Sərdar Cəlaloğlu : “Məhərrəmlik Xristianlıqdan Götürülmüş Bir Adətdir”

[Xalq artisti]

İslam dininə və Qurana yeni baxışla yanaşan siyasətçi Sərdar Cəlaloğlunun fikirlərinə islam dinini bilən yoldaşların münasibətini bilmək istərdim

 

"- “Quran”da möminlərə cənnətdə nar döşlü qadınlar vəd olunur. Nar şəkilindəki döş ilk baxışda kişilərdə şəhvət yaradır. Onda istər-istəməz sual olunur ki, bunun mənası nədir? “Qurani-Kərimdə”ki bu ifadə ilə bizim başa düşdüyümüz məna eyni deyil.

 

- Bəs nədir?

 

- Nar döşlü ifadəsi “Quran”da ayrılmayan addır. Ayrılan adlar onlardır ki, bu adlar müstəqil şəkildə mövcud olur və nəyəsə işarə edir. Məsələn, nar ağacda bitən bir meyvədir. Qadının da döşü nara bənzəyir. Bu konetksətdən yanaşanda həmin ayə səhv anlaşılacaq, düz başa düşülməyəcək. Əslində, bu, bizim anladığımız nar və qadın döşü deyil. Bu, narla döşün fərqli əlamələri bir-birindən kənarlaşdırıldıqdan sonra hər ikisi üçün eyni olan əlamətlərin Allahın bir adına olan işarəsidir..."

 

"...İnsan döşün içini görə bilmir. Amma narın timsalında südün necə əmələ gəlməsini izah etmək olar. Narı açıb giləsini götürsək, görərik ki, həmin gilənin içərisində bərk bir maddə var. Onun qırağında isə su, suyun arxasında isə görünməyən pərdə var. Bu pərdəni deşən kimi oradan su axmağa başlayır. O nar dənəsindən tərləyən su necə şirə kimi axırsa, döşün içərisindəki bərk adacıqlar da elə tərləyir və pərdəni deşib süd çıxır. Beləliklə, Allah başa salır ki, narla döşün bir-birindən fərqli əlamətlərini atdıqdan sonra hər ikisi üçün eyni əlamətlərə malik bir varlıq yaradacaq. Amma bu qadın olmayacaq."

 

 

"- Yəni, Azərbaycanda və İslam dünyasında namazı düzgün izah edən bir alim olmadığı qənaətindəsiniz?

 

- Bəli. Azərbaycanda elə bir alim yoxdur. Baxın, şiələrin müəllimi imam Cəfərdir. Sünnilərin isə əsas alimi imam Qəzzali ilə imam Rəbbanidir. Bu alimlər orta əsr alimləridir. Allah buyurub ki, hər şeyi dərəcələyəndir. Yəni, hər dövrün bir insanı var. İndi bunlara sual vermək lazımdır: Siz bu camaatı orta əsr aliminin sözləri ilə niyə aldadırsınız?"

 

"- Azərbaycanda bir çox ilahiyyatçıları, məsələn Hacı Şahin Həsənlinin, Hacı Taleh Bağırzadənin, Hacı Qamət Süleymanovun və digərlərinin çoxlu sayda tərəfdarları var. Sizcə onlar İslam dinini düzgün təbliğ edirlərmi?

 

- Müsəlmanların indi bu günə düşməsinin səbəbi odur ki, İslam dinində alim yoxdur. Hacı Şahin Həsənli, Hacı Taleh Bağırzadə və Hacı Qamət “Quran”ı tam və mükəmməl şəkildə bilmədiyinə görə, o alimlərin hamısı İslamı düz təbliğ etmirlər."

 

http://modern.az/articles/88433/1/

 

 

 

 

 

 

 

 

[conclusive777]

Sənin elmdə, siyasətdə yerin varmi ki, savadsız mədhiyyəçi, hələ bir çıxıb gedəsən də?))) Savaddan bixəbər "siyasətçi", sən öz qəhrəmanımızı gizlət, dan, ərəbin kişilərini mədh et, "o dünyada" əvəzi veriləcək)). Sən kimsən ki, Davkinslə qarşı-qarşıya dayanasan?! Davkins səni kimilərini yox, həqiqi alimlərin fikrini darmadağın edib, nə nağıl danışırsan burda?)) Əlində işlətdiyin kompüter ateistlərin ixtirasıdır, utanmaq mədəniyyətin olsaydı azca utanardın...)))

[conclusive777]

Bu siyayətçi bəy iddia edir ki, donuz insannan yaranıb)))))))) İnsanların və donuzların reaksiyasını bilmək maraqlı olardı))))))))))))))

[Xalq artisti]

müsahibəni tam oxusanız cürbəcür əcaib fikirlərlə rastlaşarsınız. Görünür din S.Cəlaloğluna fərqli təsir bağışlayıb. Pis çıxmasın deyəsən bir az o məsələ olub. çünki mən onu çoxdan tanıyıram o bu qədər boşboğaz deyildi. 

[conclusive777]

müsahibəni tam oxusanız cürbəcür əcaib fikirlərlə rastlaşarsınız. Görünür din S.Cəlaloğluna fərqli təsir bağışlayıb. Pis çıxmasın deyəsən bir az o məsələ olub. çünki mən onu çoxdan tanıyıram o bu qədər boşboğaz deyildi. 

Müsahibəni tam oxumuşam. Hələ bura baxmamışdan oxumuşdum və yuxarıda yazdığım postu oxuduğum xəbər saytlarının birinə comment kimi yazmışdım))