Bakı qəsəbələrinin və kəndlərinin vəziyyəti yaxşılaşdırılacaq

[^^Paradise_Bird^^]

[size="4"][b]Prezident İlham Əliyev: "Əminəm ki, yaxın zamanlarda Bakı qəsəbələrinin bütün problemləri öz həllini tapacaq" [/b]

Xəbər verdiyimiz kimi, Azərbaycan Prezidenti İlham Əliyevin sədrliyi ilə martın 9-da Bakı Şəhər İcra Hakimiyyətində şəhərətrafı qəsəbələrin sosial-iqtisadi inkişafına həsr olunmuş müşavirə keçirilmişdi. Həmin müşavirədə dövlətimizin başçısı şəhərətrafı qəsəbələrin sosial-iqtisadi inkişafı ilə bağlı tapşırıqlar vermişdi. Verilən tapşırıqların icrası ilə yerindəcə tanış olmaq üçün aprelin 4-də Prezident İlham Əliyev Qaradağ rayonunun Qobustan və Ələt qəsəbələrində olmuşdur.
Bakı Şəhər İcra Hakimiyyətinin başçısı Hacıbala Abutalıbov Qobustan qəsəbəsinin sxemi əsasında təmirə ehtiyacı olan yollar barədə dövlətimizin başçısına məlumat verdi. Qeyd edək ki, 14 min 585 nəfər əhalisi olan Qobustanda artıq qəsəbədaxili yolların əsaslı təmirinə başlanılıb. İndiyə qədər yolların 10 min kvadratmetr hissəsinə yeni asfalt örtüyü döşənib. Yolun qalan 18 min kvadratmetr hissəsinin də asfalt örtüyü təzələnəcəkdir. Məhəllədaxili bütün küçələrdə yeni işıqlandırma sistemi quraşdırılacaqdır.

Qəsəbədə görülən işlərlə yaxından tanış olan Prezident İlham Əliyev sakinlərlə görüşdü.
Sakinlər dövlətimizin başçısını hərarətlə qarşıladılar.
Qobustan qəsəbəsinin sakinlərini salamlayan Prezident İlham ƏLİYEV dedi:

-Sizi salamlayıram, xoş gördük. Qobustan qəsəbəsinin inkişafı ilə bağlı müvafiq göstərişlər verilmişdir. İndi işlər başlayıbdır. Birinci mərhələdə biz yolların çəkilişi ilə məşğul olacağıq. Çünki buna böyük ehtiyac var. Qobustan qəsəbəsinin yollarının, demək olar ki, hamısı torpaq yollardır. Asfalt salınmayıb, keçmişdə də olmayıb, indi də yoxdur. Əlbəttə, bu, böyük çətinliklər yaradır. Çünki yağış yağanda, qar yağanda bu yollardan keçmək mümkün deyil. İndi mən maşınla gələndə görürdüm, sağ-soldakı küçələrin hamısı torpaq yollardır. Ona görə biz bu gün bu işlərə başlayırıq. Bütün küçələr asfaltlanacaqdır. Bu işlər mərhələlərə bölünübdür. Hər bir mərhələdə müəyyən qədər işlər görülməlidir.

Bütövlükdə Bakı şəhəri qəsəbələrinin inkişafı ilə bağlı müvafiq göstərişlər verilmişdir. Keçən ayın əvvəlində böyük müşavirə keçirilmiş, göstərişlər verilmiş, proqram hazırlanmışdır. Bu ay proqram təsdiq olunacaq və onun icrası nəticəsində qəsəbələrin hamısında bütün infrastruktur məsələləri və sosial məsələlər öz həllini tapacaqdır.

İlk növbədə isə yollar. Çünki buna ən böyük ehtiyac var. Ondan sonra işıq dirəkləri qoyulacaq. Qəsəbə yolları, demək olar ki, işıqlandırılmır, axşamlar qaranlıq olur. Sosial obyektlərə gəldikdə, mənə indi məlumat verildi ki, məktəb tikintisinə ehtiyac var. Xəstəxana çox bərbad vəziyyətdədir. Deyə bilərəm ki, dözülməz vəziyyətdədir. Bu məsələləri biz operativ şəkildə həll edəcəyik.
Bütövlükdə ölkəmizdə böyük quruculuq işləri aparılır. Hər bir bölgəyə, hər bir rayona dair xüsusi proqramlar var. Belə olan halda, Bakı qəsəbələrinin inkişafı ilə bağlı, əlbəttə ki, daha da ciddi tədbirlər görülməlidir.

Son illər ərzində müəyyən işlər görülübdür. Məktəb tikintisi, tibb məntəqələrinin tikintisi layihələri icra olunubdur. Ancaq növbəti illərdə daha da genişmiqyaslı işlər görülməlidir. Bax, indi Bakı-Ələt yolu dünyanın ən yüksək standartlarına cavab verir. Hətta işıq dirəkləri də qurulur. Baxmayaraq ki, dünya təcrübəsində magistral yollarda işıq olmur. Amma biz bunu da edirik. Qəsəbədaxili yollar da elə olmalıdır. Qəsəbələrarası yollar yaxşı olmalıdır. Yəni insanların rahatlığı üçün, işləməsi üçün, yaxşı yaşaması üçün bütün işləri biz görürük. Bu, birinci addımdır. Bundan sonra daha da böyük işlər görüləcəkdir. Yenə də demək istəyirəm ki, qəbul olunacaq proqram bütün qəsəbələri əhatə edəcək və hər bir qəsəbə üçün ayrıca iş qrafiki tərtib olunacaqdır.

Bu, böyük bir işdir. Çünki Bakının ətrafında 40-dan çox qəsəbə var. O qəsəbələrdə 800 mindən artıq əhali yaşayır. Necə deyərlər, - mən bir dəfə demişəm, - özlüyündə böyük bir şəhər boyda qəsəbələrdir. Əlbəttə ki, bu işləri görmək üçün böyük vəsait və vaxt tələb olunacaqdır. Ancaq mən istəyirəm ki, bütün bu işləri maksimum qısa müddət ərzində görək. Əlbəttə ki, burada yerli icra orqanlarının fəaliyyətindən çox şey asılı olacaqdır. Eyni zamanda, qəsəbə sakinləri də bütün bu gözəl təşəbbüslərə qoşulmalı, fəal iştirak etməlidirlər. Həm də öz təkliflərini, iradlarını bildirməlidirlər ki, hansı məsələlər daha da tez həll olunmalıdır, hansı məsələlər narahatlıq doğurur, harada biz nəyi düzəltməliyik, nəyi etməliyik. Yəni bu bağlantı olmalıdır ki, biz də tam məlumat əldə edək ki, işlər hansı ardıcıllıqla görülməlidir.

Bu gün mən gəlmişəm ki, həm işin başlanğıcı ilə tanış olum, həm sizdən eşidim ki, - istəyiniz nədir, arzularınız nədir, biz nə etməliyik ki, işlər sürətlə və maksimum səmərə ilə aparılsın.

[url="http://milli.az/news/society/43315.html"]Sakinlərin suallarına Prezidentimizin cavabları burada[/url][/size]

[^^Paradise_Bird^^]

[size="4"]Bu yaxınlarda Hövsandan qohumlarımız qonaq gəlmişdi bizə. Oturduq söhbət etdik ordan burdan və onların necə çörək pulu qazandıqları barədə soruşdum. Dedi quşçuluqla məşğul oluruq, bir balaca fermamız var orada toyuq saxlayıb şəhərə gətirib satırıq. Soruşdum nə qədər insan məşğuldur bununla, dedi çox olsa 5-6 nəfər. Qeyd etdi ki, onların istehsal etdiyi malın maya qiyməti başqalarından baha başa gəldiyinə görə təbii ki, qiyməti də başqa broylerlərdən daha baha olur və bu da malın pis satılmasına gətirib çıxarır. Birdə əsas satış nöqtələrinə başqa daha böyük broylerlərin malları gətirildiyinə görə bunlar mallarını yalnız balaca, xırda xuruş mağazalara verməli olurlar. Ümumiyyətlə bizim kənd quşçuluqla məşğuldur əsasən və birdə yaxşı dönəmlərdə gül ilə də məşğul olurdular lakin son zamanlar bir çox kommunal xidmətlərinin qiymətinin qalxması malın maya dəyərini o qədər yüksək edir ki, bu işlə məşğul olmaq sərfəli deyil.

Dedim yaxşı siz quşçuluqla məşğulsunuz bəs qalan camaat çörək pulunu haradan çıxarır, dedi heç yerdən, iş yox, güc yox, avaraçılıqdı. Elə həyat bacasında nə isə saxlayır, becərir, onu satır-yeyir pul qazanır. Kəndimizin infrastrukturunun yaradılıb, yeni iş yerlərinin açılmasına çox ehtiyacı var.

Nəzərə alsaq ki, ora port tikilməsi üçün ən əlverişli yerdir, imkanlar da genişdi. Ümid edirəm ki, bu qəsəbənin inkişafında bu nəzərə alanıcaq.[/size]

[SAPAND]

Əl qərəz , " Ağlamayana meme veren yoxdu"

[adad333]

[quote name='SAPAND' timestamp='1301992471' post='8745199']
Əl qərəz , " Ağlamayana meme veren yoxdu"
[/quote]

Chetin ki bu mitinglerin neticesidir. Ac camaat uchun yol asfaltdan yox briliantdan olsun ne ferqi? Birinci Genclere tehsil verilir amma iw yerleri yox, bunnan Bawlasin hORMETLI prezidentimiz..

[Gilenar]

Hovsani inkishaf etdirirler de. Orda boyuk ticaret merkezi olacaq Baglara donen yerde. Yeni biz bagdan qayidanda nece saat tixacda qalacagiq Allah bilir.

[^^Paradise_Bird^^]

[quote name='Gilenar' timestamp='1301995610' post='8745661']
Hovsani inkishaf etdirirler de. Orda boyuk ticaret merkezi olacaq Baglara donen yerde. Yeni biz bagdan qayidanda nece saat tixacda qalacagiq Allah bilir.
[/quote]

Hee bele deyün, elə bir dənə ticarət mərkəzi oldu besdi de. Kendçiyə nə lazımdü, olmadığı pulunu xərcləmey üçün bi dənə ticarət mərkəzi )))

[Lady_ViRUS]

Xa! Bu sohbet chixandan qazimiz kokunnen kesilib.