Azərbaycan Istehlakçı Hüquqları / İstehlakçılar Birliyi

инженерц · November 5, 2013

Mövzunun yaradılmasında məqsəd:

İstehlakçıların bir-birlərinə köməyi,

Hüquqları pozan dükanları paylaşmaq,

Azərbaycanda da nəhayət istehlakçı hüquqlarının öz yerini tapmasına cüzi də olsa köməklik,

Xarab, keyfiyyətsiz malları, bu malları satan dükanları paylaşmaq,

Bu mövzuda bildiyimiz məlumatlarla paylaşmaq.

инженерц · November 5, 2013

Azad Istehlakçılar Birliyi http://www.consumer-aib.com/

Eyyub Hüseynov - Azad İstehlakçılar Birliyinin sədri.

Edited November 5, 2013 by инженерц

инженерц · November 5, 2013

Hörmətli Eyyub müəllim istehlakçılara pozulmuş hüquqlarının bərpa olunmasında iştirak edir. Bir istehlakçı kimi mən də onun yardımından faydalanmışam və başqalarına da təmənnasız yardım etdiyinin şahidi olnuşam.

инженерц · November 5, 2013

Alıcıların malı qaytarmaq və dəyişdirməsi ilə bağlı hüququ:

İstehlakçilarin Hüquqlarinin Müdafiəsi Haqqinda

Azərbaycan Respublikasinin Qanunu

Maddə 15. İstehlakçının tələblərini ödəməyən malın lazımi keyfiyyətli mala dəyişdirmək hüququ

1. Lazımi keyfiyyətli qeyri-ərzaq malı öz formasına, ölçüsünə, fasonuna, rənginə görə istehlakçıya yaramırsa və ya digər səbəblərə görə təyinatı üzrə istifadə oluna bilməzsə, istehlakçının onu alındığı yerdə uyğun mala dəyişdirmək hüququ vardır.

İstehlakçı malın alınma günü sayılmamaq şərti ilə, 14 gün ərzində həmin malı lazımi keyfiyyətli mala dəyişdirmək hüququna malikdir. Pərakəndə satılan malın dəyişdirilməsi üçün satıcı tərəfindən daha uzun müddət elan edilə bilər.

İstehlakçı tərəfindən əldə edilmiş lazımi keyfiyyətli mal istifadə olunmayıbsa və onun əmtəə görünüşü, istehlak xassələri, plombu, yarlığı, həmçinin, mal və yaxud kassa qəbzi və ya ona mal ilə birlikdə verilmiş digər sənədləri saxlanılıbsa, bu hallarda o dəyişdirilə bilər.

Bu maddədə göstərilmiş əsaslar üzrə dəyişdirilməli olmayan malların siyahısı Azərbaycan Respublikasının Nazirlər Kabineti tərəfindən təsdiq edilir.

2. Malı dəyişdirmə anında, satışda uyğun mal yoxdursa, istehlakçı dəyəri yenidən hesablamaqla istənilən başqa bir malı almaq və ya qaytarılan malın dəyəri məbləğində pulu geri götürmək ya da satışa uyğun mal gələn kimi onu dəyişdirmək hüququna malikdir. Satıcı malın satışa daxil olduğu gün malın dəyişdirilməsini tələb edən istehlakçıya məlumat verməlidir.

Edited November 5, 2013 by инженерц

Sunyata · November 6, 2013

Alıcıların malı qaytarmaq və dəyişdirməsi ilə bağlı hüququ:

İstehlakçilarin Hüquqlarinin Müdafiəsi Haqqinda

Azərbaycan Respublikasinin Qanunu

Maddə 15. İstehlakçının tələblərini ödəməyən malın lazımi keyfiyyətli mala dəyişdirmək hüququ

1. Lazımi keyfiyyətli qeyri-ərzaq malı öz formasına, ölçüsünə, fasonuna, rənginə görə istehlakçıya yaramırsa və ya digər səbəblərə görə təyinatı üzrə istifadə oluna bilməzsə, istehlakçının onu alındığı yerdə uyğun mala dəyişdirmək hüququ vardır.

İstehlakçı malın alınma günü sayılmamaq şərti ilə, 14 gün ərzində həmin malı lazımi keyfiyyətli mala dəyişdirmək hüququna malikdir. Pərakəndə satılan malın dəyişdirilməsi üçün satıcı tərəfindən daha uzun müddət elan edilə bilər.

İstehlakçı tərəfindən əldə edilmiş lazımi keyfiyyətli mal istifadə olunmayıbsa və onun əmtəə görünüşü, istehlak xassələri, plombu, yarlığı, həmçinin, mal və yaxud kassa qəbzi və ya ona mal ilə birlikdə verilmiş digər sənədləri saxlanılıbsa, bu hallarda o dəyişdirilə bilər.

Bu maddədə göstərilmiş əsaslar üzrə dəyişdirilməli olmayan malların siyahısı Azərbaycan Respublikasının Nazirlər Kabineti tərəfindən təsdiq edilir.

2. Malı dəyişdirmə anında, satışda uyğun mal yoxdursa, istehlakçı dəyəri yenidən hesablamaqla istənilən başqa bir malı almaq və ya qaytarılan malın dəyəri məbləğində pulu geri götürmək ya da satışa uyğun mal gələn kimi onu dəyişdirmək hüququna malikdir. Satıcı malın satışa daxil olduğu gün malın dəyişdirilməsini tələb edən istehlakçıya məlumat verməlidir.

Bu qaydalar real olaraq işləyir ? Yaxud , bunları yalnız Azad Istehlakçılar Birliyinə şikayət etməklə nizamlamaq olar ? Bütün hallarda çox gözəl qaydadır , istehlakçı özünü müdafiə olunmuş hiss etməlidir .

Xaricdə bu 14 gün məsələsi avtomatik olaraq yerinə yetirilir . Hətta bəzi yerlərdə satiş yerlərində belə bir izah da yazıb görünən yerə qoyurlar ki, alıcı bu qaydadan xəbərdar olsun . Dəqiq deyə bilmərəm , 14 günə qaytarılmış malın pulunu ya tam qaytarırlar , ya da dəyişilmə imkanı verirlər , ya da həmin məbləğə başqa istənilən mal almaq imkanı verilir. Azərbaycanda bu barədə vəziyyətin necə olduğunu , düzü , bilmirəm

инженерц · November 6, 2013

Bu qaydalar real olaraq işləyir ? Yaxud , bunları yalnız Azad Istehlakçılar Birliyinə şikayət etməklə nizamlamaq olar ? Bütün hallarda çox gözəl qaydadır , istehlakçı özünü müdafiə olunmuş hiss etməlidir .

Xaricdə bu 14 gün məsələsi avtomatik olaraq yerinə yetirilir . Hətta bəzi yerlərdə satiş yerlərində belə bir izah da yazıb görünən yerə qoyurlar ki, alıcı bu qaydadan xəbərdar olsun . Dəqiq deyə bilmərəm , 14 günə qaytarılmış malın pulunu ya tam qaytarırlar , ya da dəyişilmə imkanı verirlər , ya da həmin məbləğə başqa istənilən mal almaq imkanı verilir. Azərbaycanda bu barədə vəziyyətin necə olduğunu , düzü , bilmirəm

təəssüflər olsun ki, çox nadir hallarda və bəzi dükanlarda bu qanun işləyir.

Sunyata · November 6, 2013

təəssüflər olsun ki, çox nadir hallarda və bəzi dükanlarda bu qanun işləyir.

Bəs dediyiniz təşkilat bu işdə kömək göstərə bilir ? Yoxsa onlar antireklamla kifayətlənirlər ? Məncə , məntiqlə , onların xüsusi ekspertləri və vəkilləri olmalıdır . Bu problemlərdə təkcə antireklam deyil , həm də hüquqi yardım edilməlidir .

Düşünürəm ki, bunun üçün hətta kiçik bir üzvlük haqqı ödəməklə bu təşkilata üzv də olmaq olar ki, sabah vətəndaş istehlakçı kimi müdafiəsindən arxayın olsun .

инженерц · November 6, 2013

Bəs dediyiniz təşkilat bu işdə kömək göstərə bilir ? Yoxsa onlar antireklamla kifayətlənirlər ? Məncə , məntiqlə , onların xüsusi ekspertləri və vəkilləri olmalıdır . Bu problemlərdə təkcə antireklam deyil , həm də hüquqi yardım edilməlidir .

Düşünürəm ki, bunun üçün hətta kiçik bir üzvlük haqqı ödəməklə bu təşkilata üzv də olmaq olar ki, sabah vətəndaş istehlakçı kimi müdafiəsindən arxayın olsun .

Onlar köməklik göstərirlər.

инженерц · November 6, 2013

Aldığınız malın qüsurlu olduğunu aşkar etdikdə Sizin hüquqlarınız:

İstehlakçilarin Hüquqlarinin Müdafiəsi Haqqinda

Azərbaycan Respublikasinin Qanunu

Maddə 7. Qüsuru olan mal satılarkən istehlakçının hüquqları

1. İstehlakçı müqavilə və ya digər qaydalarla müəyyən olunmuş zəmanət müddəti ərzində aldığı malda qüsur və ya saxtalaşdırma aşkar edərsə, öz istəyinə görə satıcıdan və ya istehsalçıdan aşağıdakıları tələb etmək hüququna malikdir:

lazımi keyfiyyətli mala dəyişdirməyi;

satış qiymətini uyğun məbləğdə azaltmağı;

malın qüsurlarının icraçının (satıcının, istehsalçının) hesabına aradan qaldırılmasını və ya qüsurların aradan qaldırılması üçün istehlakçının və ya üçüncü şəxslərin çəkdiyi xərclərin əvəzinin ödənilməsini;

malın, həmin mala uyğun digər modelli (markalı, tipli və i.a.) mal ilə, dəyəri yenidən hesablanma şərti ilə əvəz edilməsini;

müqavilənin ləğv edilməsini və çəkdiyi zərərin ödənilməsini.

2. Satıcı (icraçı) istehlakçıdan lazımi keyfiyyəti olmayan malı geri götürməyə və bu maddənin birinci bəndində göstərilən istehlakçının tələblərindən birini yerinə yetirməyə borcludur.

İri qabaritli və ağırçəkili malların istehlakçıdan satıcıya (icraçıya) qaytarılması və dəyişdirilərək yenidən istehlakçıya çatdırılması satıcının (icraçının) hesabına həyata keçirilir.

3. İstehlakçının malı dəyişmək tələbi, mal olduqda dərhal yerinə yetirilməli, zərurət olduqda onun keyfiyyəti, müvafiq tələb verilən andan 14 gün müddətində yoxlanılmalı və ya tərəflər arasında razılaşdırılmış müddət ərzində dəyişdirilməlidir.

İstehlakçının malı dəyişdirmək tələbi, mal olmadıqda müvafiq ərizənin verildiyi andan iki ay müddətində ödənilməlidir.

Göstərilən müddət ərzində malı dəyişdirmək mümkün olmadıqda, istehlakçı satıcı (istehsalçı) qarşısında bu maddənin birinci bəndinin ikinci, üçüncü, dördüncü və beşinci abzaslarında nəzərdə tutulmuş digər tələblərin yerinə yetirilməsini tələb edə bilər.

4. Qüsurlu mal lazımi keyfiyyətli, eyni modelli (markalı, tipli və i.a.) mala dəyişdirilərkən qiymət dəyişərsə, istehlakçı qiymət fərqini ödəmir.

Qüsurlu mal lazımi keyfiyyətli, eyni əlamətləri olan, lakin başqa modelli (markalı, tipli və i.a.) mala dəyişdirilərkən qiymətlər dəyişdikdə, malın dəyəri göstərilən malın alındığı vaxt qüvvədə olmuş qiymətlər əsas götürülməklə yenidən hesablanır.

Müqavilə ləğv edildikdə, istehlakçı ilə hesablamalar mala qiymətlər artan hallarda eyni dərəcəli malların qiymətlərinin artması nəzərə alınmaqla, qiymətlər aşağı düşdükdə isə malın alındığı vaxt dəyəri əsas götürülməklə aparılır.

5. İstehlakçıya keyfiyyətsiz ərzaq malı satılan halda, keyfiyyətsizlik malın yararlılıq müddəti ərzində aşkar olunubsa, satıcı həmin malı keyfiyyətli mala dəyişdirməli və ya malın dəyərinin məbləğini qaytarmalıdır.

Belə hallarda istehlakçı ilə hesablaşma bu maddənin 4-cü bəndində göstərilən qaydada aparılır.

6. İstehlakçı malın qüsurunun əvəzsiz olaraq aradan qaldırılmasını tələb edərsə, qüsur 14 gün ərzində və ya tərəflərin razılığı ilə başqa müddətdə aradan qaldırılmalıdır.

İstehlakçının tələbi ilə satıcı (icraçı) məişət texnikasının və nəqliyyat vasitələrinin təmir edildiyi və ya dəyişdirildiyi müddət üçün ona əvəzsiz olaraq (evinə çatdırmaqla) oxşar mal verməlidir.

Təmir (dəyişdirmə), habelə malın qüsurlarının aradan qaldırıldığı və ya dəyişdirildiyi müddət üçün oxşar malı vermək tələbinin yerinə yetirilməsi (14 gün) ləngidildikdə satıcı (icraçı) istehlakçıya mal verməklə bir vaxtda, müəyyən edilmiş müddətin ötürüldüyü hər gün üçün ona malın satış qiymətinin bir faizi məbləğində dəbbə pulu ödəyir.

7. İstehlakçının tələbinə, qəbz, mal və ya kassa çeki, zəmanət müddəti olan mallar üzrə isə texniki pasport və ya onu əvəz edən digər sənəd təqdim edildikdə baxılır.

Satıcı istehlakçıya mal satarkən ona qəbz, mal, kassa çeki və ya digər yazılı sənəd verməlidir.

İstehlakçı ona verilən texniki pasportu və ya onu əvəz edən digər sənədi itirərsə, onların bərpası qanunvericilikdə nəzərdə tutulmuş qaydada həll edilir.

8. İstehsalçı istehlakçının mala olan iddiasını aradan qaldırmaq üçün satıcının sərf etdiyi xərcləri ödəməlidir.

9. Azərbaycan Respublikasından kənarda istehsal olunmuş və ya vasitəçilərdən alınmış mallar barəsində bu maddənin birinci bəndində müəyyən edilmiş tələblər satıcının hesabına ödənilir.

10. Əgər satıcı, istehsalçı (onların funksiyalarını yerinə yetirən müəssisələr) malın qüsurlarının istehlakçı tərəfindən istifadə və ya saxlanma qaydalarının pozulması, üçüncü şəxslərin hərəkətləri və ya təbii fəlakət nəticəsində əmələ gəldiyini sübuta yetirərsə, istehlakçının bu maddədə nəzərdə tutulan tələbləri təmin olunmamalıdır.

İstehlakçı malın keyfiyyətinin yoxlanmasında şəxsən, yaxud öz nümayəndəsi vasitəsilə iştirak etmək hüququna malikdir.