Məhəmmədhüseyn Şəhriyar - Heydərbabaya Salam

[million]

Mənim fikrimcə bü şer Azərbaycan ədəbiyyatında ən kədərli şerlərdən biridir.

Heydər Baba, ildırımlar şaxanda,

Sellər, sular şaqqıldayıb axanda,

Qızlar ona səf bağlayıb baxanda,

Salam olsun şövkətizə, elizə,

Mənim də bir adım gəlsin dilizə.

[million]

Heydər Baba, kəkliklərin uçanda,

kol dibindən dovşan qalxıb qaçanda,

Bağçaların çiçəklənib açanda,

Bizdən də bir mümkün olsa, yad elə,

Açılmayan ürəkləri şad elə.

[million]

Bayram yeli çardaqları yıxanda,

Novruzgülü, qarçiçəyi çıxanda,

Ağ buludlar köynəklərin sıxanda,

Bizdən də bir yad eləyən sağ olsun,

Dərdlərimiz qoy dikəlsin dağ olsun.

Heydər Baba, gün dalını dağlasın,

üzün gülsün, bulaqların ağlasın,

Uşaqlarun bir dəstə gül bağlasın,

Yel gələndə ver gətirsin bu yana,

Bəlkə mənim yatmış bəxtim oyana.

[million]

ardı var...

[million]

Heydər Baba, sənin yüzün ağ olsun,

Dörd bir yanın bulaq olsun, bağ olsun,

Bizdən sonra sənin başın sağ olsun,

Dünya qəzov-qədər, ölüm-itimdir,

Dünya boyu oğulsuzdur, yetimdir.

Heydər Baba, yolum səndən kəc oldu,

ömrüm keçdi, gələmmədim, gec oldu,

Heç bilmədim gözəllərin necoldu,

Bilmez idim döngələr var, dönüm var,

Itginlik var, ayrılık var, ölüm var.

[million]

Heydər Baba, igid əmək itirməz,

Ömür keçər, əfsus bərə bitirməz,

Namərd olan Ömrü başa yetirməz,

Biz də vallah, unutmarıq sizləri,

GÖrəmməsək, halal edin bizləri.

Heydər Baba, Mirəjdər səslənəndə,

Kənd içinə səsdən-küydən düşəndə,

Aşıq Rüstəm sazın dilləndirəndə,

Yadındadır, nə hÖvləsək qaçardım?

Quşlar təkin qanad çalıb uçardım.

[million]

Şəngilava yurdu, aşıq alması,

Gahdan gedib orda qonaq qalması,

Daş atması, alma-heyva salması,

Qalıb şirin yuxu kimin yadımda,

Əsər qoyub ruhumda, hər zadımda.

Heydər Baba, Quru gölün qazları,

Gədiklərin sazaq çalan sazları,

Kənd-kövşənin payızları, yazları,

Bir sinema pərdəsidir gözümdə,

Tək oturub, seyr edərəm özüm də.

[million]

ardı var...

[million]

Heydər Baba, Qaraçəmən cadası,

çovuşların gələr səsi, sədası,

Kərbəlaya gedənlərin qadası,

Düşsün bu ac yolsuzların gözünə,

Təməddünün uyduq yalan sözünə.

Heydər Baba, şeytan bizi azdırıb,

Məhəbbəti ürəklərdən qazdırıb,

Qara günün sər-nüviştin yazdırıb,

Salıb xalqı bir-birinin canına,

Barışığı bələşdirib qanına.

[million]

Göz yaşına baxan olsa, qan axmaz,

Insan olan xəncər belinə taxmaz,

Amma heyif, kor tutduğun buraxmaz,

Behiştimiz cəhənnəm olmaqdadır,

Zilhiccəmiz məhərrəm olmaqdadır.

Xəzan yeli yarpaqları tökəndə,

Bulud dağdan yenib kəndə köçəndə,

Şeyxülislam gözəl səsin çəkəndə,

Nisgilli söz ürəklərə dəyərdi,

Ağaclar da Allaha baş əyərdi.

[monique]

Şəhriyar kimi şairlər dünyanyaya tək-tək gəlir.

[million]

Daşlı bulaq daş-qumunan dolmasın,

Bağçaları saralmasın, solmasın,

Ordan keçən atlı susuz olmasın,

Deynə bulaq, heyran olsun, axarsan,

ÜfÜqlərə xumar-xumar baxarsan.

Heydər Baba, dağın daşın sərəsi,

Keklik oxur, dalısında fərəsi,

Quzuların ağı, bozu, qərəsı,

Bir gedəydim dağ-dərələr uzunu,

Oxuyaydım: “çoban, qaytar quzunu”.

[million]

Heydər Baba, Sulu yerin düzündə,

Bulaq qaynar çay-çəmənin gözünde,

Bulaqotu üzər suyun üzündə,

Gözəl quşlar ordan gəlib keçərlər,

Xəlvətləyib bulaqdan su içərlər.

Biçin üstü sünbül biçən oraqlar,

Elə bil ki, zülfü darar daraqlar,

Şikarçılar bildirçini soraqlar,

Biçinçilər ayranların içərlər,

Bihuşlanıb sondan durub biçərlər.

[million]

Heydər Baba, kəndin günü batanda,

Uşaqların şamın yeyib yatanda,

Ay buluddan çıxıb qaş-göz atanda,

Bizdən də bir sən onlara qissə de,

Qissəmizdə çoxlu qəmü-qüssə de.

Qarı nənə gecə nağıl deyəndə,

Külək qalxıb qapı-bacanı döyəndə,

Qurd keçinin Şəngülüsün yeyəndə,

Mən qayıdıb bir də uşaq olaydım,

Bir gül açıb ondan sonra solaydım.

[Azerita]

Bu sher mene hemishe lay lay kimi olub. Ushaqliqdan anam deyerdi, men de severdim.

[million]

Həccəsultan əmmə dişin qısardı,

Mollabağır əmoğlu tez mısardı,

Təndir yanıb, tüstü evi basardı,

Çaydanımız ərsin üstə qaynardı,

Qovurğamız sac iÇində oynardı.

Bostan pozub gətirirdik aşağı,

Doldururduq evdə taxta-tabağı,

Təndirlərdə bişirərdik qabağı,

Özün yeyib, toxumların Çırtlardıq,

Çox yeməkdən lap az qala Çatlardıq.

[million]

Vərziğandan armud satan gelende,

Uşaqların səsi düşərdi kəndə,

Biz də bu yandan eşidib biləndə,

Şıllaq atıb bir qışqırıq salardıq,

Buğda verib armudlardan alardıq.

Mirzə Tağıynan gecə getdik çaya,

Mən baxıram seldə boğulmuş aya,

Birdən ışıq düşdü o tay bağçaya,

“Eyvay!” dedik, “qurddu!”, qayıtdıq, qaçdıq,

Heç bilmədik nə vaxt güllükdən aşdıq.

[TheJoshaki]

Rübabə Muradovanın ifasında çox xoşlayıram bu mahnını..

[million]

Heydər Baba, ağaçların ucaldı,

Amma hayıf, cavanların qocaldı,

Toğluların arıqlayıb acaldı,

Kölgə döndü, gün batdı, qaş qarəldi,

Qurdun gözü qaranlıqda bərəldi.

Eşitmişəm yanır Allah çırağı,

Dayır olub məscidizin bulağı,

Rahat olub kəndin evi, uşağı,

Mənsurxanın əli-qolu var olsun,

Harda qalsa, Allah ona yar olsun.

[million]

Heydər Baba, Moll’ Ibrahim var, ya yox?

Məktəb açar, oxur uşaqlar, ya yox?

Xərmən üstü məktəbi bağlar, ya yox?

Məndən axunda yetirərsən salam,

Ədəbli bir salam malakəlam.

Həci Sultan əmmə gedib Təbrizə

Amma nə Tebriz ki, gələmmir bizə,

Balam, durun qoyaq gedək evimizə,

Ağa öldü, tufağımız dağıldı,

Qoyun olan yad gedibən sağıldı.

[million]

Heydər Baba, dünya yalan dünyadı,

Süleymandan, Nuhdan qalan dünyadı,

Oğul doğan, dərdə salan dünyadı,

Hər kimsəyə hər nə verib, alıbdı,

Əflatundan bir quru ad qalıbdı.

Heydər Baba, yaru-yoldaş döndülər,

Bir-bir məni çöldə qoyub, çöndülər,

çeşmələrim, çıraqlarım söndülər,

Yaman yerdə gün döndü, axşam oldu,

Dünya bizə xarabei-şam oldu.

[spellbinder]

Bayram idi, gecəquşu oxurdu,

Adaxlı qız bəy corabın toxurdu,

Hərə şalın bir bacadan soxurdu,

Ah nə gözəl adətdi şal sallamaq,

Bəy şalına bayramlığın bağlamaq

[spellbinder]

O zamankı Cənubi Azərbaycanın bütün mühiti, o zamankı dövrün mühiti, ab-havası, bəlkə də tarixi bu şerdə bütünlüklə əksini tapıb. Şairin o dövrdəki sevincləri kədərləri optimist və pessimist notlarla, ən əsası sadə el dilində, hər kəsin başa düşəcəyi bir tərzdə çox gözəl verilib. Həqiqətən böyük şair idi.

[SteepZero]

Bu dəhşətli gücə malik olan bir şerdir. Mən bildiyim qədəriylə, Güney Azərbaycanda yaşayan vətəndaşlarımız bu şeri əzbər olaraq bilirlər. Bu milli ruhun oyanmasının mənbəyidir.

[Birdene]

heч билмэдим гёзэллэрин неджолду

воистину так!

[Bushido]

http://www.youtube.com/watch?v=9uXPz_gOMr0