın ərə getməyi beləmi vacib idi? Ağrıkəsici vurdurub,gəlin olub.

 

Hara gedirik biz? Nə etmək istəyirik? 

[gapgara]

Hər halda qız özüdə bilib xəstəliyini və gizlədib. Qoşulub qaçmaqla müvəqqəti də olsa həyatın dadını hiss etmək istəyib, zavallı bala..

[Lifeless]

On 9/17/2016 at 0:07 PM, Kenul2012 said:

Qan xərçəngindən əziyyət çəkən qızın ərə getməyi beləmi vacib idi? Ağrıkəsici vurdurub,gəlin olub.

 

Hara gedirik biz? Nə etmək istəyirik? 

 

Qız xərcəng olub, bizim ölkə üçün bu ölüm deməkdir artıq. O da ömrünün son günlərini azərbaycansayağı xoşbəxt olmaq istəyib. Nəq qız, nə oğlan, nə də ki ailə təklikdə günahkar deyil, günahkar cəmiyyət, mentalitetdir. O qədər xarici kinolar var bu mövzuda. Sadəcə Qərbdə açıq münasibətlər olduğu üçün nəticə də bizdəki kimi olmur.

[Kenul2012]

1 час назад, Lifeless сказал:

 

Qız xərcəng olub, bizim ölkə üçün bu ölüm deməkdir artıq. O da ömrünün son günlərini azərbaycansayağı xoşbəxt olmaq istəyib. Nəq qız, nə oğlan, nə də ki ailə təklikdə günahkar deyil, günahkar cəmiyyət, mentalitetdir. O qədər xarici kinolar var bu mövzuda. Sadəcə Qərbdə açıq münasibətlər olduğu üçün nəticə də bizdəki kimi olmur.

 

Fiziki yaxınlığı nəzərdə tutursunuz.Qızın 26 yaşı vardı.Bunun üçün onu zurnalı -davullu ərə vermək lazım deyildi.Sevdiyi insanla müvəqqəti nikah kifayət idi.Heç kim ona bakirəliyi pozulmuş və s. kimi baxa bilməzdi.Lap dərinə getsək bir-iki dəfə yaxınlıq etdiyini niyə gündəmə gətirməli idi ki? 

 

İndi daha pis oldu.Həmin o bir-iki dəfəyə görə özü nə qədər əziyyət çəkdi.Oğlanı və ailəsini aldatdı..