"yenə O Bağ Olaydı" Şeiri Kimə Yazılıb ?

[Kenul2012]

"YENƏ O BAĞ OLAYDI" ŞEİRİ KİMƏ YAZILIB? 

 

Yenə o bağ olaydı, yenə yığışaraq siz

                               O bağa köçəydiniz.

Biz də muradımızca fələkdən kam alaydıq,
                                      Sizə qonşu olaydıq.

Mikayıl Müşfiqin bəlkə də ən məşhur şeiridir “Yenə o bağ olaydı”. Bu şeir 1936-cı ilin yayında Pirşağıda yazılıb. Mikayılın heç ağlına gəlməzdi ki, bu şeirdən sonra onu həbs və işgəncələr, sonda isə güllələnmə gözləyir.

Bəlkə də, bir çoxunuz Mikayılın bu şeiri həyat yoldaşı Dilbər xanıma həsr etdiyini düşünür. Şeirin kimə ünvanlandığı uzun müddət sirr qalsa da, yalnız ötən əsrin sonlarında o qızın adı açıqlanıb.

Bu, Arifə Məmmədxanlı idi - yazıçı Ənvər Məmmədxanlının bacısı.

Böyük şairin həsrətində olduğu bağ isə Ənvər Məmmədxanlının bağı idi.

Hüseyn Cavid, Əhməd Cavad, Mikayıl Müşfiq, Rəsul Rza yayı bu bağda keçirərdilər.

Arifə Məmmədxanlı ölüm ayağında ikən özü bunu yazıçı, publisist Rafael Hüseynova etiraf edib. Bundan bir neçə il qabaqsa (1986-cı il) sirrini bacısı Həbibə xanıma açıbmış.

Arifə xanım “Yenə o bağ olaydı” haqqında bunları deyir: “Bir gün mən dərsdən qayıdanda Sabir bağının yanında onunla üz-üzə gəldim. Dedi: “Bax, nə xoş bir təsadüf”. Heç yadımdan çıxmır. Dedi: “Nə yaxşı oldu səni gördüm. Məndə sənə çatası bir şeir var. O şeiri verəcəm sənə”. Bükmüşdü, bir dəftər kağızı idi. Verdi, mən də alıb qoydum çantama. Sonra açıb baxanda gördüm yuxarısında yazıb: “Arifəyə. Yenə o bağ olaydı”. Ürəyimdə dedim, görən, bizim bağı yazıb bu? Oxuyub gördüm ki, bağda nə olubsa, hamısı bu şeirdədir. Uzun müddət qaldı məndə o şeir. Ərə gedəndə, bir-iki dənə oğlan məktubu-filan vardı, cırdım onların hamısını. Çünki bilirdim İbrahimin xasiyyəti tünddür. Nə qədər zarafatı vardısa da, bir o qədər də qısqanc adam idi. Özü də mənə e... Mənim nəyimi qısqanırdı, bilmirəm. Bu şeirdə, əslində o “Arifəyə” sözü olmasa, sən deyən elə bir şey yoxdu. Nə ad çəkilmişdi, nə bir şey. Amma ehtiyat elədim. Bunu da cırdım”.

AZENS.AZ

Orucova Jalə

 

http://azens.az/component/k2/item/920-yenae-o-bazhh-olaydi-sheiri-kimae-yazilib

Edited April 14, 2015 by Kenul2012

[Kenul2012]

İnternetdə bu məqaləyə rast gəldim.Maraqlı gəldi.Mikayıl Müşfiqin yaradıcılığında bu şeiri daha çox sevirdim.

 

Hər dəfə oxuyanda düşünürdüm ki,həyat yoldaşına yazıb...Demə torbada pişik varmış.)

[Museyib Elekber]

İnternetdə bu məqaləyə rast gəldim.Maraqlı gəldi.Mikayıl Müşfiqin yaradıcılığında bu şeiri daha çox sevirdim.

 

Hər dəfə oxuyanda düşünürdüm ki,həyat yoldaşına yazıb...Demə torbada pişik varmış.)

 

Bu pişiklər də camaatın başına bəla olub ))

 

Məktəbdə bu şeri keçəndə müəllim demişdi ki, öz həyat yoldaşına yazıb. İndi oxuyanda da o ağlıma gəldi. Sonrasını oxuyanda gördüm ki, vəziyyət heç də elə deyilmiş )))

[Kenul2012]

Bu pişiklər də camaatın başına bəla olub ))

 

Məktəbdə bu şeri keçəndə müəllim demişdi ki, öz həyat yoldaşına yazıb. İndi oxuyanda da o ağlıma gəldi. Sonrasını oxuyanda gördüm ki, vəziyyət heç də elə deyilmiş )))

Müseyib,biz univerdə də keçmişik ki,həyat yoldaşı Dilbər xanıma yazıb.İndi araşdırmalar başqa iddialar irəli sürür.)

[Roxilan]

Ne maraqli meqaledi.M.Muwfiqi bu werine gore hebs edibler.Orda sovetler NKVD esinin iddiasina gore sohbet sevgiden olmayib,sohbet kecmiw zamana olan hesretden gedib.Yene o baq olaydi- wair demek isteyib ki yene beyler dovru olarmiw.Ve bu wer bir nov sovet rejimini devirmek ucun bir caqiriw imiw.Axirki bu wer wairin tutulmaqina bais olub,sonrada gullelenib.

[Bamiya]

Cox maraqlı məqalədi.Hec vaxt düşünə bilməzdim ki,bu şeir bu qədər dərin sirlərə malikdi.Həmişə düşünmüşəm ki,şeir həyat yoldaşına yazızılıb.Və necə illərdə bunu belə qələmə veriblər.Əslində bir cox yazılan şeirlərin tarixi dərindi.Və sirli bir alemdi bizlər ücün

[Blok]

"“Yenə o bağ olaydı” poeması ilə bağlı maraqlı məqamlardan birini də müşfiqşünas alim Gülhüseyn Hüseynoğlu açıqlayır: “İndiyəcən altı qadın mənə deyib ki, şeir ona həsr edilib”.

Müşfiq bəlkə də bu şeiri Arifə ilə yanaşı başqa xanımlara da veribmiş? Allah bilir..." :)

PS. Aldanma ki, shair sözü elbette yalandir )

( M. Fizuli)

[Satici-man]

Ədəbiyyatda belə maraqlı məqamlar çoxdur. Hələ nə qədər məsələlər var ki, öz əsl izahını gözləməkdədir. Bir də nə vaxtsa gözünüzü açıb görürsünüz ki, hamının M.F.Axundovun əsəri kimi tanıdığı "Kəmalüddövlə məktubları" fəlsəfi əsəri onun yox, başqasının əsəri imiş. Nə bilmək olar. Hər şey dəyişər.

[avocat]

Bir kitabda oxumuşdum, Müşfiq o şeri başqasına yazıb, sadəcə müəllif həmin qadının adını çəkməyib. yazmışdı ki, mənə deyiblər ki, o qadının adını çəksən üzünə baxmayacağıq. Ona görə də adsız qəhrəman olub. Amma deyirlər ki Ə. Məmmədxanlının bacısı olub.