Xoşladığınız Şeirlər 2

[SoulTaker]

5 часов назад, Bamiya сказал:

            Mutlu Yıllar 
           

Bu gun dunyayi istedigin bir renge boya
Rengârenk batan gunu al karşina
Bir renk de kendinden kat
Cocuklar gibi saf, temiz ve berrak
Kapat gozlerini bir hikâye yarat
Vazgecme hissedilir biraz da sicakligini kat
Kalbindeki elleri birakma sikica tut
Cunku varliktir sevgiye en guzel kanit
Yalnizligin saltanatini sur, sur ama
Birikmiş sevginden, herkese bir parca ver
Bir tebrik, bir arama bin umuttur insana
Mutlu yillar, mutlu yillar sana sevgilim....

 

Can Yucel 

👍👍

[SoulTaker]

5 часов назад, Bamiya сказал:

            Mutlu Yıllar 
           

Bu gun dunyayi istedigin bir renge boya
Rengârenk batan gunu al karşina
Bir renk de kendinden kat
Cocuklar gibi saf, temiz ve berrak
Kapat gozlerini bir hikâye yarat
Vazgecme hissedilir biraz da sicakligini kat
Kalbindeki elleri birakma sikica tut
Cunku varliktir sevgiye en guzel kanit
Yalnizligin saltanatini sur, sur ama
Birikmiş sevginden, herkese bir parca ver
Bir tebrik, bir arama bin umuttur insana
Mutlu yillar, mutlu yillar sana sevgilim....

 

Can Yucel 

👍👍

[SoulTaker]

5 часов назад, Bamiya сказал:

            Mutlu Yıllar 
           

Bu gun dunyayi istedigin bir renge boya
Rengârenk batan gunu al karşina
Bir renk de kendinden kat
Cocuklar gibi saf, temiz ve berrak
Kapat gozlerini bir hikâye yarat
Vazgecme hissedilir biraz da sicakligini kat
Kalbindeki elleri birakma sikica tut
Cunku varliktir sevgiye en guzel kanit
Yalnizligin saltanatini sur, sur ama
Birikmiş sevginden, herkese bir parca ver
Bir tebrik, bir arama bin umuttur insana
Mutlu yillar, mutlu yillar sana sevgilim....

 

Can Yucel 

👍👍

[Bamiya]

             Tanış gəlir

 

Dünya mənə tanış gəlir

Gedirəm, izim böyüyür,
Susuram, sözüm böyüyür,
Baxıram, gözüm böyüyür,
Dünya mənə tanış gəlir.

Bunun dağı-daşı tanış,
Bunun yayı-qışı tanış,
Gözlərimin yaşı tanış,
Dünya mənə tanış gəlir.

Bir dəfə də gəlmişəmmi?
Gəlmişəmmi, görmüşəmmi?
Yaşamışam, ölmüşəmmi -
Dünya mənə tanış gəlir

 

Ramiz Rövşən 

[Bamiya]

Dostlar hər birinizi ilk mövzuma dəvət edirəm. 

Bu bölümdə rus dilində yazmaq imkan olmadığına görə,yeni mövzunu Литература и искусство bölümündə açdım. Yəni 3 dildə sevimli şairlərimizi yad edə bilərik.

Buyurun. Buranı isə unutmayaq)

 

 

[Bamiya]

Elçin Mirzəbəyli 

Ya sevda bitəcək, ya daş bitəcək...
Bitdisə...
Bir andı...
Nə fərqi var ki...
Ya payız bitəcək, ya qış bitəcək.
Mənim bulud-bulud dualarımdan
Enində-sonunda yağış bitəcək...

Bu mənəm...
İllərin dolanbacında -
Nə dərddən doyuram, nə əlacından...
Kölgəm çəkilərsə yol ayrıcından,
Ya göz yorulacaq, ya yaş bitəcək.

Sıyrılıb çıxacaq ömrün son fəsli,
Bu qara sevdadan qaranəfəsli...
Qorxma...
Təslim oldum özümə, təslim,
Qorxma...
Gözlərimdə
Savaş bitəcək...

İçimə toxum tək ələsin külək...
Bir ovuc göz yaşı...
Bir övuc çiçək...
Dəli ürəyimə nə əkirsən, ək...
Ya sevda bitəcək, ya daş bitəcək...

[Bamiya]

                       

Şair kimi yox,

şeir kimi ölmək istəyirəm...

Oxunmaq arsusuyla yaşayıram 

əvvəldən axıra kimi oxunmaq...

Əzbər qalmaq istəyirəm 

kiminsə yadında!

 

Vaqif Səmədoğlu 

[monashka12]

Bilmədim, uydum bu məcnun könlümün fəryadinə,
Eşqə dil verdim, bəladan başqa bir şey görmedim.
Ruhi-məcruhum' gözəllərdən vəfa bəklər yenə,
Mən hǝnüz əsla cəfadan başqa bir şey görmədim.

Görmədim əsla tikansız gül, qaranlıqsız işıq,
Hər vüsalı daima təqib edər bir ayrılıq,
Söyləyirlər: "Daimi zövqü səadət var", yazıq!
Seyr edib boş iddiadən başqa bir şey görmədim.

Gördüyüm hər müztərib' simayə duydum mərhəmət,
Yarə, həm ǝğyarə yar oldum da, sevdim bicǝhǝt;
Aşina zənn etdiyim hər üzdə heyhat!.. Aqibət
Boş təməllüqdən, riyadan başqa bir şey görmədim.

Hər məhəbbət bir xəyanət, hər gülüş bir hiylədir.
Hər səadət ruhu oxşar çox sönük bir şölədir.
Bəlkə var səhvimə Fəqət gördüklərim həp böylədir...
Görmədim, əsla bəladan başqa bir şey görmədim.

– Hüseyn Cavid

[umniy Nxcivanli]

Görmədim - Molla Pənah VAQİF

 

Müxəmməs

 

Mən cahan mülkündə, mütləq, doğru halət görmədim,

Hər nə gördüm, əyri gördüm, özgə babət görmədim.

Aşinalar ixtilatında sədaqət görmədim,

Biətü-iqrarü-imanü dəyanət görmədim,

Bivəfadan lacərəm, təhsili-hacət görmədim.

 

Xah sultan, xah dərvişü-gəda bilittifaq,

Özlərin qılmış giriftari-qəmü-dərdü fəraq,

Cifeyi-dünyayədir hər ehtiyacü iştiyaq,

Munca kim, etdim tamaşa, sözlərə asdım qulaq,

Kizbü-böhtandan səvayi bir hekayət görmədim.

 

Hər sədavü səs ki, dünyaya dolub əksər əqəl,

Cümlə məkrü-alü-fənnü fitnədir, cəngü-cədəl,

Dirhəmü-dinar üçündür hər şeyə yapışsa əl,

Müqtədilərdə itaət, müqtədalərdə əməl,

Bəndələrdə, simu bəylərdə ədalət görmədim.

 

Xəlqi-aləm bir əcəb düstur tutmuş hər zaman,

Hansı qəmli könlü kim, sən edər olsan şadiman,

O sənə, əlbəttə ki, bədguluq eylər, bigüman,

Hər kəsə hər kəs ki, etsə yaxşılıq, olur yaman,

Bulmadım bir dost ki, ondan bir ədavət görmədim.

 

Alimü-cahil, müridü-mürşidü-şagirdü pir,

Nəfsi-əmmarə əlində sərbəsər olmuş əsir,

Həqqi batil eyləmişlər, işlənir curmi-kəbir,

Şeyxlər şəyyad, abidlər abusən qəmtərir,

Hic kəsdə həqqə layiq bir ibadət görmədim.

 

Hər kişi hər şey ki, sevdi, onu behtər istədi,

Kimi təxti, kimi taci, kimi əfsər istədi.

Padşahlar dəmbədəm təsxiri-kişvər istədi,

Eşqə həm çox kimsə düşdü vəsli-dilbər istədi,

Heç birində aqibət, bir zövqü-rahət görmədim.

 

Mən özüm çox kuzəkarı kimyagər eylədim,

Sikkələndirdim qubari-tirəni zər eylədim,

Qara daşı döndərib yaquti-əhmər eylədim,

Daneyi-xərmöhrəni dürrə bərabər eylədim,

Qədrü qiymət istəyib, qeyr əz xəsarət görmədim.

 

Eyləyən viranə Cəmşidi-Cəmin eyvanını,

Yola salmış, bil ki, bəzmi-işrətin cəndanını,

Kim qalıbdır ki, onun qəm tökməyibdir qanını,

Dönə-dönə imtahan etdim fələk dövranını,

Onda mən bərəkslikdən özgə adət görmədim.

 

Gün kimi bir şəxsə gündə xeyr versən səd həzar,

Zərrəcə etməz ədayi-şükri-nemət aşikar,

Qalmayıbdır qeyrəti şərmü-həya, namusu ar,

Dedilər ki, etibarü-etiqad aləmdə var,

Ondan ötrü mən də çox gəzdim, nəhayət, görmədim.

 

Müxtəsər kim, belə dünyadən gərək etmək həzər,

Ondan ötrü kim, deyildir öz yerində xeyrü-şər,

Alilər xaki-məzəllətdə, dənilər mötəbər,

Sahibi-zərdə kərəm yoxdur, kərəm əhlində zər,

İşlənən işlərdə ehkamu ləyaqət görmədim.

 

Dövlətü-iqbalü malın axırın gördüm tamam,

Həşmətü-cahu-cəlalın axırın gördüm tamam,

Zülfü ruyu xəttü xalın axırın gördüm tamam,

Həmdəmi-sahibcəmalın axırın gördüm tamam,

Başədək bir hüsnü-surət, qəddü-qamət görmədim.

 

Ey xoş onlar kim, Məhəmməd Mustafanı sevdilər,

Oldular aşiq, Əliyyül-Mürtəzanı sevdilər,

Sidqü-ixlas ilə pənc ali-əbanı sevdilər,

Çardəh məsumtək müşkülgüşanı sevdilər,

Dəxi, onlardan gözəl yaxşı cəmaət görmədim.

 

Ya imam-əl-insü vəlcinnü şahənşahi-umur,

Getdi din əldən, bu gündən böylə sən eylə zühur,

Qoyma kim, şeytani-məlun eyləyə imanə zur,

Şöleyi-hüsnünlə bəxş et tazədən dünyayə nur,

Kim, şəriət məşəlində istiqamət görmədim.

 

Baş ağardı, ruzigarım oldu gün-gündən siyah,

Etmədim, səd heyf kim, bir mahi-ruxsarə nigah,

Qədr bilməz həmdəm ilə eylədim ömrü təbah,

Vaqifə, ya rəbbəna, oz lütfünü eylə pənah,

Səndən özgə kimsədə lütfü-inayət görmədim.

 

P.S. Bu günümüzə uyğun səslənir.

[Igolka]

Yağışlı axşamda Mikayıl Müşfiqdən şeir paylaşım.

 

Yağış yağır, rəqs еyləyir gur damlalar,
Sıra-sıra, inci-inci nur damlalar.
Göydə iki qara bulud toqquşaraq,
İldırımlar şaqqıldayır şaraq-şaraq.
Quşlar uçur yuvasına pırıl-pırıl,
Şırıldayır navalçalar şırıl-şırıl.
Çaхnaşmada göy üzündə ildırımlar,
Bir-birinə dəydi, baхın, qaldırımlar.
Dönmələrdə durana baх, qaçana baх!
Qaldırımda o balaca oğlana baх!
Öz döşündən yеni sözlər toхuyaraq,
Ayağını şappıldadır oхuyaraq.
Gülə-gülə bir qız qaçır o səkidən,
Ürəkciyi хali dеyil səksəkidən,

Yanında bir gənc də qaçır,
Yağış yağır, onu açır.

Еy gənc, durma, qoltuqlamaq zamanıdır,
Təbiətin ən şuх, çaqraq zamanıdır.
Yağ, yağışım, yağ sеl ol, yağ!
Sırma-sırma, tеl-tеl ol, yağ!
Çözül, sən ki kölgəli bir yar saçısan,
Bağrıyanıq səhraların əlacısan.

Yağ, yağışım, sеllənərək
Sırmalanıb tеllənərək!

Zümzümənlə şirin-şirin dillən, yağış.
Küçələrdə uşaq kimi vеllən, yağış!
Bunlar kеçər, çarpın, səma, köksüm kimi,
Еy ildırım, səs vеr mənə, səsim kimi!
Yağ, еy yağış, fikrim кimi, hissim kimi,

Uzaq, yaхın çöllərə yağ,
Ölкələrə, еllərə yağ!

Yağış yağır, rəqs еyləyir gur damlalar,
Sıra-sıra, inci-inci nur damlalar.