Satira - Vahid - Pünhan

[million]

Əliaga Vahid

Əvvəlindən salan olsaydı əyər başə bizi,

Cəhlimiz salmaz idi bunca daga-daşə bizi.

Azacıq elmimiz olsaydı əyər əsrə görə,

Boyun əydirməz idi qonşuya, yoldaşə bizi.

Nə hünər var, nə biliyimiz, nə də ki, dövləti-mal,

itə atsan da yeməz, hiss eləməz laşə bizi.

Şübhəsizdir tüpürər surəti idbarımıza

Göstərən olsa bu sima ilə nəqqaşə bizi.

üzü dönsün görüm o ağuya dönmüş çörəyin,

Yaxşı möhtac elədi qəhbəyə, oğraşə bizi.

Baba Pünhan

Ey çərxi-fələk, bir belə dövranına bir qoz,

Şeytan oturan çərxi dəyirmanına bir qoz.

Bir qoz ala bilmirsə əgər bir qıza oglan,

Evlənməyə hazırlaşan oglanına bir qoz.

Gah eylədi naz-qoz bizə, gah oynadı qoz-qoz,

Qozlandı fəqir üstünə, vicdanına bir qoz.

vardı birisi, qaçdı, qozundan tozu qaldı,

Vartansifət imiş o da, vartanına bir qoz.

İmkanın əyər varsa kasıba, qaçqına əl tut,

Tutmursan əyər bir belə imkanına bir qoz.

Yollarda kəsib qurbanı əl altdan əritdi,

Bir böylə qoyun bəndənin ehsanına bir qoz.

Ey erməni,bir damcı əyər qeyrətə gəlsək,

Mütləq qoyarıq şəhri-İrəvanına bir qoz.

Pünhan, qəzəli qoz-qoza döndərmə ki, bir gün,

Ellər deməsin böylə qəzəlxanına bir qoz.

11.03.1999

[miss saxara]

Əliaga Vahid

Əvvəlindən salan olsaydı əyər başə bizi,

Cəhlimiz salmaz idi bunca daga-daşə bizi.

Azacıq elmimiz olsaydı əyər əsrə görə,

Boyun əydirməz idi qonşuya, yoldaşə bizi.

Nə hünər var, nə biliyimiz, nə də ki, dövləti-mal,

itə atsan da yeməz, hiss eləməz laşə bizi.

Şübhəsizdir tüpürər surəti idbarımıza

Göstərən olsa bu sima ilə nəqqaşə bizi.

üzü dönsün görüm o ağuya dönmüş çörəyin,

Yaxşı möhtac elədi qəhbəyə, oğraşə bizi.

Baba Pünhan

Ey çərxi-fələk, bir belə dövranına bir qoz,

Şeytan oturan çərxi dəyirmanına bir qoz.

Bir qoz ala bilmirsə əgər bir qıza oglan,

Evlənməyə hazırlaşan oglanına bir qoz.

Gah eylədi naz-qoz bizə, gah oynadı qoz-qoz,

Qozlandı fəqir üstünə, vicdanına bir qoz.

vardı birisi, qaçdı, qozundan tozu qaldı,

Vartansifət imiş o da, vartanına bir qoz.

İmkanın əyər varsa kasıba, qaçqına əl tut,

Tutmursan əyər bir belə imkanına bir qoz.

Yollarda kəsib qurbanı əl altdan əritdi,

Bir böylə qoyun bəndənin ehsanına bir qoz.

Ey erməni,bir damcı əyər qeyrətə gəlsək,

Mütləq qoyarıq şəhri-İrəvanına bir qoz.

Pünhan, qəzəli qoz-qoza döndərmə ki, bir gün,

Ellər deməsin böylə qəzəlxanına bir qoz.

11.03.1999

ardin gozleyirik

[million]

Həm vəkil, həm nazirəm, dollar məni dingildədir,

Milli Məclisdən keçən yollar məni dingildədir.

Qatmışam, qatdırmışam, reklam edib satdırmışam,

Litrəsi üç-dörd minə “şollar” məni dingildədir.

çoxların billah, gedər-gəlməz yola göndərmişəm,

Qandala çəkdirdiyim qollar məni dingildədir.

Xaş-xaşın əla növün parniklərə səpdirmişəm,

“Tuz”ları məst eyləyən kollar məni dingildədir.

Mersedes-bens ilə Mazda, Linkoln, Passat, Fiat

Əyri yolnan düz gedən rullar məni dingildədir.

Dağ satıb yağlanmışam, bağlar alıb bağlanmışam,

Bağılarımda tər tökən qullar məni dingildədir.

Marketin “Super” ləri, “İnter Şop”un ceyranları,

Bir də ərsiz pullular, dullar məni dingildədir.

Mülkümün gözlər çıxardan bər-bəzəkli damları,

Parketi par-par yanan pollar məni dingildədir.

Kim desə, Pünhan, inanma guya ki, bir üzlüyəm,

Gündə yüz yol girdiyim rollar məni dingildədir.

03.04.1999

[million]

Dövrə ümid eylədik, dövran da it günündə,

Alim də it günündə, nadan da it günündə.

Ağ əllərdə ağ əlcək-o gündən dəxi əl çək,

Əyində köhnə pencək, canan da it günündə.

Adam girir min dona, macal yoxdu şeytana,

Əsir düşüb insana, şeytan da it günündə.

Əsgərimiz bitdənib, nazirimiz ətdənib,

Qızlarımız lütdənib, oğlan da it günündə.

Fikir çapır hər yana, güc verirəm qəlyana,

Qıçım girir yorğana, yorğan da it günündə.

Atdılar Vətən daşı, satdılar vətəndaşı,

Qoy Vətənə başdaşı, ehsan da it günündə.

"Qrad" kimi od saçır, guya xalqa yol açır,

Gec tutulur- tez qaçır, zindan da it günündə.

çatdı xəbər hər yana - Tez yığışın meydana,

Baltalandı "Topxana", meydan da it günündə.

Ay Xocalı, Xocalı, uşaqlı həm qocalı,

Qaçmağa yox macalı, fərman da it günündə.

Cahan gedir süquta, Quran yetir sübuta,

Kəfən baha, su xılta, insan da it günündə.

İtim, gəl dur önümdə, gəl başına dönüm də,

Sən Pünhanın günündə, Pünhan da it günündə.

27.04.1996.

[miss saxara]

Davam edin zehmet olmasa boyuk zovq aliram oxumaqdan

[million]

Kasıb da borc içində, kalan da borc içində,

Ölən də borc içində, qalan da borc içində.

Xəzinələr həmişə ilanlar altda olmuş,

Fəqət, bu səltənətdə, ilan da borc içində.

Atan bibindən istər, anan xalandan istər,

Bibin də borc içində, xalan da borc içində.

Nişan da borcnan oldu, toyun da borcnan oldu,

Yəqin olar gələn il, balan da borc içində.

Filan klana borclu, klan filana borclu,

Filan oğlu filan da, klan da borc içində.

Acından Ölməməkçün, gedin yalana doğru,

Bu məmləkətdə doğru, yalan da borc içində.

Vətən acdı, vəkil tox, yemək azdı,zibil çox

Zibil pulun verən yox, dalan da borc içində.

Bu torpağa imamın ayağı dəydiyiçün,

Bu torpağı satan da, alan da borc içində.

Əgər bu canı Pünhan, Xuda veribsə borca,

Günahı olmayan da, olan da borc içində.

11.04.1999.

[million]

Bu vətən mülkünü çıx seyrə, marağnan doludur,

Qırağın “yan”lar alıb, orta qırağnan doludur.

Kişilərnən dolu olsaydı əgər ölkə, nə qəm,

Kişilər qeybə çıxıb, ölkə papağnan doludur.

Elə ki, xatirə düşdü səni dustaq eləmək,

Maşının bir də görərsən ki, yarağnan doludur.

İki-üç dəfə gedib Məkkəyə, super hacıdır,

Yekə “İnter-şop”u var, polka arağnan doludur.

“Qarabağ” restoranı, parkı, kafesi, küçəsi,

Nə gözəl ki, Bakı hər cür Qarabağnan doludur.

Ginekoloqlara pul çatmadığındandı yəqin,

Bu doğum evlərimiz xəstə uşaqnan doludur.

Boyağı gördüm üzündə, divarım düşdü yada,

Dedim əxlaqı da yəqin ki, boyaqnan doludur.

Bir buruq ustasının yatmağa yoxsa yatağı,

Nə yazırlar ki, bütün ölkə yatağnan doludur ?

Bakının “bardağ”ına çox hacıleylək yığışıb,

Hacıleyləklər üçün bardağı yağnan doludur.

Kiçilən Azərbaycana böyük don tikilir,

üzü güllü, içi də milli yamağnan doludur.

Vətən əldən gedəni Pünhana dağlar çəkilib,

Dedilər, bəxtəvərin dövrəsi dağnan doludur.

26.08.1999.

[miss saxara]

Allah rehmet elesin ona. Size ise boyuk tewekkutler

[miss saxara]

Million niye susduz?

[Pari***]

Sabah çox sevdiyim qəzəlxan Əliağa Vahidin doğum günüdür. Allah sənə rəhmət etsin!

http://ru.wikipedia.org/wiki/%D0%90%D0%BB%D0%B8%D0%B0%D0%B3%D0%B0_%D0%92%D0%B0%D1%85%D0%B8%D0%B4

[Pari***]

http://www.youtube.com/watch?v=UuF7C7bv1KI&feature=related

[million]

Hələlik düzlük adıynan, düzülüb yan gedirik,

Gedirik əzm ilə biz, aclığa qurban gedirik.

Leninin şalbanını hamı çiyinlərdən atıb,

çoxunun yox xəbəri, bizdədi şalban, gedirik.

Qarnımız olsa da ac, üst-başımız göz çıxarır,

Keçirib əynimizə laykanı forsnan gedirik.

Qələt eylər bizi tək alman, amerkan geyinər,

“Cins”imizdən bilinir ki, köləyik, xan gedirik.

De görüm, hansı köpək oğlu bizə yardım edər ?

Bu çətin vaxtda minib, “Cip” ilə “Nissan” gedirik.

çoxu min lənət edir yubkələrin razrezinə,

Bilməyir dalda cırığnan yolu asan gedirik.

Kazinolarda, kafelərdə qumar oynayırıq,

Bizə kim dollar atır, biz ona “şirvan” gedirik.

“Canı canan diləmiş, verməmək olmaz, ey dil”

Leyk biz cangüdənik, cana verib can gedirik.

Bizə “Azadlığı” çox gördü bu azadlığımız,

Sulayıb indi, Baba, bir təzə meydan gedirik.

30.09.1997 Bakı

[Pari***]

http://www.youtube.com/watch?v=gUo46YKwCGg

[i.N]

Qatmısan sən yenə də malı mala, nolub ala

qazıyırsan ayağım altda çala, nolub ala

Bağı aldın, evi aldın, amma doydum demədin

qoymadın heç mənə bir metrə qala, nə olub ala

Neçə ildir ki, imarətlə, ticarət duruşun

getmisən sən qabağa mənsə dala, nolub ala

Xəzərə çəkdin hasar, ruhuma qoydun gömrük

mülkü tikdin məni saldın kanala, nolub ala

Gah atı, gah nalı, gah mıxı tərifləmisən

vurursan gah mıxa, gah da nala, nolub ala

Qız, gəlin orda əsirlikdə qalıb ermənidə

götürürsən evinə gündə xala, nolub ala

Ananas, kivi, banan payladı yas süfrəsinə

bircə şey qaldı, durub zurna çala, nolub ala

Qərbdən şərqə kimi hər yeri zəpt eyləmisən

keçmisən indi cənubdan şimala, nolub ala

İçəri şəhərimizin hər daşı bir tarixdir

çəkmisən tarixi inpırtnı mala, nolub ala

Nəcəb qız qalasından xəbərin yoxdu sənin

al onu, sal adına, qoyma qala, nolub ala

Pünhanın kəs dilini, çək bazara as divara

gedəcək yaxşı pula, baxsa mala, nolub ala

[Birdene]

Ваhидин ады бурда реклама учюндю? Йохса Ваhиднэн бир йердэ йа Сабирин ады гэрэк олайды, йа да Фузулинин )