Daosizm

[Sunyata]

 

Daosizm haqqında   bildiyimiz və öyrəniləsi material  böyük həcmdə olduğu üçün - məqalə formasında yazmaq planımdan vaz keçdim .  Düşündüm ki, mövzu maraq doğurarsa tədricən söhbət əsnasında birlikdə araşdırma apara bilərik.   Hər halda ilkin məlumat kimi aşağıdakıları yazmaq qərarına gəldim.

 

Analoqu olmayan çinlilər ))  dinə münasibətlərində də özlərinin bu "analoqu olmamaq"  xüsusiyyətini qoruyub saxlayırlar.  Çində əsаsən 3 dini təlim yayılıb.  Daosizm , Konfutsianlıq və Buddizm.  Çinlilərin dini həyatında çоx maraqlı bir hadisə mövcuddur. Onlar hər 3 dinə eyni vaxtda inanırlar ))

Daosizmə şəxsiyyət səviyyəsində  ( şəxsi həyat ,inkişaf və s ) olan  dini inancla əlaqədar ,  Konfutsianlığa ictimai / sosial həyatla bağlı , Buddizmə isə həyatdakı xoşagəlməzliklərlə qarşılaşdıqda üz tuturlar.  Bu üç dini təlim bir -birini  qarşılıqlı  zənginləşdirirlər.

 

Ümumiyyətlə , Daosizm deyəndə daosizm fəlsəfəsini , daosizm dinini və daosizm etikasını , həyat tərzini ayırmaq lazımdır. Müzakirə  əsnasında Daosizmdəki bu sahələrə yeri gəldikcə toxunarıq.  Daosizmdə olan vacib terminlər və anlayışlar , onların əsas kitabından sitatlar və s. gətirərik.  Userlərin səbrini sınaqdan keçirməmək üçün uzun - uzadı yazmamaq ,  nisbətən qısa postlar formasından istifadə etmək daha məğbuldur .   

Edited September 6, 2013 by Sunyata

[Sunyata]

Daosizmin əsasını qoyan Lao Tszi hesab olunur.  "Qoca uşaq"  , "Qoca filosof"  kimi tərcümə olunur  Rəvayətə görə 81 yaşınadək ana bətnində qalıb )) Dünyaya artıq müdrik qoca kimi gəlib ... E.ə. 6- cı əsrə aid edilir.  Onu da deyim ki, Lao Tszını daoslar tanrılaşdırmaq cəhdi etsələr də , o əslində daha çox filosof  olub , nəinki din xadimi.  Ümumiyyətlə , daosozm fəlsəfəsi daosizm dinindən daha əvvəı - dediyim kimi , e.ə. 6- cı əsrdən başlayaraq , daosizm dini isə  b.e. 2- ci əsrindən yayılmağa başlayıb.

 

Dao Tszı  Daosizdə  əsas traktat sayılan "Dao De Tzin" in müəllifi hesab olunur.    Burada  "Dao De Tszin"  azərbaycan dilində tərcümədə verilib , burada.    rus dilində . Bu kitab / traktat tematik olaraq qruplaşdırılmış aforizmlər toplusudur.  Adın tərcüməsi - "YOL  və onun təzahürü haqqında kitab"  kimi  verilə bilər. 

 

Daosizmdə əsas anlayış olan Dao haqqında sonrakı postda ...

Edited September 6, 2013 by Sunyata

[Sunyata]

Dao haqqında -

 

 Təbiət qanun və qanunauyğunluqlarının dərki Yoludur. Bu təlimə əsasən insan Daoya uyğun və harmonik təbii qanunlarla yaşamalıdır.  Yaradılışın ilkin səbəbi və onun mənbəyi olan Dao sözlə təsviri  mümkün olmayan, absolyut , əbədi prinsipdir. Teizmlə müqayisədə Dao öz yaratdıqlarına kənardan Allah/ Xaliq kimi deyil, özünün qeyri ixtiyarı yaradıcı substansiyası və varolanın əsası kimi başa düşülməlidir.

 

Daonun təzahürləri  əsassız , sərbəst olaraq və heç bir səysiz , qəfildən baş verir. Dao varlıq və qeyri varlıq deyil . O , ilkin səbəbdir. Bu mənada onu Buddizmdəki Şunyata (Boşluq)  ilə müqayisə etmək olar. Dao universal , hər yerə yayılandır  və dağıntıya məruz qalmır.  Dao sükunətdə və səbəbsizdir. Daosizm yaradıcını - yaradılana qarşı qoymur.

 

Daosizmə görə varolan fasiləsiz dəyişkənlik prosesindədir və bunun kökündə Dao durur. Dao özü isə sükunət halındadır , bununla yanaşı bütün hərəkətlərin əsası ondadır.

 

Dəyişkənlik haqqında bir az mübahisəli yer var .  Daosizmdə dəyişkənlik haqqında bəzi anlayışlardan sonra yenə qayıdarıq .  Bu anlayışlar De, Çi , Çan , Min , İn / Yan və s.  dir.

Edited September 6, 2013 by Sunyata

[Sunyata]

Filosof Niyazi Mehdi  Daonun boşluq olmasını belə izah edir - 

 

" İrəlidə söyləmişdik ki, Lao-szının fəlsəfəsində hər şeyin Qaynağı olan Daonun sonsuz dolğunluğu bərabərdir Sonsuz Boşluğa: bir şey hər şey olanda o nəsə bir şey olmur. Eyni anda həm qurbağa, həm bulud, həm meşə və beləcə sonsuz sayda şeylər olan bir şeyə nə qurbağa, nə bulud, nə də başqa bir şey demək olur. Deməli, o heç birisindən olmayacaq, deməli, heç nə olacaq. Heçnəlik isə həm də boşluqdur. Lao-szının, ・ bu dahi Çin filosofunun ontologiyasındakı Dao belə boşluq idi, hər şeylə dolu Boşluq idi, hər şeylə dolu heçnəlik, heçbirisizlik idi. "

Edited September 6, 2013 by Sunyata

[Vuqar Rehimov]

Dao ucun en xoshuma gelen terif---Her sheyle dolu boshluq...

[Sunyata]

Dao ucun en xoshuma gelen terif---Her sheyle dolu boshluq...

 

Həqiqətən də maraqlı və koloritli izahdır .   "Dao De Tszin" -in daxilində  Dao -nun nə olması barədə də çoxlu izahlar var . Yəni , əslində bütün şərhlər də elə buradan və sonradan Lao Tszının davamçıları tərəfindən , məsələn , Çjuan Tszı kimi filosofların yazılarından istifadə etməklə yaranmışdır.   Dao De Tszin -dən bir neçə misal  ( əvvəlcə Dao haqqında , sonra ümumiyyətlə maraqlı fikirlər olaraq ) gətirək :   ( Dao - Yol kimi tərcümə olunub )

 

Yolun istiqaməti müəyyəndirsə – o Haqq yolu deyil

Ad səsləndirilə bilərsə – o əbədi Ad deyil

Göyün və Yerin Atası – Adsızdır

Ad sahibi – saysız-hesabsız cisimlərin (şeylərin) Anasıdır

Ehtirassız halda Onun ecazkar Sirrini duyarsan

Ehtiraslarla dolu olaraq – Onun izhar səthini görərsən

Biri və başqası – adları fərqli, həqiqi mahiyyətləri isə eynidir

Birgə onlara Sirr Dəryası deyərlər

Dəryanın dibində birindən başqasına keçid var –O Sirrin zərif möcüzələrinin qapısıdır

 

 

 Haqq Yolunun içi Yox-dur, lakin bu üzdən hər birşey Var və varlığını aşmır

Onun səthi yox – ülgünün tiyə xətti kimi incə vəzərifdir – lakin özü bütün səthlərin səbəbidir

Dəryalar Dəryasından də dərin – o bütün varlıqların Ulu Cəddinə bənzər

Kəskinliyini azalt

Şəfəqini boğ

Xüsusiyyətlərini tarazla

Necə də sakit və aydındır o ali Yol

Bilmirəm nədən əmələ gəlib, bilirəm ki Ululardan da uludur

 

Yol doğur Biri 

Bir doğur İkini

İki doğur Üçü

Üç isə doğur bütün varlığları

Bütün varlıqların çevrəsindəki Zülmət (Yanq)

Içindəki Nur (Yin) və Hər yana yayılan Boşluğun Nəfəsi (Çi) ahəng yaradır

 

Birbaşa Xaosdan yaranmış – qeyri-müəyyən, formasız.

Yer-Göydən doğulmamış – olub onlardan əvvəl.

Səssiz! Səthsiz!

Təkdir və dəyişməzdir – nə əvvəli var nə axırı.

Hər tərəfə uzanır və tükənməzdir – qarşısı yoxdur.

Yer-Göyün Ulu Anasına bənzər

Bilmirəm Adını

İşarə edərək deyirlər Ona Haqq Yolu

Ad vermiş olsam, deyirəm ona Böyük

Böyükdür – deməli Sezilməzdir

Sezilməzdir – deməli hüdudsuzdur

Hüdudsuzdur – deməli zidd əksləri birləşdirir

Buna görə də

Yol Böyükdür

Göy Böyükdür

Yer Böyükdür

İnsan da Böyükdür

Kainatda dördü Böyükdür – İnsan da onlardan biridir

Adamın qanunu Yerdəndir

Yerin qanunu Göydəndir

Göyün qanunu Yoldandır

Yolun da ki qanunu Özündəndir

 

 Ey hər yana aşıb-daşan Yol!

Solda olduğu qədər sağdadır!

Hər bir varlıq Ondan əmələ gəlir və Ona uyğun olmaqdan qaçmır

Hər şeyi yaradır, lakin nəinki məşhurdur – heç adıda yoxdur

Hər şeyi bəsləyir və bəzəyir, lakin hökm sürməyəniyyəti yoxdur

Görünməzdir, lakin deyərsən mi Ona cüzi?

Bütün varlıqlar Ona qayıdır, lakin O özünü onların sahibi bilmir

Buna görə deyirlər Ona Böyük! 

 

 

Və s. və s.

 

 

 

 

 

 

Edited September 7, 2013 by Sunyata

[Sunyata]

Əsas anlayışlardan olan De , Çi , Min və Çan haqqında  ( Əsas anlayışların bəzilərini onları daosizmə gətirmiş Çjuan Tszı haqqında , daosizm  fəlsəfəsi haqqında danışanda izah edərik - U Vey , Li , İn / Yan  kimi anlayışlar ).

 

De - Dao dərkolunmazdır , lakin hər yerdə mövcuddur. Danışılması mümkün olan hər şey isə onun təzahür etmiş enerjisi - De dir. De Daonun potensial enerjisinin yaradılmış obyektlərdə təzahürüdür.

 

Çi-   hərfi mənada "nəfəs" , ruha və enerjiyə, həyat gücünə uyğun olan və hər şeydə mövcud olandır.

 

Min-  Daos üçün ideal hal Dao ilə yenidən birləşmək və mütləq həzz və ilkin təbiilikdir. Bu halda insan mövcudluğu üçün mənasız mübarizə aparmır və qarşısına səhv məqsədlər qoymur. Belə mükkəmməl hal Min (nurlanma ) adlanır.

 

Çan-  Yuxarıda yazdığım mükkəmməl  halda olan insan əbədi qanun olan Çanı dərk edir.  Daosizmdə dəyişkənlik haqqında danışanda yenə Çan anlayışı araya gəlir və bir az dərindən başa düşmədiyim məqamlar ortaya gəlir.  Bu barədə sonra...

Edited September 7, 2013 by Sunyata

[Simruq]

Eyni anda həm qurbağa, həm bulud, həm meşə və beləcə sonsuz sayda şeylər olan bir şeyə nə qurbağa, nə bulud, nə də başqa bir şey demək olur. Deməli, o heç birisindən olmayacaq, deməli, heç nə olacaq. Heçnəlik isə həm də boşluqdur.

 

Eləmi?

 

Ay Niyazi muallim bu ne izaahdı? Buludlu havada meşədə qurbağa bu təbiətdi. Bunlar bir yerdə təbiətdi. BİR YERDƏ. Təbbiət...

Bulud, meşə, qurbağa, rəksanənin diski, maşın təkəri və.s bu da təbii ki bizim təbiətdi. Bu çox düşüncəsiz fəlsəfədi.

Diqqətli ol.

Zamanınnan və makanınnan asılı olaraq bir şey ( bir eyni şey ) müxtəlif adlar vermək olar. Hər şeydən tutmuş heçnəyə kimi. Lao isə bir mənali danışır. Yox e beləddi. Bir mənalı  heç nə yoxdu. BAX BU YOXDU.

Daos senin axırın var o da XAOS.

[Vuqar Rehimov]

Simruq  sen sonsuz sayda her bir sheye Tebiet deyirsen...Cin filosofu ise buna DAO deyir...DAO ayriliqda qurbaqa deyil,Reqsanenin diski deyil,badimcan deyil,xiyar deyil,masin tekeri deyil, yeni neyi gostersen hec birinden deyil...Bu saydiqlarimiz sonsuz sayda sheyler onda var, amma o ozu hec birinden deyil...Yeni o ozu hecnedir...Hecnelik ise boshluiqdur...ona gore deyirler ki, her sheyle dolu boshluq...

[Simruq]

Mən də deyirəm də heçnə di.

Özün fikirləş. Ən böyük şeyi kiçiltmək, maraqlıdı. DAO fəlsəfə deyil. PSİXOLOGİYADI. İnsanları ələ salır. Guya nəsə deyir. Heç nə ilə dolu boşluq.

 

Bəlkə boşluqnan dolu heçnə? Ələ sala sala gedir.

[Simruq]

Ən guclu fəlsəfələrdən biri Bhagavad_Gita‎ di oda sehvnen doludu.

Allaha inan bunlar hamsı multikdi.

[Vuqar Rehimov]

Simruq ele bir ideologiya yoxdur ki, orda sehv olmasin...Hemcinin ele bir ideologiya yoxdur ki, orda az da olsa heqiqet olmasin...

Dao felsefesinde maraqli cehet odur ki, o ne idealizmdir nedeki, materializm...

[Vuqar Rehimov]

Mən də deyirəm də heçnə di.

Özün fikirləş. Ən böyük şeyi kiçiltmək, maraqlıdı. DAO fəlsəfə deyil. PSİXOLOGİYADI. İnsanları ələ salır. Guya nəsə deyir. Heç nə ilə dolu boşluq.

 

Bəlkə boşluqnan dolu heçnə? Ələ sala sala gedir.

Hecne ile yox her sheyle dolu boshluq...Deyesen duz anlamamisan...

[Simruq]

Mən yaxşə bilirəm bu nədi. Materiyalizim, idealizim deyilsə bomba bir şeydi. Heç nədi.

İnsana nəyi istəyirsən yeridməy olar.

[Vuqar Rehimov]

Mən yaxşə bilirəm bu nədi. Materiyalizim, idealizim deyilsə bomba bir şeydi. Heç nədi.

İnsana nəyi istəyirsən yeridməy olar.

Yazinda aqresiya hiss olunur...Diger ideologiyalar seni niye bele qiciqlandirir ? Senin heqiqetinde tolerantliq yoxdur?

[Simruq]

Sadələşdirilmiş bir sistemdi. Sakit, sükut, heç və boşluq.

Dəymə mənə, heç kimə dəymirəm.

Biri də var, dəymə mənə, dəyməyim sənə.

 Heç nə qıcıqlandırmır, sən məni tanımırsan və başa düşmürsən. Mən belə şeylərə gülürəm.

[Simruq]

Fyodor DOSTOYEVSKI DAO dan daha məntiqlidi və məni qıcıqlandırmır.

[Simruq]

Mən getdim sabah yazaram.

[Sunyata]

Ətraf aləmdəki şeylər - o cümlədən insan özü , yəni subyekt də həmçinin Dao-nun təzahürüdür. Dao bütün təzahürlərində var. Amma , onlarla eynilik təşkil etmir. Tutaq ki, stul Daonun təzahürüdür- yəni, stulda Dao var. Amma, stul Dao deyil. Dao stulun mənbəyidir. Dao stulu kənar materialdan düzəltməyib. Özündən təzahür edib. Stol, gurbağa, insan da o cümlədən.. Amma, bu şeylər Dao deyil. Bəs Dao nədir? Təzahürsüz - heçnə. Təzahürlərində də mənbə kimi iştirak etsə də təzahür də deyil. Deməli , təzahürlə də heçnə- boşluq.

Təzahürlərlə dolu olan boşluq .Ona görə də deyirlər ki, Daonu sözlə təsvir etmək olmur. Bunu yalnız praktika - Dao meditasiyası ilə dərk etmək mümkündür.

 

Bir də çox vacibdir ki, Dao haqqında danışanda onun teizmdəki Allahla qarışdırmayaq. Teizmdə Allah var və ayriliqda onun yaratdığı təbiət var. Dao və təbiət elə eyni şeydir , yalnız bir şərtlə ki , təbiəti onun özü yox təzahürü kimi başa düşək.

[Vuqar Rehimov]

Sunyata DAO meditasiyasi nedir?

[Sunyata]

Sunyata DAO meditasiyasi nedir?

 

İndi elə o barədə qısa olaraq yazmaq istəyirdim. Daha doğrusu bu barədə  daha sonra yazmaq istəyirdim , amma yeri gəldisə indi yazaram .   Ümumiyyətlə Daos yoqası deyilən psixo fiziki təlim mövcuddur. Onun da daxilində daos meditasiyası da həmçinin var .  Sonrakı postumda bu barədə daha ətraflı yazaram ,  çatdırsam elə bu gün yazaram ))

[Sunyata]

Daosizm  insanı təbiətin bir hissəsi olaraq  dərk edir və  subyekt / obyekt  sərt bölünməsini qəbul etmir.  İnsanda da hər şeydə olduğu kimi enerji axını mövcuddur.  Yalnız normal enerji axınını təmin etdikdə insan Dao qanunları ilə öz təbiiliyini  bərpa edir , tənzimləyir.  Bu enerji nöqtələri ( Çi axını yolunda ) tutula bilər . Buna görə də onları tənzimləmək üçün  Daosizmdə müxtəlif dövrlərdə müxtəlif psixo -fiziki təlimlər yaradılıb.  Bunların ümumi adına Daos yoqası deyirlər . Daos yoqası hazırda da  müalicəvi məqsədlə , sağlamlığı qorumaq məqsədilə də geniş tətbiq olunur. 

 

Bu Daos yoqasına müxtəlif vaxtlarda yaradılmış  Dao İn , BduanTszin , Çi Qun və daos meditasiyası daxildir.  

 

Dao İn - yumşaq hərəkətlərlə insanda neqativ enerjinin ləğvinə xidmət edir ( beləliklə də həm dəsağlamlıq üçün istifadə olunur )  

 

 http://www.youtube.com/watch?v=QzBl2WsG8og

 

BaduanTszln -  Deyilənə görə Çin marşalı  Yu Fey  tərəfindən öz əsgərlərinin sağlamlığını qorumaq üçün yaradılıb.

 

http://www.youtube.com/watch?v=zRQIRMWsXro  

 

ÇiQun - da həmçinin daos yoqası hesab olunur , amma , döyüş çiqunu adlanan ( kunq- funu xatırladan )  forması da mövcuddur. Bu da müasir dünyada qərbdə çox geniş yayılıb.

 

http://www.youtube.com/watch?v=DeyD8xXkTt8

 

Mən bu dediklərimlə və bir nəfər daos dostumun köməyi ilə 1 - ildən artıq məşğul olmuşam . Mistik bir uğurum olmasa da fiziki cəhətdən özümü çox  əla hiss edirdim ))  

 

Mantek Çia , Yudlavın kitabları  və o vaxtları hələ video kassetlər əsasında  məşğul olurdum.

Edited September 7, 2013 by Sunyata

[Sunyata]

Daos meditasiyası insanın emosiyalarını kontrol etmə , beləliklə də , enerjinin orqanizmdə düzgün hərəkəti və orqanlar arasında optimal paylanmasına xidmət edir.  Üç forması var -  "Daxili təbəssüm" , "6 şəfaverici səs"  , "Mikrikosmik orbita"  . 

Bundan əlavə , bu məşğələlərin sonunda sadəcə sakit hərəkətsiz oturub düşünməməyə çalışmaq lazımdır. Buna "Daxili Alximiya" da deyirlər. Bütün bunlar haqqında kifayət qədər kitab . məlumat var . Ona görə də bu barədə daha ətraflı yazmıram ...  Rolik qoyuram , maraqlananlar üçün məlumat -

 

http://www.youtube.com/watch?v=ko2V4o-XK2g

[Sunyata]

Qayıdaq yenə nəzəriyyəyə ))  Onu da deyim ki,  materiallar ( internet resurslardan əlavə )  Mel Tompsonun "Şərq fəlsəfəsi"  ,   "Səmaaltının müdrikləri"  ( Səmaaltı - yəni, поднебесная ,  başqa sözlə Çin )  adlı məcmuədən -  "Dao De Tszın"  traktatının özü , Çjuan Tszı -nın kitabı  , Niyazi Mehdinin "fəlsəfə tarixində fəlsəfə"  və yuxarıda adlarını çəkdiyim  Mantek Çia ,  Erik Yudlav "uzunömürlülük və sağlamlıq üçün 100 gün" kitablarından  , Syu Mintanın video materiallarından qaynaqlanır.

 

Dəyişkənlik prosesi və Dao.

 

Təlimə əsasən  varolan hər şey fasiləsiz dəyişkənlik prosesindədir və bunun da kökündə Dao durur. Dao özü sükunət və sabitlik halındadır , amma bütün hərəkətlərin əsası ondadır. Başqa bir yerdə deyilir ki, dəyişkənlik hər yerdədir , dəyişməyən  , amma dəyişkənliyin səbəbi və ona nəzarət edən Çan qanunudur.   Ona görə də yuxarıda yazdığım kimi , bu bir az sual doğurur. Ola bilər ki, mən dəqiq başa düşmürəm .  Dəyişməyən yalnız Daodur və digər tərəfdən isə həm də Çan qanunudur. ( məndə paradoks hissi oyadır) 

Həyatda hər şeyin  dəyişkən olmasından daha sabit heç nə yoxdur. Amma , dəyişkənlik olan yerdə insanlar daha sabit bir şey müəyyən etmək həvəsində olurlar. Amma , bu sabitlik Daosizmə görə keçmiş və gələcək zamanları doğurur beləliklə də insan hazırkı anı itirir. Ona görə də , əgər Dao yolu ilə getsək biz hazırkı anı nəzarət altına ala bilərik və onu dərk edə bilərik.

Aləmi necə var elə də qəbul etmək lazımdır. Ətraf aləm mükəmməldir. Onu dəyişməyə səy etmək lazım deyil. Mükəmməliyyə qayıdış  qeyri təbiilikdən - təbiiliyə qayıdış deməkdir.  Bu mənada mükəmməlliyin düşməni bütün qeyri təbii olanlardır - zor , əvvəlcədən düşünülmüş sosial qanunlar və s.  Buradan da  , daosların həyat tərzi və etikası - xüsusi olaraq  U Vey - qarışmamaq ideyası , dövlətə münasibət  və s. müəyyən olunur.  Bu haqda ,  daosizmdə "mən" ,  İn / Yan  , daosizm dini , fəlsəfə nümayəndələri haqda sonra ...

[Simruq]

Kainatda dördü Böyükdür – İnsan da onlardan biridir

Adamın qanunu Yerdəndir

Yerin qanunu Göydəndir

Göyün qanunu Yoldandır

Yolun da ki qanunu Özündəndir

 

Insan onlardan biridi ?

Dao ay dao. Biz yerin insani bir hissəsiyik. Qanun yoxdu. Hər şey təbiidi.

Ən güclü meditasiya Tibetdə keçirilir və onların çox hissəsi gizli saxlanılır. Nə bilim buzun içində səhərə kimi donmurlar, yaş paltarları bir neçə dəqiqəyə əyinlərində quruyur, bədən enerjisi sayəsində, oturduqları yerdə tullanıllar və.s.

Bunları bilməy və eləməy üçün nə DAO nə də Tibet vacib deyil. Bunu hər adam edə bilər.

HƏR ADAM.

[Sunyata]

Vüqar demişkən ideal heç bir nəzəriyyə yoxdur .Hərənin öz çatışmazlıqları və paradoksları var. Ona görə də , heç kimin burada Daosizm uğrunda cihad etmək fikri yoxdur ))  Nəzərə alsaq bu nəzəriyyə 2500 il əvvəl yaradılıb , bu paradokslar və qeyri dəqiqliklərdə təəccüblü bir şey yoxdur.

Bu göy -yer - insan məsələsini  belə izah etmək  olar ki , ( subyektiv olaraq )  əvvəla  "Dao De Tszın" -in  bu   hissəsində :

 

Yol doğur Biri

Bir doğur İkini

İki doğur Üçü

Üç isə doğur bütün varlığları

Bütün varlıqların çevrəsindəki Zülmət (Yanq)

Içindəki Nur (Yin) və Hər yana yayılan Boşluğun Nəfəsi (Çi) ahəng yaradır

 

Bir - Universal enerji - Çi , iki- biri digərinə keçib , sonra yenidən özünə qayıdan İn / Yan ( bu barədə sonra daha ətraflı... )   , üç - isə məhz - Göy -Yer - İnsandır. Yəni bu mənada insanın rolu yaradılışda çox mühimdir.   Bu üçü isə yerdə qalan "10000"  ( görünür arxaik təsəvvürlərə görə 10000 demək olar ki, sonsuzluq idi )) )  şeyləri yaradır.  Bu daodan yaranan şeylərin ierarxiyası. 

 

Bunu da əlavə edim ki, qədim arxaik təsəvvürlərə görə Göy çox yerdə Tanrı səviyyəsində qəbul olunurdu . ( qədim türklərdə də o cümlədən )  . Çində də bu ideya geniş yayılmışdı. Konfutsianlıqda da Göy hər şeyi birbaşa yaradan hesab olunur. Daosizmə qədərki dövrdə Göyə daha bir elemnt əlavə olundu - Yer.  İndi Göy-Yer tandemi keçmişdə olan Göyü əvəz edirdi.  Daosizm isə  bu tandemə daha bir element əlavə etdi - insan.  Beləliklə ,Göy / Yer / İnsan  triadası meydana gəldi , bununla yanaşı Göyün vacibliyini , aliliyini ikinci plana - Daodan sonra keçirdi.  İnsan müəyyən mənada Göy və Yer arasında əlaqəçi rolunu ifa edir . Həm də yaradılanların ən ruhanisi hesab olunur.  İnsan o biri yaradılanlarla müqayisədə  yeganə varlıqdır ki,  onda  bütün kainat haqqında məlumat var. Bunu dərk etmək üçün meditasiya vasitəsilə  mikrokosm ( eqo) makrokosmla (kainat )  qovuşmalıdır. Yalnız bu halda Daonu dərk edə bilər.

Edited September 8, 2013 by Sunyata

[Simruq]

DAO  1. İnsan o biri yaradılanlarla müqayisədə  yeganə varlıqdır ki,  onda  bütün kainat haqqında məlumat var.

 

Qonşum Nənə Xanım 1 .Kainat haqqında bütün məlumat, qum dənəsində və su damcısında da var.

 

DAO 2. Yol doğur Biri

Bir doğur İkini

İki doğur Üçü

Üç isə doğur bütün varlığları

Bütün varlıqların çevrəsindəki Zülmət (Yanq)

Içindəki Nur (Yin) və Hər yana yayılan Boşluğun Nəfəsi (Çi) ahəng yaradır

 

Qonşum Nənə Xanım 2. Biri doğanı, doğan nədi ay DAO ?

Rəqəm, məqəm yoxdu. Bu bir siferadı, biz bu siferanın insani bir hissəsiyik. Bu eqo, meqo bax bu insani hissənin içhindədi, onu idarə edir.   Bizim gücümüz bu insani hissəni idarə edə bilməyə çatır. Bu gücü kənara və ya digər yerlərə, həm köçürmək, həm də yönləndirmək olar.

 

Hərənin öz sistemi olmalıdı. İnsan dilində danışıram deyirəm ki bu sistemlər kütləvi olduğu üçün və kütləni idarə etməy üçün nəzərdə tutulub. Kütləvi sistemlər gec tez məhv olacaq.

[Sunyata]

 

Dao ilkin səbəbdir ! Nənə xanıma bunu başa salmaq çəttindir.)) Nənə xanıma anlamaq üçün demək olar ki, Ay Nənə xanım , bəs sənin Allahını kim yaradıb , kim doğub ? Deyəcək ki, necə yəni Allah hər şeyin səbəbi və yaradıcısıdır. Bəs onda Daonun niyə ata - anasını axtarırsan ? Dao ilkin səbəbdir. Bu o deməkdir ki, o , öz - özünün səbəbidir.

 

Qumda kainat haqqında məlumat var , amma , qumda dərk etmək xüsusiyyəti yoxdur. Bu yalnız insana məxsusdur.

Edited September 8, 2013 by Sunyata

[Vuqar Rehimov]

Nenexanimdada Dao var...Amma Dao Nenexanim deyil...)

[Simruq]

Qumun əvəzinə cavab verirsən, halal olsun. Bilməzdim sendə bu bacarıq var.

[Simruq]

İnsan cismində olmaq, insan demək deyil. Qumun yerində olsan, yerivi bilərsən, dərk edərsən.

[Sunyata]

Qumun əvəzinə cavab verirsən, halal olsun. Bilməzdim sendə bu bacarıq var.

 

Bəs sən haradan bildin ki, qumun dərk etmə qabiliyyəti var ? Sən də qumsan ?

[Simruq]

İlkin səbəbdir. Bu ki səbəbdir.

 

1. Dao ilkin səbəbdir. Bu o deməkdir ki, o , öz - özünün səbəbidir.

 

Özünün səbəbi var, başqası vacib deyil. DAO EQOizm fəlsəfəsidi.

[Simruq]

Hər halda mən qumu deyerlendirirəm, sənin kimi baxmıram.

[Simruq]

Hər şey qumdu.

[Vuqar Rehimov]

Hər şey qumdu.

Bes qum nedi?

[Sunyata]

Hər halda mən qumu deyerlendirirəm, sənin kimi baxmıram.

 

Mən quma necə baxıram ki? sadəcə ,  aləm üzvi və qeyri üzvi , canlı və cansız , şüurlu və şüursuz kimi hissələrdən ibarətdir. Bu təsnifatda Qum və İnsan  müxtəlif qütblərdə yerləşir, baxmayaraq ki , hər ikisinin səbəbi eynidir.  

 

Sən isə quma olan məhəbbətini  itirmə )) Əla , sən hömsöhbətlərinə hörmət qoymursan amma quma böyük hörmət və ehtiram göstərirsən .  Afərin !

[Simruq]

Bes qum nedi?

 

Hər şey!

[Sunyata]

Hər şey!

 

Bunu da Nənəxanım dedi ? Yoxsa Babaxanım ?

[Vuqar Rehimov]

Hər şey!

Yavas-yavas Dao-nu anlamaqa bashlayirsan...)