Vicdanı Itdiyinə Görə Etibarsız Sayılır

[umniy Nxcivanli]

Ilham Hüseyn 

Itki çox pis şeydi. Buna görə də insanlar itirməkdən qorxur. Doğmasını, karyerasını, istedadını, cavanlığını, mülkünü, pulunu itirməkdən hamı qorxur. Hətta, 10 qəpiyimiz itəndə də saatlarla axtarışa çıxırıq. Əslində, burda qeyri-adi heç nə yoxdu. Sənə məxsus olanı heç bir əsas olmadan itirmək ağrılıdır. Itirdiyinə görə günlərlə ağlayanlar da, depressiyaya düşənlər də, intihar edənlər də olur. 

Qəzetlərdə də tez-tez rast gəlirik ki, kiminsə diplomu, kiminsə şəxsiyyət vəsiqəsi, kiminsə mənzilinin kupçası itdiyinə görə etibarsız sayılır. Və ya itirilən əşyanın tapılması üçün müxtəlif vasitələrlə elan verilir. Hətta, tapan adama mükafat da vəd edilir.

Bütün bunları niyə yazıram? Bu qədər təfərrüata varmaqda məqsədim nədir?

Darıxmayın, izah edəcəm. Bu ölkədə xeyli adam var ki, itirməkdən narahat olmur, itirdiyi üçün dərd çəkmir, itkisinin boşluğunu yaşamır. Sanki, bu dünyaya bütün dəyərlərini itirmək üçün gəlib.

Bəli, bugün vicdanını, mənliyini, şəxsiyyətini itirmiş nə qədər adamlar tanıyırıq. Və bu adamlar itirdiklərinin axtarışına da çıxmaq istəmirlər. Həm də itirdiklərinin harda olduğunu dəqiq bilirlər. 

Çox qəribədir, 1 manatını itirməkdən qorxan adam, təmiz adını itirməkdən qorxmur. Vəzifəsini itirməkən qorxan adam, cəmiyyətin nifrətini qazanmaqdan qorxmur. 

Təsəvvür edə bilirsizmi? Adam bir ləyaqətli adamın üzünə durur, ona şər atır və bunun qarşısında ənam alır. Yəni asanlıqla kişiliyini, mənliyini, vicdanını itirməyə razı olur. Bu itkidən nə depressiyaya düşür, nə ağlayır, nə də intihara əl atır.

Bugün həbsdə olan 100-lərlə siyasi məhbus, həm də 100-lərlə insanın itkisi deməkdir. Bəli, bu adamların həbs olunması üçün nə qədər adam vicdanını itirib. Bu ölkədə elə adamlar var ki, onların “iş yeri” vicdanın itdiyi məkanlardı. Onlar hər gün evdən ona çıxırlar ki, insanlıqlarını bir az da itirsinlər. Bu adamlar itirməyə adət ediblər. Bu adamların utanmamaq üçün immunitetləri var. 

Bir cəmiyyətin ən böyük fəlakəti onda başlayır ki, vicdanını itirənlər qəpiyini itirənlər qədər əzab çəkmirlər. Bir ölkənin ən böyük faciəsi onda baş verir ki, şərəfini itirənlər bu itkiylə barışmağa başlayırlar.

Özünü itirmək hesabına qazananların sayı çoxaldıqca, özünü tanıyanların qazancı azalmağa başlayır. Çünki, bu “şərəf qıtlığı” yaşayan adamlar özlərinə dəyər biçməyə başlayırlar.

Cəmiyyətin böyük hissəsi isə, bu adamların vicdan itirdiyindən bixəbər olur.

Çünki, onların itirdikləri haqqında nə qəzetdə, nə televiziyada, nə də küçə elanlarında xəbər verilmir.

Kaş, vicdanını, ləyaqətini, mənliyini itirənlər haqqında da qəzetdə məlumat verəydilər. Məsələn, “filankəsin vicdanı itdiyinə görə etibarsız sayılır”, “filankəsin ləyaqətini tapanlara mükafat veriləcək” tipli elanlar olaydı.

O zaman övladlar atalarını, qızlar sevdikləri oğlanı, xalq onu idarə edənləri yaxşı tanıyar. Belə olsaydı, bəzi adamların qazancının hansı itkilər hesabına başa gəldiyini, bütün məmləkət bilərdi.

Cəmiyyət bilərdi ki, filankəs etibarsızdı, adamlıqdan çıxıb, dəyərli olan nəyi varsa, itib.

Bu adamların “itki”lərindən xəbərdar olmağın ən yaxşı cəhəti budur ki, başqaları onların itirdiyini tapmaqdan imtina edir. 

Belə adamlarla bağlı elan verilsəydi, bu sevdaya düşən nə qədər adam itirməkdən qorxardı. Onda, adamlar vicdanını pul kisəsindən möhkəm qoruyardı.

Özünüzə etibar edin ki, etibarsız sayılmayasız.

 

http://www.azadliq.info/xeberler/358-xeber/56087-vicdan-itdiyin-goer-etibarsz-saylr.html

 

Р.С. Vicdanımı itirmişəm. Tapan olsa, ümid edirəm ki, tapılacaq, üstünə də 1000 AZN də qoyub mənə çatdırsın. Heç olmazsa 1000 $, aşağı yeri yoxdur. Götürməyəcəm, üz vurmayın...

 

Sizlərin də fikirləriniz maraqlı olar. Dinləməyə/oxumağa haziram. Uğurlar.

[fikus elastica]

Bir cəmiyyətin ən böyük fəlakəti onda başlayır ki, vicdanını itirənlər qəpiyini itirənlər qədər əzab çəkmirlər. Bir ölkənin ən böyük faciəsi onda baş verir ki, şərəfini itirənlər bu itkiylə barışmağa başlayırlar.

 

Bir cəmiyyətin ən böyük fəlakəti- cəmiyyətin vicdan itirənləri "isti" qarşılamağıdır.   Özüdə vicdansız olduqlarını bilə-bilə... 

[gapgara]

Bir cəmiyyətin ən böyük fəlakəti- cəmiyyətin vicdan itirənləri "isti" qarşılamağıdır.   Özüdə vicdansız olduqlarını bilə-bilə... 

 

Olmayan bir şey necə itə bilər

[umniy Nxcivanli]

Bir cəmiyyətin ən böyük fəlakəti- cəmiyyətin vicdan itirənləri "isti" qarşılamağıdır.   Özüdə vicdansız olduqlarını bilə-bilə... 

... həm də cəmiyyətsizliyidir... Şox-çox heyiflər...

[umniy Nxcivanli]

Olmayan bir şey necə itə bilər

Hərdən mən də öz-özümə bu sualı verirəm, ancaq cavabsız qalır.

[framework]

İslanmışın yağışdan nə qorxusu. Vicdanını mənliyini itirən, onu pula satan fahişədən fərqlənməz

[Deymon Salvatore]

Vicdan anadan gəlmə olmalıdır.Bu, kompüterdəki kimi,hansısa kodek,komponent deyil ki,çatışmayanda əlavə edəsən.Bizdə isə,qanında "QİÇS" gəzdirib,başqalarına da yaymaq istəyənlər daha çoxdur.Rüşvət götürmək istəməyəni də sevmir bizimkilər,götürəni də söyüb bulayırlar.Məncə,kütləvi şəkildə qan köçürmə lazımdır.Day kimdən köçürəcəklər,orasını özləri qərar versin  .

 

Çünki bizim problemlərimiz,genetika səviyyəsindədir.Tarixə də nəzər salanda,eyni problemlərdir."Başımızın ağrısı",hər dəfə eyni şeylərə görədir.TAMAH və UNUTQANLIQ.,.Ən çox da tamah.Tamahını saxlaya bilməyən birisindən,hansı vicdan,hansı düzgünlük gözləmək olar?

[Simruq]

http://youtu.be/k7MT1yeRRe4

[Nightwatchman]

Vaxt gələcək və ümidvaram ki, elm o qədər inkişaf edəcək ki, vicdan anlayışının mahiyyətini kəşf edəcəklər. Çox israrlıyam ki, bu nə isə qəribə və möcüzəli bir məfhumdur. Çünki, insanı bu qədər düzgünlyə, qayda-qanuna riayət etməyə dartan başqa bir hiss yoxdur. Söhbət vicdanı olanlardan gedir. Bunun kiməsə verilib, kimdənsə yan keçməsi elə özü də bir qəribəlikdir. Bəlkə də Nəsimi haqlı imiş - Haqq mənəm, haqq məndədir, haqq söylərəm!

[Консуэло]

Insanin, dostu da, dushmeni de, hakimi de vicdanidir. Dostu olub, onu haqsizliqlardan chekindirir, dushmeni olub, hansisa hereketine gore ona ezab verir, hakimi olub, qerar chixardir. Chox demirem, kash ki, insanlarin elli faizinde olaydi bu. Onda dunya duzelerdi belke.

[Roxilan]

Bir denedesoz var-vicdani tep temizdi,cunki hec vaxt istifade olunmayib:)

[umniy Nxcivanli]

Bir denedesoz var-vicdani tep temizdi,cunki hec vaxt istifade olunmayib:)

Çox orijinal deyim!!!