Asanpay

[gapgara]

Asan ödəniş portalı - qeydiyyatdan keçin işiniz asanlaşsın.

https://www.asanpay.az/asanpay/instructions

İnzibati xətalarda edilən dəyişikliklərə görə avtomobil sürücülərinin qayda pozuntularına görə tərtib olunmuş elektron cərimə protokollarının ödənişi asan xidməti vasitəsilə həyata keçiriləcək. Ona görə də hər bir sürücü bu saytda qeydiyyatdan keçib öz şəxsi kabinetlərini yaratmalıdırlar. 

 

 

[HPTRUEVISION]

Sürücü elektron kabinet yaratmasa bəs nə cəza gözləyir onu?Buna görə məsuliyyət nəzərdə tutulubmu? Bu barədə dəqiq məlumatı olan var?

[gapgara]

7 minutes ago, HPTRUEVISION said:

Sürücü elektron kabinet yaratmasa bəs nə cəza gözləyir onu?Buna görə məsuliyyət nəzərdə tutulubmu? Bu barədə dəqiq məlumatı olan var?

O halda elektron protokolu vaxtında görə bilməyəcək sonra da gecikmiş cəriməyə görə faiz ödəməli olacaq. 

[HPTRUEVISION]

Just now, gapgara said:

O halda elektron protokolu vaxtında görə bilməyəcək sonra da gecikmiş cəriməyə görə faiz ödəməli olacaq. 

Protokolu sürücü qəbul etməyibsə o necə cərimələnə bilər axı?Mən bilən bu mümkün deyil.

[gapgara]

Just now, HPTRUEVISION said:

Protokolu sürücü qəbul etməyibsə o necə cərimələnə bilər axı?Mən bilən bu mümkün deyil.

Söhbət elektron protokollardan gedir, hansı ki, bu gündən qüvvəyə minib. Asanpayda şəxsi kabinetə girəndə tərtib olan protokolu detalları ilə görmək olacaq.(olur). sürət həddini aşma, kəmər taxmamaq, dəbilqə qoymamaq və sairə, elektron protokola düşəcək. 

[HPTRUEVISION]

Just now, gapgara said:

Söhbət elektron protokollardan gedir, hansı ki, bu gündən qüvvəyə minib. Asanpayda şəxsi kabinetə girəndə tərtib olan protokolu detalları ilə görmək olacaq.(olur). sürət həddini aşma, kəmər taxmamaq, dəbilqə qoymamaq və sairə, elektron protokola düşəcək. 

Mənim bilmək istədiyim odur ki, elektron kabinet yaratmamaq sürücünü məsuliyyətdən azad edirmi? Yeni İXM -yə baxdım bununla bağlı bir bənd görmədim. İnzibati xəta haqqında elektron protokol sürücünün elektron kabineti olmadığı halda əvvəllər olduğu kimi onun ünvanına göndəriləcəkmi?  

[HPTRUEVISION]

125.2.3. inzibati xəta haqqında elektron protokol və ya inzibati xəta haqqında iş üzrə qərar ona əlavə edilmiş materiallarla birlikdə kağız daşıyıcıda çap olunaraq səlahiyyətli orqan (vəzifəli şəxs) tərəfindən inzibati xətanın törədildiyi vaxtdan 2 gün müddətində bu Məcəllənin 57-ci maddəsində nəzərdə tutulmuş rəsmi qaydada verilir.  

 

Maddə 57. İnzibati xətalar haqqında işlər üzrə sənədlərin rəsmi      qaydada verilməsi  
57.1. İnzibati xətalar haqqında işlər üzrə icraatın iştirakçılarına bu Məcəllədə müəyyən edilmiş hallarda inzibati xətalar haqqında işlər üzrə sənədlər (qərarlar, qərardadlar, protokollar, bildirişlər) hakim və ya səlahiyyətli orqan (vəzifəli şəxs) tərəfindən “Poçt haqqında” Azərbaycan Respublikasının Qanununda nəzərdə tutulmuş sifarişli poçt göndərişi ilə çatdırılır, yaxud səlahiyyətli vəzifəli şəxs tərəfindən şəxsən verilir. Sifarişli poçt göndərişi - göndərilmək üçün qəbul olunduğuna dair istifadəçiyə qəbz verilməsi, çatdırılarkən isə ünvan sahibinin müvafiq sənədi imzalaması tələb olunan poçt göndərişidir. Sənədin çatdırılmasını hakim məhkəmə işçisinə, səlahiyyətli orqan isə müvafiq orqanın əməkdaşına tapşıra bilər. 57.2. Sənəd onu göndərən hakimə və ya səlahiyyətli orqana (vəzifəli şəxsə) qaytarılmalı olan qəbzə və ya sənədin kötüyünə imza etdirilməklə, ünvan sahibinə rabitə orqanları, səlahiyyətli orqan (vəzifəli şəxs), yaxud sənədin çatdırılması tapşırılmış şəxslər tərəfindən şəxsən verilir. Hüquqi şəxsə ünvanlanmış sənəd müvafiq vəzifəli şəxsə qəbzə və ya sənədin kötüyünə imza etdirilməklə verilir. 
42  
57.3. Sənədi çatdırmalı olan şəxs ünvan sahibini onun yaşadığı, yaxud işlədiyi yer üzrə tapmadıqda, həmin sənəd ünvan sahibi ilə birlikdə yaşayan yetkinlik yaşına çatmış ailə üzvlərindən birinə (onların razılığı ilə), onlar olmadıqda ünvan sahibinin yaşayış yeri üzrə yerli özünüidarə orqanına, müvafiq icra hakimiyyəti orqanına, yaxud onun iş yerinin müdiriyyətinə verilir. Ünvan sahibinin əvəzinə sənədi qəbul etmiş şəxs qəbzdə və ya sənədin kötüyündə öz soyadını, adını, atasının adını, ünvan sahibinə münasibətini və ya tutduğu vəzifəni göstərməli və imkan olan kimi sənədi ünvan sahibinə verməlidir. 57.4. Sənədi çatdırmalı olan rabitə orqanı, yaxud sənədin çatdırılması tapşırılmış şəxs bu işi sənədi aldığı tarixdən sonrakı gündən gec olmayaraq yerinə yetirməli və sənədi çatdırdığı barədə bir gün müddətində müvafiq hakimə və ya səlahiyyətli orqana (vəzifəli şəxsə) xəbər verməlidir. 57.5. İnzibati xəta haqqında iş üzrə sənəd aşağıdakı hallarda rəsmi qaydada verilmiş hesab edilir: 57.5.1. bu Məcəllənin 57.2-ci maddəsində nəzərdə tutulmuş hallarda ünvan sahibinə şəxsən verildiyi vaxtdan; 57.5.2. bu Məcəllənin 57.3-cü maddəsində nəzərdə tutulmuş hallarda: 57.5.2.1. ünvan sahibi ilə birlikdə yaşayan yetkinlik yaşına çatmış ailə üzvlərindən birinə şəxsən verildiyi vaxtdan; 57.5.2.2. sənədin çatdırılması tapşırılmış digər şəxslər sənədin çatdırılması barədə müvafiq hakimə və ya səlahiyyətli orqana (vəzifəli şəxsə) xəbər verdiyi vaxtdan; 57.5.3. bu Məcəllənin 97.4-cü maddəsində nəzərdə tutulmuş halda nəqliyyat vasitəsinin istifadəçisinə verildiyi vaxtdan.