Azərbaycanda işıq pulu artırıldı

[Kenul2012]

2016-cı il 14 iyul tarixində Azərbaycan Respublikası Tarif (qiymət) Şurasının növbəti iclası keçirilmişdir. İclasda “Azərişıq” Açıq Səhmdar Cəmiyyətinin və “Azərenerji” Açıq Səhmdar Cəmiyyətinin müraciətləri nəzərə alınaraq elektrik enerjisinin ölkədaxili tariflərinin tənzimlənməsi barədə qərar qəbul edilmişdir.

Məlum olduğu kimi, sonuncu dəfə elektrik enerjisinin tarifi 2007-ci ilin yanvar ayında dəyişdirilmişdir. Ötən 10 ilə yaxın müddət ərzində istehsal güclərinin artırılması, paylayıcı şəbəkələrin genişləndirilməsi, itkilərin azaldılması, enerji təchizatının davamlılığının təmin edilməsi üçün böyük həcmdə investisiya qoyulmuş və xidmətin keyfiyyəti əhəmiyyətli dərəcədə yüksəlmişdir. İstehsalçının və paylayıcı şəbəkənin balansına xeyli tikili, qurğu, ötürücü qurğu, maşın və avadanlıqlar qəbul edilmişdir ki, bu da saxlanma və təmir xərclərinin artımını şərtləndirmişdir.

 

Son 10 ildə enerji sisteminin istehsal gücü 5590 meqavatdan 7160 meqavata çatdırılmış, abonentlərin sayı təxminən 1 milyona yaxın artaraq 2,5 milyonu ötmüşdür. Qeyd edək ki, əhali qrupu üzrə abonentlərin sayğacla təmin edilməsi ödənişsiz olaraq paylayıcı şəbəkə tərəfindən həyata keçirilir.

 

Bu illər ərzində transformatorların, elektrik avadanlıqları və komplektləşdirici vasitələrin, digər xammal və materialların qiymətlərində ciddi artım müşahidə edilmişdir. Bununla yanaşı, elektrik stansiyalarının və paylayıcı şəbəkələrin normal istismar vəziyyətində saxlanılması və artan elektrik enerjisi tələbatının ödənilməsi üçün irihəcmli investisiya qoyuluşları tələb olunur.

 

Enerji təchizatında dayanıqlılığın və keyfiyyətli xidmətin davamlılığının təmin edilməsi, istehsalçının və paylayıcı şəbəkənin maliyyə asılılığının azaldılması və perspektiv inkişafı məqsədilə bir kilovat-saat elektrik enerjisinin topdansatış tarifi 4,3 qəpik, pərakəndə satış tarifi isə 7 qəpik müəyyən edilmişdir.

 

Tarif tənzimləməsindən sonra əldə ediləcək gəlir müvafiq subyektlərin dövlət büdcəsindən asılılığının azaldılmasına, bu sistemdə çalışan 18 mindən artıq işçinin əmək haqlarının artırılmasına imkan verəcək.

 

Yeni tariflər 2016-cı il 15 iyul tarixindən qüvvəyə minəcəkdir. Bu tarixədək istehlak olunan elektrik enerjisinə görə yaranan borclar əvvəlki tariflə ödəniləcəkdir.

http://www.bizimyol.info/news/81245.html

 

Edited July 14, 2016 by Kenul2012

[Emin-229]

1 qepik ilk baxiwdan "hec ne" sayilsada bu texminem 16-17 % artim demekdir.

[gapgara]

1 qəpiyin söhbətini edirsən? Görürsən heç xalqın vecinə deyil, səsləri çıxmır )

[fikus elastica]

elə hər şey bir qəpikdən başlayır

çətin olacaq, bu həm də növbəti bahalaşma dalğası deməkdi(((

[Kenul2012]

Только что, fikus elastica сказал:

elə hər şey bir qəpikdən başlayır

çətin olacaq, bu həm də növbəti bahalaşma dalğası deməkdi(((

 

dalğadan keçib.Bu həftə ərzində dərmandan tutmuş,marketdə gündəlik qida məhsullarına kimi dəyərindən asılı olaraq 20-30 qəpik artıb.

[fikus elastica]

1 minute ago, Kenul2012 said:

 

dalğadan keçib.Bu həftə ərzində dərmandan tutmuş,marketdə gündəlik qida məhsullarına kimi dəyərindən asılı olaraq 20-30 qəpik artıb.

davamı da var(( millət isə həmişəki kimi həzm edəcək

[Emin-229]

Ilin evvellindeki 10 % artimi bes nece cixarmalidirlar.Evvel suyun qiymetini,indi iwiqın qiymətini,ilin axirida yeqin yanacaqin qiymetini qaldirarlar!!!!!!!!!!!

[gapgara]

Həm də Nardaranda xalqa bağışlanan borcları bəs hardan çıxartsınlar..

 

Ev pulları qalxar tezliklə inşallah (

Edited July 15, 2016 by gapgara

[azda]

В 14.07.2016 в 23:35, gapgara сказал:

1 qəpiyin söhbətini edirsən? Görürsən heç xalqın vecinə deyil, səsləri çıxmır )

 

Perviz Heyderov kimi danishdiz ya onun sozleridi?) Haram yemekden krisaya oxsayir bedbext . Belke de coxusu pulsuzluqdan evine marqarin yagi alir bu qornostay da deyir 2 manatin sohbetini edib ne vay shuvenliyinize salmisiz  

 

 "Ayda təxminən, 15 manat işıq pulu verən ailə indi 2 manat 50 qəpik bundan artıq verməli olacaq. Bu gün istirahət üçün gəldiyim dağ kəndinin mərkəzində bir 79 yaşla qoca ilə dərdləşirdim - 150 azn pensiyası aldığına görə hökumətdən bərk giley-güzar edərək, siqareti siqaretə calayırdı. Sözararası soruşdum ki, günə nə qədər çəkirsən ?! Cavabı bu oldu ki, biri 2 manat 80 qəpikdən olmaqla günə bəzən, 3 "paçka !" 

[Deymon Salvatore]

Birazdan metropolitendə "maneələri dəf etmə" yarışına başlayacam.) Deyirlər ki, yar aman aman aman, metroda gediş haqqı 0,40 azn-dir/azn olacaq. Deyirlər ki, yar aman aman aman, şəkərin də qiyməti yaha-ar- yaha-ar yaha-ar, daloy-daloyyy.. 

 

P.S. Hamıya salamlar. Çoxdandır buralardan keçmirəm, deyən "qocalardan" tək-tük adam qalıb.(

[513]

öz evimdən misal çəkim: KTV 24 manatdan 32 manata qalxdı. İşıq pulu həmişə 80 manat etrafında olurdusa artıq bu qiymət 12 manat artıq olacaq.yəni 90 manatdan yuxarı. yəni demək olar ki bir 100lük..ərzağın qiyməti qalxıb.benzin qalxıb su qalxıb metro pulunu qaldıdılar.orta hesabla aylıq xərci 400 manat olan bir ailə artıq 700-800 manatla canını qurtabilməcəyək.bu orta qazanc əldə edən böyük kütlənin müflisləşməsi deməkdir.intahar hadisələrinin artması sizi təəcübləndirməsin. eyni zamanda kasıbçılıq özü ilə bərabər oğurluğu da gətirir.bu kim bir çox mənfi hal dövlətimizin uğurlu siyasətinin nəticəsidir.necə deyərlər əmir teymura qızıldan çadr düzəltdirməsəydik xəzinəmiz boş qalmazdı... 

[Igolka]

Çetin günler qarşıdadır..hele harasıdır...

 

[513]

Kadercilik milletin evini yixacaq...

[gapgara]

В 7/15/2016 в 12:19, azda сказал:

 

Perviz Heyderov kimi danishdiz ya onun sozleridi?) Haram yemekden krisaya oxsayir bedbext . Belke de coxusu pulsuzluqdan evine marqarin yagi alir bu qornostay da deyir 2 manatin sohbetini edib ne vay shuvenliyinize salmisiz  

 

 "Ayda təxminən, 15 manat işıq pulu verən ailə indi 2 manat 50 qəpik bundan artıq verməli olacaq. Bu gün istirahət üçün gəldiyim dağ kəndinin mərkəzində bir 79 yaşla qoca ilə dərdləşirdim - 150 azn pensiyası aldığına görə hökumətdən bərk giley-güzar edərək, siqareti siqaretə calayırdı. Sözararası soruşdum ki, günə nə qədər çəkirsən ?! Cavabı bu oldu ki, biri 2 manat 80 qəpikdən olmaqla günə bəzən, 3 "paçka !" 

Düzü bilmirəm kimdir bu Pərviz Heydərov, amma mən eyhamla yazmışdım. 1 qəpik yox, lap yarım qəpik də qalxsa onsuz da güzaranı pis olan xalqın canından çıxır bu hesab. Saysız-hesabsız insanlar var ki, adları  nisyə dəftərlərərindən silinmir..