Krishnaizmin Ich Uzu

Rashad_Rasul · August 10, 2005

[font="Arial"]Burada Azərbaycan mənbələrindən krişnaçılıqla bağlı yazılan məqalələri paste edəcəm. atropat-ın krişnaçılığı təbliğ etmək haqqı olduğu kimi, bizim də krişnaçıların Azərbaycandakı fəaliyyəti barədə insanları məlumatlandırmağa haqqımız var.[/font]

Rashad_Rasul · August 10, 2005

[font="Arial"]İlk məqalə bir qədər çoxdan yazıldığından oradakı bəzi faktlar dəyişikliyə məruz qalıb, amma ümumilikdə krişnaistlər haqqında çox dəyərli informasiyalar var. Beləliklə,

Azərbaycan qəzeti (dövlət qəzetidir), 5 iyun 1998-ci il

[b]PSİXOLOJİ EPİDEMİYA [/b]

Fazıl MƏMMƏDOV

Keçmiş SSRİ-də vicdan azadlığı konstitusion azadlıqlardan biri kimi təsbit edilmiş olsa da: həyata keçirilməsi əslində qeyri-mümkün olmuşdu. Formal olaraq məhdud sayda ibadət yerlərinin və müxtəlif dini təşkilatların mövcudluğu da vəziyyəti dəyişdirmirdi. əksinə, kifayət qədər güclü təbliğat maşını ateist ruhlu çoxtirajlı ədəbiyyat və digər əyani vasitələrlə həmin dini təşkilatların fəaliyyətlərinin səmərəliyini heçə endirirdi. Lakin sonraki hadisələr göstərdi ki, qadağalar əks-təbliğat və cəza sisteminin mövcudluğu inamı, e"tiqadı olan heç bir insanı öz mə"nəvi ehtiyacını ödəməkdən çəkindirməyə müvəffəq olmadı.

Mə"nəvi ehtiyac insanın mahiyyətindən irəli gəldiyi üçün onun ödənilməsi və digər insani tələbatların ödənilməsi qədər zəruri və təbiidir. Yarandığı vaxtdan özünün kimsəsizliyi (sahibsizliyi), yalqızlığını qəbul etməyən bəşəriyyət daim böyük qüdrət sahibinin yardımını hiss etmiş, ən çətin anlarda da ona sığınmış və bundan bəxtəvərlik duymuşdur.

Tarixdən o da mə"lumdur ki, müxtəlif dövrlərdə dindən, dini biliklərdən düzgün istifadə olunmamış, hətta bir çox hallarda ondan siyasi məqsədlər üçün istifadə edilmiş, hakimiyyətlər qurulmuş, hakimiyyətlər yıxılmışdır. Nə qədər acı olsa da, e"tiraf edilməlidir ki, insanların nəcib hissələri ilə kobud rəftar edilməsi faciəvi hadisələrlə sona çatmışdır.

Dindən siyasi məqsədlərlə istifadə olunması yolverilməz olsa da, dinin cəmiyyətdə oynadığı rolu danmaq mümkün deyildir. Dünyəvi qanunlara hörmət hissini təbliğ edən dinlər cəmiyyətdə, dövlətdə ictimai-siyasi sabitliyin bərqərar olmasında çox mühüm faktordur. Lakin bəşər həyatının ağır səhifələrindən biri də mövcud dinlərdə paçalanma meyli, konfrontasiya doğuran təriqətçilikdir.

SSRİ-nin dağılması və həmin məkanda yeni siyasi rejimlərin formalaşması nəticəsində xarici ölkələrdə fəaliyyət göstərən (və çox zaman da sıxışdırılan) sektalar daha geniş fəaliyyət üçün məkanlar əldə etdirlər. Dini savadsızlıq, e"tiqadsızlıq və maddi ehtiyac on minlərlə insanı aldadaraq sektalara calb etməyə imkan.

Daha çox daxili problemlərə başı qarışmış yeni dövlətlərin təcrübəsiz rəhbərləri demokratiya eyforiyasına düşərək yanılmış və demokratiyanı hər şeyə yol verməsinin zəruriliyi kimi başa düşərək sektaların fəaliyyətinə əhəmiyyət verməmişlər. Lakin bir neçə ildən sonra artıq hamı sektaların fəaliyyətinin zərərli cəhətlərini dərk edərək ona qarşı mübarizəyə cəhd edir. Azərbaycanda da bu sahədə vəziyyət ürəkaçan deyildir.

Sektaların zərərli cəhəti nədən ibarətdir? Bəlkə bu elə heç o qədər də qorxulu deyildir? Bu suallara cavab vermək çətin deyildir.

Lakin hər bir sektanın işinin, ideoloji əsaslarının, tarixinin, iş metodlarının və s. ayrıca təhlilinin aparılması tələb olunur. Bu yazıda göstərilən məsələləri geniş aspektdə araşdırmaq mümkün olmadığı üçün problemə bir qədər yığcam şəkildə və ümumi yanaşmaq niyyətindəyik.

Sektaların yaranma tarixi xeyli qədimdir. Lakin onların içərisində nisbətən cavanları da vardır. Misal üçün, bəhailik 19-cu, “Semya” 20-ci, vəhabilik 18-ci əsrin məhsullarıdır. İdeoloji əsasını dinlə bağlasalar da, sektaların heç biri ayrıca din deyildir. Yaranma səbəbləri isə daha çox subyektiv amillərlə bağlı olub, şəxsi mülahizələrə söykənir. Təriqətçilik bəşər tarixinin acı səhifəsidir. Lakin bu, artıq tarixdir və müasir həyatımızın bir gerçəkliyidir. Bütün dinlərdə bir çoxu baxışlarında mövcud olan müəyyən fərqlərə baxmayaraq, insanlığa xidmət edir. Bununla belə qeyd olunmalıdır ki, bir sıra təriqətlər (sektalar) özünün mühafizəkar və təvazökar mövqeyi ilə seçilir. Bu yazıda biz yalnız zərərli sektalar haqqında danışacağıq.

Mühafizəkar və təvazökar sektaların xarakterik cəhəti mövhumatçılıq və fanatizmdir. Sektalarda dinlərdən fərqli olaraq dəmir intizam, ifrat ehkamçılıq, tərkidünyalıq, müt"ilik, dünyəvi işlərdən uzaqlaşmaq və s. kimi ağır bir mühit hökm sürür. Təriqətlərin ideoloji əsasları çox zaman bir-birindən kəskin fərqlənir. əgər “Şeytançılar” Allaha deyil, şeytana e"tiqad edərək şəri təbliğ edirlərsə, “Semya” sektası cinsi əlaqədə hər hansı yaş, cinsi və qohumluq məhdudiyyəti tanımır (bu sektanın rəhbəri yaşından, cinsindən, qohumluq əlaqəsindən asılı olmayaraq sektaya qoşulan hər bir şəxsi cənnətə göndərmək adı ilə aldadaraq, özü ilə yaşamağa təhrik edir. Allah Şeyx Nəsrullaha “rəhmət” eləsin! XX əsrin sonunda bu cür fırıldaqçıların və dələduzların Amerikadan qovulduqdan sonra gəlib Rusya kimi ölkənin 20-dən artıq şəhərində kök salması necə də dəhşətlidir?!). Yaxud, Yaponiyada fəaliyyət göstərən “Aum Sinrikö” sektasının üzvləri terror aktları törətməyə hər an meyllidirlər. Eləcə də eyni fikirləri “Şeytançılar”, “Həyat sözü” və digərləri haqqında da demək mümkündür. “Çernıy drakon”, “Çernıy anqel” və şeytana sitayiş edən digər sektalar nəinki şəri təbliğ edirlər . Sektaların əmumi cəhətləri həm də onların fəaliyyətində aşkarlığın, təşkilatdaxili demokratik prinsiplərin yoxluğu və fəaliyyətin məxviliyidir. İstər sekta üzvləri, istərsədə onların rəhbərləri məxvilik qaydasına çox ciddi əməl edirlər ki, bu da istər – istəməz bir çox suallar doğurur. Misal üçün, “Həyat sözü” təşkilatının Bakıda təşkil etdiyi qurumun rəhbərlərindən biri olan azərbaycanlı həmin təşkilatdan uzaqlaşmaq istədikdə, onu öldürmək məqsədi ilə zəhərləmişdilər. Lakin təsadüfən həmin şəxs ölməmiş, gizli şəkildə müalicə olunmuş və xeyli müddət gizli şəraitdə yaşadıqdan sonra cür"ətlənərək başına gələnləri danışmışdı.

Sektaların ümümi cəhətlərindən biri də insanları sektaya cəlbetmə üsuludur. Bir qayda olaraq onların hamısında aktiv təbliğat və təşviqatla yanaşı, qeyri – ən"ənəvi müalicə üsullarından, parapsixoloji metodlardan istifadə olunur.

[b]Təəsüf ki, bə"ziləri əsassız olaraq bir sıra sektaları yeni din qisminə aid edirlər. əslində isə belə təsəvvürlər tamamilə əsassız olub elmilikdən uzaqdır. Məsələn, bəhailik, yaxud krişnaizm heç bir dinə dəxli olmayan baxışlar sistemi olub subyektiv mülahizələrə əsaslanır. [/b]Ümumiyyətlə, təriqətçilik mənsub olduğu dinin bə"zi ehkamlarını qəbul etməyən, həmin ehkamlara qarşı e"tiraz edən cərəyandır. Tarixdən də bəllidir ki, sektaçılıq bütün dvrlərdə kəskin e"tirazla qarşılanmışdır. Avropa ölkələrində tuğyan etmiş inkvizisiya məhkəməsinin dəhşətli cəzalarına mə"ruz qalmış olan on minlərlə insanın faciəsini unutmaq mümkün deyildir!

Sektaya cəlbetmə əsulları içərisində ən dəhşətlisi insanlığa zidd, hüquqa zidd olan zokarılıqdır. Zorakılıq əsas e"tibarilə parapsixoloji metodlarlainsanın iradəsinə zidd olaraq həyata keçirilir. Artıq müasir elm də təsdiq edir ki, bu metodlarla insanın iradəsinə tə"sir emək və onu idarə etmək mümkündür. Bəli, söhbət insanların zombiləşdirilməsindən gedir.

[b]Sektalarda insanların tə"sir altına alınması bundan ötrü seçilmiş kodlardan istifadə edilməsi ilə həyata keçirilir. Kodlaşdırma həm maddi, həm də qeyri-maddi formada aparılır. Maddi formaya malik kod kimi müxtəlif predmetlər – su, ərzaq, geyim və s. istifadə olunur. Qeyri – maddi formada isə səslə ifadə edilən kodlaşdırılmış sözlər, musiqi və meditasiyadan istifadə olunur. Kodların tə"sir mexanizmi aydın olsun deyə, krişnaçıların istifadə etdiyi kodlardan – mantarlardan bə"zilərini qeyd etmək istərdim: “Hare Krişna, hare, hare”, yaxud yoqa sistemindən əxz edilmiş qidalanma rejimi və s. Hər iki kod həm də meditasiya üçün istifadə olunur və insan üçün müəyyən çətinliklərlə başa gəlir. Qeyd etmək lazımdır ki, krişnaizmin yoqaya da heç bir dəxli yoxdur. Bu cərəyan sadəcə olaraq, yoqa fəlsəfəsinin bə"zi müddəalarını mənimsəyərək özününküləşdirmiş və bundan özünütəsdiq vasitəsi kimi istifadə etmişdir. Krişnaizm cərəyanı özünün totalitar xüsusiyyətlərini tə"min etmək üçün bir sıra tələblər işləyib hazırlamışdır. Məsələn, ifrat tərki-dünyalıq. Bu tələb insana ailə qurmağı, dünyanın maddi ne"mətlərindən bəhrələnməyi qadağan edir. Cəmiyyətin tə"liminə görə, hər bir krişnaçı işlədiyinin müqabilində əldə etdiyi bütün qazanclardan cəmiyyətin xeyrinə imtina etməlidir. Bax, əsas məsələ deyəsən, elə budur! Bütün cəmiyyət üzvləri işləyib öz qazanclarını quruların (ustadların), brahmanların firavan həyatını tə"min etməyə yönəltməlidirlər.

Bu yazıda krişnaizmə bir qədər geniş yer verilməsi onunla bağlıdır ki, yaşadığımız cəmiyyətdə krişnaizmin əsil mahiyyəti haqqında dürüst təsəvvür yoxdur. Krişna fəlsəfəsi əsil narkotikdir; o, minlərlə insanın intelektinin və maddi sərvətinin (bütünlüklə insanın) istismarı üzərində köklənmişdir və əsas e"tibarı ilə bir qrup şəxsin maraqlarını tə"min edir. Azərbaycanda fəaliyyət göstərən Beynalxalq Krişna Şüurunu Dərketmə cəmiyyətində baş verən maliyyə fırıldaqları bir daha bunu təsdiq edir. Cəmiyyət üzvlərinin könüllü ianəsi və təsərrüfat fəaliyyəti nəticəsində əldə etdikləri milyonlar müntəzəm şəkildə xaricə – quruların, brahmanların sərəncamına göndərilir. Cəmiyyət üzvlərinin könüllü ianəsi isə heç də az deyildir. Hər bir üzv qazancının 50 % - ni könüllü olaraq (əslində, məcburi) cəmiyyətin fonduna təhvil verməlidir. Cəmiyyətdə baş vermiş fırıldaqlar haqqında e"tiraz edən, səsini tə"ucaldan üzvlərə qarşı amansız tə"qiblər həyata keçirilir. Bu təqiblər çox zaman həmin şəxslərin faciəsinə, hətta ölümünə səbəb olmuşdur. Tə"qiblər cəmiyyətdən uzaqlaşmış şəxslərə də tətbiq edilir. (“Həyat sözü”ndə olduğu kimi). Məsələn, aldandığını başa düşən V. Z. “Bahaqvad Qita”nı yandıraraq cəmiyyətdən çıxmışdır və hazırda itirilmiş ömrünün bərpası ilə məşğuldur. Ömrünün on ilini fədarkarcasına bu cəmiyətə həsr etmiş S. (özü ehtiyat etdiyi üçün adını çəkmirəm) bu gün əzab və sıxıntılar içərisində, cəmiyyət tərəfindən amansız zərbələr şəraitində yaşayır, övladlarına analıq qayğısı göstərməsi onu dərdə salmışdır. Digər yaşlı bir rus qadın isə artıq həyatla vidalaşmışdır.

Bir anlığa təsəvvür edək ki, Yer üzünün bütün fəaliyyət qabiliyyətli insanları Krişna Cəmiyyətinin üzvü olub, tərki – dünya həyat tərzi keçirir və yalnız zahidliklə məşğuldurlar. Bu, o deməkdir ki, nə istehsal var, nə elm, nə də mədəniyyət. Hər hansı inkişafdan danışmaq da əbəsdir. Zahidlik (tərki – dünyalıq) yoqada da vardır. Lakin yoqada tərki – dünyalıq sadəcə olaraq, ruhi inkişafın bir yoludur. Qur"ani-Kərimdə isə deyilir ki, maddi ne"mətlər insanlar üçün yaradılmışdır və onlardan faydalanmaq lazımdır. əlbəttə, Qur"ani-Kərim maddi ne"mətlərin əsiri olmağı günah sayır. Ona görə də insanlarla öz nəfsini cilovlamaq tövsiyə edilir.

Krişnaizm müxtəlif baxışlar sistemlinin – dini, fəlsəfi sistemlərin sün"i toplusu olub, özünü yeni bir din kimi təsdiq etmək üçün ictimai birlik adı altında fəaliyyət göstərir. Təcrübə göstərdiyi kimi, krişnaizm heç bir bəşəri əhəmiyyət kəsb etmir. Onun başlıca zərərli cəhəti insanların iradəsini özünə tabe etdirmək və millətin genetik dəyişikliyinə nail olmaqdır. Bu genetik dəyişiklik hər şeydən əvvəl, insanın döyüşkən ruhunu öldürməyə, əsgəri qabiliyyəti heçə endirməyə yönəlmişdir. Digər tərəfdən artıq qeyd etdiyim kimi, bu tə"lim insanların kölə vəziyyətə salınması və istismar edilməsi məqsədini güdür.

Krişnaizmdən aralanmaq xeyli çətindir. Cəmiyyət üzvlərinə tətbiq edilən xüsusi kodlar onların iradəsini əsir etmişdir. Misal üçün, Gənclər Nazirliyinə müraciət etmiş bir azərbaycanlı qadın bildirir ki, özü uşaqları ilə birlikdə həmin cəmiyyətə qoşulmuşdur. Lakin sonradan peşman olmuş və onlardan aralanmaq istəyir, amma bacarmır, kömək və məsləhət istəyir.

Yoqa fəlsəfəsi kamil bir fəlsəfə olub maariflənmək, paklanmaq və kamilləşmək arzusunda olan fərdlərin könüllü iştirakı ilə həyata keçirilən nəzəri baxışlar və rituallar sistemidir. Bu sistem insanın özünü və Allahıdərk etməsinə xidmət edir. Lakin yoqada insanları yoqa ilə məşqul olmağa də"vət etmirlər, yoqa ilə məşğul olub, sonradan onu atanları cəzalandırmırlar. Vaxtilə müdriklər bu sistemi yaradıb insanlığa xidmət edən bir elm kimi onu bəşəriyyətə miras qoymuşlar. 8 pilləli, 8 məqamlı yoqa sistemində ən yüksək mərhələ kamilliyə yetmiş adamın Yaradanla zikr və dua münasibəti ruh və nur mübadiləsi – “Bahaqqi yoqa” (məhəbbət yoqası) adlanır və bu mərhələ yalnız kamilləşmiş yoqlar üçündür. Prabhupadanın yeniləşdirdiyi krişnazimdə isə hər bir saniyəsi (tərki-dünya həyat tərzi keçirən) digər əvvəlki mərhələlərin kamillik pillələrini keçmədən yoqa sisteminin səkkizinci mərhələsində nəzərdə tutulan tədbirləri həyata keçirməlidir. Bu isə hazırlıqsız adamlarda psixi xəstəliklərin əmələ gəlməsinə səbəb olur. Klassik yoqa tərəfdarları məhz yoqaya vurduğu zərbəyə görə Prabhupadanı Hindistandan qovub çıxartmışlar. Krişnaizmin zərərli cəhətləri kimi, insanların ümumi yaşayış tərzini digər qeyri-normal tərzdə dəyişdirilməsi, digər dinlərə və baxışlar sisteminə düşməncəsinə münasibət bəslənilməsi və başqa mürtəce keyfiyyətləri də qeyd etmək vacibdir. 19–20-ci əsrlərdə Avropa təhsili almış hindlilər Krişnanı (Kristna) Xristosla eyniləşdirmək istədilər, lakin bir nəticə hasil olmadı. Sonradan bu cəmiyyət çoxallahlıqla təkallahlılığı birləşdirməyə meyl etdi ki, bu da insanlar və dinlər tərəfindən qəbul edilə bilməz.

Beləliklə, göründüyü kimi, Beynəlxalq Krişna Şüurunu Dərketmə cəmiyyəti ictimai birlik adı ilə dövlət qeydiyatına alınmış olsa da, əslində yeni bir din kimi fəaliyyət göstərir və bu da “İctimai birliklər haqqında” Azərbaycan Respublikası Qanunun 1-ci maddəsinin tələblərinin pozulması deməkdir.

Krişnaizmin və eləcə də digər sektaların bir çox müddəaları müqəddəs kitablara, o cümlədən Qur"ani-Kərimə zidd olduğu üçün küfürdür. Bu mə"nada sektaların irəli sürdükləri baxışlarda tənqidə layiq çox məqamlar vardır. “Yeqovanın şahidləri” və “Həyat sözü”, “Həyatverici lütf” protestant təriqətləri mahiyyət e"tibarilə anarxist qurumlardır. Həmin sektaların tə"liminə görə dini qanunlar dünyəvi qanunlardan üstündür. Məhz bu sektaların təbliğatı nəticəsində Bakı Ali Hərbi Dəniz Məktəbinin altı nəfər kursantı hərbdən imtina etmiş, bir orta məktəbdə hərbi dərslərin keçirilməsi özbaşınalıqla dayandırılmışdır. Bu tə"limlər ölkəmizin ərazisinin 20 faizdən artığını işğal etmiş Ermənistanı sülhsevər dövlət kimi təbliğ edir. “Həyat sözü”nün Azərbaycana gətirdiyi Bibliya kitablarında isə “Böyük Ermənistan”ın xəritəsinin dərc olunması tamam başqa mətləblərdən xəbər verir.[/b]

Yaponiyada “Aum Sinrikö”nün terror aktları, “Davidin budaqları” sektasının Amerikada 60 nəfər gəncin intiharına səbəb olmuş əməlləri və digər kütləvi qırğınlar artıq həyəcan təbilini vurmaqdadır.

[b]Azərbaycanda fəaliyyət göstərən totalitar sektalardan biri də əsasən Səudiyyə ərəbistanında yayılmış vəhhabilikdir[/b]. Bu təriqət İslam təriqətləri içində öz mühafizəkarlığı ilə seçilir. 18-ci əsrdə yaşamış Məhəmməd ibn əbdülvəhhab tərəfindən yaradılmış və sonradan onun adı ilə tanınmış vəhhabilik digər İslam təriqətlərinə qarşı barışmaz mövqedən çıxış edir. AXCP Ali Məclisinin üzvü Nəriman Qasımoğlunun vəhhabiliyin təqdir olunmasına dair etdiyi çıxışlar istisna olmaqla Azərbaycan mətbuatında bu təriqət haqqında müsbət fikirlər səslənmişdir. Vəhhabi missionerləri ilə çeçenlər arasında baş vermiş toqquşma vəhhabilərin ölkəmizdəki ölkəmizdəki missionerlik fəaliyyətinə diqqət yetirməyi tələb edir.

Təriqətçilərin fəaliyyəti bəşəriyyət üçün hansı təhlükələri doğurur? İslamın, xristianlığın müxtəlif qollarının, iudaizm açıq-aşkar təhqir olunması dini ayrı-seçkilik və qarşıdurma yaratmağa xidmət etditiyi üçün ictimai sabitliyi və milli sülhü pozmaq üçün real zəmin yaradır. Təriqət üzvlərini daim nəzarətdə saxlamaq üçün onların cəmiyyətin digər üzvlərindən təcrid olunmasına yönəlmiş tələblər insanın ictimai məzmununu ləğv edir. Təriqət üzvlərinin ölkənin ictimai-siyasi həyatında iştirakının yasaq edilməsi onları fəal vətəndaşlıqdan uzaqlaşdırır. Milli və dövlətçilik hisslərinə qarşı yönəlmiş təbliğat təriqət üzvlərinin öz xalqının problemlərinə biganə yanaşmasına səbəb olur. Sektalarda hökm sürən totalitar rejim sekta üzvlərindən ən çirkin əməllərin törədilməsinə bir alət kimi istifadə olunmasını tə"min edir. Sekta üzvlərinin tərkidünyalığı onların intihar etməsinə zəmin yaradır.

Azərbaycanda fəaliyyət göstərən 20-yə yaxın sektanın fəaliyyəti ölkəmiz üçün yaxşı heç nə və"d etmir. Onların demək olar ki, hamısı ermənilərin müxtəlif təşkilatları ilə – “Erməni İncil Şurası” Amerikanın “Erməni Bibliya Təşkilatı”, erməniyönümlü “Beynəlxalq Xristian Həmrə"yliyi Təşkilatı”, məhşur terrorçu təşkilat ASALA ilə yaxın əməkdaşlıq edirlər. Sektaların müxtəlif dövlətlərin kəşfiyyat orqanları ilə əməkdaşlığı da istisna edilmir. Nə qədər təzadlı olsa da, istər Qərb ölkələrində, istərsə də Ermənistanda həmin sektaların fəaliyyəti üçün meydan ypxdur. Məsələn, 1995-ci il aprelin 24-də Ermənistanda fəaliyyət göstərən bütün sektalar daşqalaq edilərək qovulmuşlar. Bütün ermənilərin katalikosu I Qarekin təriqətçi missionerlərlə keçirdiyi görüşdə onlara – “Azərbaycana yola düşün!” – demişdi. Milliyətcə azərbaycanlı olan keşişlərin, pastorların xarici ölkələrdə erməni dini rəhbərləri ilə tez-tez keçirdikləri görüşlər, onların müxtəlif xarici dövlətlərə e"zam olunması və s. çox şeylərdən xəbər verir.

Müasir Avropa ölkələri də radikal təriqətçilərin yaratdıqları çox ciddi problemləri həll etməklə məşğuldurlar. “Günəş övladları”, “Davidin budaqları”, “Yeni Apostol kilsəsi”, “Yeqovanın şahidləri” kimi təriqətçi təşkilatlar ən"ənvi xristian cəmiyyətlərinə əsil divan tuturlar. Çoxsaylı kütləvi intiharlar və psixozlar sivil qərb dünyasını çaş-baş salmışdır. Sektaların rəhbərlərinin maliyyə fırıldaqlarına Avropanın məhkəmələrində baxılır. Almaniyada “Yeni Apostol kilsəsi”nə qoşunları normal ictimai mühitə qaytarmaq üçün 20-yə yaxın reabilitasiya mərkəzi yaradılmışdır. Həmin sektanın cinayətkar fəaliyyətini ifşa edən materiallar Almaniya mətbuatında müntəzəm dərc olunur. Hal-hazırda totalitar sektaların yaratdığı problemlər BMT-nin müzakirə obyektinə çevrilmişdir.

Avropalılar öz canlarını qurtarmaq üçün sektaları Şərqə doğru istiqamətləndirir və bu zaman onlardan öz mənfəəti üçün istifadə etməyi də yaddan çıxarmırlar. Vaxtilə yezuitlərə divan tutan Fransa Suriyada fəaliyyət göstərən yezuitləri maliyyələşdirirdi. Ölkəmizdə sektaların yaratdığı təfriqələr, narazılıqlar isə artıq başlanmışdır. İlk belə toqquşma protestant missionerlərin Lənkəranda anti-islam təbliğatı zamanı başlamışdı. Azərbaycanlı pastor Sarı da Şamaxı rayonunda moizə oxuyarkən anti-islam təbliğatına üstünlük vermiş, insanların dini hissiyatına toxunmuş və kənd camaatı onu rayondan qovub çıxartmışdır.

Faktlar təsdiq edir ki, totalitar sektaya qoşulmaq asandır, ondan çıxmaq isə çətin. Sektalara qoşulmaq, heç şübhəsiz, təkcə həmin şəxslərin deyil, həm də cəmiyyətin faciəsidir. Cəmiyyətdə olan mə"nəvi boşluqlar insanları sektalara aparan yoldur. Lakin bu da həqiqətdir ki, sektalara qoşulanlar iradəcə zəif insanlardır. Hesab edirəm ki, cəmiyyət öz övladlarının faciəsinə qayğı ilə yanaşaraq onlara bu bəladan xilas olmaqda kömək etməlidir. Rusiyada, Almaniyada və digər ölkələrdə olduğu kimi, Bakıda da xüsusi bərpa mərkəzinin yaradılmasına böyük ehtiyac vardır.

Sektaların tə"limləri insan üçün bir narkotikdir. Tə"limlərin bu xarakteri onunla bağlıdır ki, kifayət qədər güclü maliyyə imkanlarına malik sektaların tə"limləri hazırlanarkən gizli elmlərdən yetərincə istifadə olunmuş və sektaların totalitar məzmunu tə"min edilmişdir. Ona görə də sektalara qoşulmaq təhlükəsi iradəsi zəif, maariflənməmiş insanlar üçün ən realdır. Bu təhlükəyə düçar olmamaq üçün mütəxəssislərin təklif etdiyi məsləhətlərə əməl etmək lazımdır: onlarla ünsiyyətdə olmamaq, maraq göstərməmək, kütləvi rituallara və psixoloji tə"sir toplantılarına getməmək. Sektaların təhlükəsinə mə"ruz qalmış şəxslər isə aşağıdakı şərtlərə əməl etməklə təhlükədən xilas ola bilərlər: müsəlmanlar üçün – “İxlas” (112-ci surə), “Mütəvvəzəteyn” (113-114-cü surələr), “Ayətül-kürsi (“Bəqərə” surəsi, 155-157-şi ayələr), “Həşr” surəsi (21-ci ayədə axıra qədər), “Tövbə” surəsi və s. dualardan birinin, yaxud bir neçəsinin hər gün oxunması; pravoslavlar üçün – “Veruyu”, “Otçe naş” duaları, 90-cı psaltır və s. kimi duaların oxunması. Bundan başqa əcdadların (valideyinlərin) dininə qayıtmaq, xoş ritmik musiqiyə qulaq asmaq, oyadıcı və qıcıqlandırıcı ətirlərdən istifadə olunması məsləhət görülür.

Bir məsələni də qeyd etmək vacibdir ki, geniş ictimaiyyət totalitar sektaların zərərli fəaliyyətlərini başa düşdüyü halda, bu problemə bir qədər biganəlik göstərir. Mətbuat bu məsələyə ehtiyatla, qorxa-qorxa yanaşır, müxalifət partiyaları problemin üstündən sükutla keçərək hansısa maraqlı xarici dövlətlə münasibəti korlamamağı üstün tuturlar. Belə münasibət vətəndaş mövqeyindən çox uzaq olduğu üçün müxalifətə hörmət qazandırmır. Lakin müxalifətin totalitar sektalara münasibəti passiv olsaydı, dərd yarı idi. Sosial Demokrat Partiyasının fəal üzvü Eldar Zeynalov hüquq müdafiəsi pərdəsi altında missionerlik funksiyasını yerinə yetirir və belə getsə, biz çox tezliklə bütün sosial demokratların iradələrinin başqasının idarəçiliyinə keçməsinin şahidi olacağıq.

Müsavat Partiyasının rəhbərlərindən olan Hikmət Hacızadə də deyəsən, kələfin ucunu itirib və tez-tez haqqında müsahibələr verdiyi mə"lum səfəri zamanı hazırladığı referatla işləri bir qədər korlamış və ona görə də sektaların müdafiəsinə girişmişdir. Hikmət Hacızadə sektaların müdafiəsi məsələsinə iqtidara qarşı mübarizə üsulu kimi baxır. Eləcə də, Müsavat Partiyasının filosofu Niyazi Mehdi dindən, o cümlədən, İslamdan xəbəri olmadığı halda, Qur"ani-Kərimi təftiş etməyə və on gözdən salmağa çalışır. Təəsüf! Çox təəsüf! Bütün bunlar müxtəlif totalitar sektaların anti-islam çıxışları ilə üst-üstə düşür və Qafqaz Müsəlmanları İdarəsinin passif fəaliyyəti ilə müşaiyyət edilir. Halbuki, bu gün ölkə əhalisinin mövhümatçılıqdan uzaq islami birliklərə ehtiyacı vardır və bu ehtiyacların ödənilməsi üçün Qafqaz Msəlmanları İdarəsi öz imkanlarından səmərəli istifadə etməlidir.

Mə"lum olduğu kimi “Dini e"tiqad azadlığı haqqında” Azərbaycan Respublikası Qanununun 1-ci maddəsinə əsasən, əcnəbilərin ölkəmizdə dini təbliğat aparması qadağandır və bu qadağanın pozulmasına görə “əcnəbilərin və vətəndaşlığı olmayan şəxslərin hüquqi vəziyyəti haqqında” Azərbaycan Respublikasının Qanunun 27-ci maddəsində mə"suliyyət nəzərdə tutulmuşdur.

Digər tərəfdən, “Dini e"tiqad azadlığı haqqında” Qanunun 1-ci maddəsinə görə, dini e"tiqad azadlığını həyata keçirilməsində yalnız dövlət təhlükəsizliyi və ictimai təhlükəsizlik mülahizələrinə görə və Azərbaycan Respublikasının beynəlxalq öhdəliklərə müvafiq olan hüquq və azadlıqların mühafizəsi üçün zəruri hallarda məhdudiyyətlər qoyula bilər. Azərbaycan Respublikası qanunvericiliyinin bu müddəası insan hüquqları və əsas azadlıqlarına dair Avropa konvensiyasının 9-cu maddəsinin tələblərinə uyğundur. Həmin maddədə deyilir: “Üzv dövlətlərin hökümətləri yeni dini hərəkatları avtomatik qeydiyyatdan keçirməməyə, onların fəaliyətində cinayət əməllərinin olub-olmamasını öyrənməyə çağırırlar.”

Fikrimcə, zərərli sektalara qarşı daha ciddi tədbirlərin görülməsi vaxtı gəlib çatmışdır və bu işdə ictimaiyyət mühüm rol oynamalıdır. Zərərvericilərə qarşı mübarizə hamının işi olmalıdır: adi vətəndaş da, müxalifət də iqtidar da, müsəlman da, xristian da bu mübarizədən geri çəkilməməlidir.
İNSANLIĞIN NAMİNƏ!
[/font]

Rashad_Rasul · August 10, 2005

Hormetli Diamond Falcon yuxaridaki meqalenin rus diline olan tercumesini bu movzuda yerleshdirib.

[url="http://www.600min.az/index.php?showtopic=5356"]http://www.600min.az/index.php?showtopic=5356[/url]

Bax post 29

Behnam B.Gurbanzadeh · August 10, 2005

Salam İslam ümmetinin iqid oğlu Rashad_Rasul,

Allah razı olsun. Men hele bilirdim ki men krişnaizmı pis bilirem, amma men onu heç bilmirdim. Çox sagol brat, melumata göre. Allah razı olsun.

Salam alleikum!

Глеб Сиверов · August 10, 2005

Сёкдюз Атропаты 3ef5

Yamato · August 10, 2005

Эта статья очень похожа на донос.....

Кришнаизм - одна из форм индуизма, древнейшей религии, достаточно сильно распространен во многих странах, имеет сотни тысяч последователей и в Азербайджане Конституцией декларирована свобода совести.

Все претензии, высказанные в статье по отношению к так называемым сектантам абсолютно применимы и к официальным религиям, в том числе и Исламу.

Rashad_Rasul · August 10, 2005

[font="Arial"]

[b]...Hərgah kiməsə "özünü öldür" desələr, təbii ki, o imtina edər...

Fəqət bu adama maraqlı səyahət adı ilə intihar təklif olunursa necə, təklifi qəbul etməli? [/b]

Hər şey təklif alanın əqli və dərrakəsindən asılıdır. Əfsuslar olsun ki, ölkəmizin yüzlərlə vətəndaşı bu sayaq təkliflər alanda nə əql, nə də zəkalarını işə salırlar.

Söhbət, Azərbaycanda meydan sulayan çeşidli sekta və "mistik cərəyan"lardan gedir... Müxtəlif adlı sektalar məmləkət əhlini mənəvi, dini, əxlaqi intihara apararaq bizləri küll halda orientirləri dəyişməyə və mücərrəd, əksər hallarda iyrənc qoxuyan "düşüncə tərzi"nə sahib etməyə çalışırlar.
İnsan hər gün dostlarını, iş yerini, adını dəyişəndə insanlıqdan çıxdığı kimi xalq da əxlaqi-mənəvi məqamları dəyişəndə xalqlıqdan çıxıb kütlə və yığnaq səviyyəsinə düşür.

...Özünü "Beynəlxalq Krişna Şüuru Cəmiyyəti" adlandıran, əslində isə çoxsaylı tərəfdarları olan totalitar sektanın ardıcılları Azərbaycanda da var.
Onlar, imanı kamil olmayan şəxsləri öz sıralarına cəlb edəndə ilk əvvəl "insanları sev, günah işləmə, zora əl atma, yalan danışma" kimi ifadələr işlədir, sonra isə sözdən işə keçirlər. Bu zaman "Krişna Şüuru Cəmiyyəti"nə gələn şəxs üçün ikinci mərhələ başlayır. O, Krişnaya sitayiş etməyənlərlə söhbət zamanı ehtiyatlı olmalı, imkan tapan kimi ailəni tərk edib "aşram"a köçüb yaşamalı, burada Krişna haqqında danışmağa can atmalıdır. Krişnaçılar yalnız öz yeməklərini ("prasad" və ya "bhikşa") qəbul etməyə, boyun və əllərinə xüsusi muncuqlar taxmağa, cəmiyyətin ümumi xəzinəsinə para ödəməyə borcludurlar. Bundan başqa, krişnaçılığın mövcud olduğu ölkələrdə, o cümlədən Azərbaycanda sıravi krişnaitlər Şrila Prabhupadanın kitablarını və "Bhaqavat-Gita"nı küçəbəküçə düşüb satmağa çalışmalıdırlar. Eyni zamanda hər bir krişnaçı yaşadığı yerdə Krişanın balaca heykəlciyini - "Narasimhadev"i saxlamalıdır.

...Bakıdakı krişnaçılar, digər ölkələrdəki "həmdin"ləri tək qarşılarına çıxan, daha doğrusu "Beynəlxalq Krişna Şüuru Cəmiyyəti"nə üzv etməyə çalışdıqları adamlara Hindistan barədə qayət ilginc hekayələr nəql edirlər. Fəqət krişnaçıların Hindistanı isə real Hindistan arasında bağlılıq, əsl meyvə şirəsi ilə İrandan gətirilən acı "şirə"ələr arasındakı oxşarlıq qədərdir. 1966-cı ildə ABŞ-da Hindistandan gəlmiş uğursuz kommivoyacer Abhay Çaran De adlı birisi (krişnaçılar ona "Müqəddəs Şrila Bhaktivendanta Svami Prabhupada" deyir) "Beynəlxalq Krişna Şüuru Cəmiyyəti"ni (BKŞC) təşkil edib "açarya" olur. Təşkilatı baxımdan "New Age"-ə bənzəyən BKŞC özünün "Hindistan müdrikliyindən qidalandığı"nını bəyan etsə də, Hindistanın əksər məbədlərinə, hətta Krişnanın doğum yeri sayılan Maturaya ("Vrindavan") krişnaçıların daxil olması qəti qadağandır.

Psixi bitkinliyinə dərin şübhəm olduğu, qallüsinativ psixoza məruz qalan fərdlərə bənzəmiş Şrila Prabhupada bütün krişnaçılar üçün müqəddəs olsa da, real olaraq bu cərəyanın əsasını qoyan o yox, XVI əsrdə yaşayıb hinduizmin islahatçısı kimi ad çıxaran, "sankhyi" fəlsəfəsini "açintya-bhedabheda-tattva" variantında anlayan, kasıb brəhmən Caqannatha Mişra və brəhmən qızı Şaçi-devanın nikahından doğulan Çaytanya Mahaprabha olub. Məhz Çaytanya "fiziki dünyanın şərindən yalnız Krişna ilə birləşmək yoluyla azad olmaq mümkündür" tezisini irəli sürüb.

...Krişna həm də dünyanın ən usta fırıldlaqçısı, yalançısı və əllaməsi kimi tanınırdı. Krişnanın bütün heykəl və rəsmlərində isə o, tünd göy dərili, tosqun, qadınabənzər sifətli olaraq təsvir olunur.

Və ən başlıcası, Azərbaycandakı krişnaçıların da Allah kimi qəbul etdikləri Krişna özünə məşuqə etdiyi çoban qızcığazlarla ("qopi"lərlə) tez-tez cinsi əlaqəyə girməkdən başqa yaraşıqlı kişi və azyaşlı oğlanlarla da uşaqbazlıq etməkdən əsla çəkinməyib ("Şri-İşopanişad"). Buna Azərbaycandakı krişnaçılar da daxil olmaqla bütün Krişna ardıcılları "adi-rasa" ("seksin təmiz psixologiyası") desələr də, əslində aşkar əxlaqsızlıq və zinakarlıqdan savayı bir şey deyil. "Bhaqavat-sandarbha" və "Vayu-Purana"da da göstərilib ki, Bütün krişnaçılar sidq-ürəkdən inanırlar ki, onlar sitayiş etdkiləri Krişnanın köməyilə daimi xislətdəyişmə təkəri Sansaradan çıxıb Vainkunithi planetlərindəki bağlara düşəcəklər. Təbii ki, bunun üçün Krişnaya həm ruhən, həm də cismən bağlı olmaq gərəkdir. Ruhi bağlılıq mantralar vasitəsilə reallaşırsa, cinsi bağlılığın yolu fərqlidir.

Krişanın özü də yaman arvadbazmış. Belə ki, "Bhaqavat-Gita"da deyilir: "Krişnanın 16.108 arvadı vardı ki, hər arvad ona 10 uşaq doğmuşdu". Kitabın başqa bir fəslində isə yazılıb: "Günlərin birində ehtirası cuşa gələn Krişna Rukminini tənha qoyub Yer üzünə 6 ay davam edən zülmət gecə buraxdı və bu müddətdə o, yüzlərlə qadını ərlərindən xəbərsiz olaraq yatağına saldı".

Sıravi krişnaitlər hər gün azı 1728 dəfə mantra-sutralar söyləməli; balıq, ət və ət məhsullarından tamamən imtina etməli; ibadət zamanı ekstaza düşməli; sitar, timpan, zınqırovlu dəf və təbillərdə ifa olunan mahnılara oynamalı, bu zaman ruhunun vücuddan ayrılıb astrala çıxmasına inanmalıdır. Adi krişnaçılar öz müəllimlərinə, daha doğrusu "quru"larına sözsüz şəkildə tabe olmalıdırlar. Müasir krişnaçılığın başlıca liderlərindən biri Harikeşa Svami "Prabhupada-sumedhasam"da yazır: "Hər qurunun dedikləri Krişnanın istəkləri ilə 100 faiz üst-üstə düşür. "Quru"nu ruhi, mənəvi və cismani olaraq razı salmaq, ona ləzzət bəxş etmək Krişnaya xidmət etməkdir". Bundan başqa, hər bir krişnaçı "müqəddəs Krişna"nı (və ya Krşna) təhqir edənə qarşı amansız olub "vişnavaparadha" vəziyyətinə düşməli və "axmaqlar"la qızmış fil təki rəftar edib onları əzməyə çalışmalıdır....
Budur krişnaçılıq...

[url="http://www.sd.com.az/printversion.php?newsID=102"]http://www.sd.com.az/printversion.php?newsID=102[/url]

[/font]

Yamato · August 10, 2005

Обе статьи примитивны и невежественны.

Индуизм и кришнаизм - это религии, базирующиеся на мифологии. Бхагават-Гита - абсолютно аллегоричный текст, каждая строка, каждая история индуизма, все эти бесконечные божества, их войны, истории рождения и войн - это только метафоры, форма выражения религиозных истин в доступной для понимания того времени форме. Проще говоря - это закодированный текст, истинный смысл которого открывался только избранным - Кришнаиты сделали его в какой-то форме доступным широкой публике.

Поэтом говорить, что Кришна - арвадбаз - абсолютная чушь, как и количество его жен (десятки тысяч) - это не количество жен, это метафизическая информация.

Наши умники-журналисты и некоторые ретивые ортодоксы понятия не имеют о тех вещах, о которых пишут.

Rashad_Rasul · August 10, 2005

[font="Arial"][b]Missionerlərin millətçiliyə qarşı təbliğatı

Şagirdlər arasında təbliğat aparılması ilə bağlı fakt var [/b]

Oğulun “Hari krişna” mantra(dua)larından sonra onların acığına həmdidənlərə qoşulmuş ananın hayqırtılarına dözə bilməyən, ailədəki “dindarlar”ın qidadan tutmuş geyimədək psixoloyi tələblərinə tab gətirməyən gəlin 6 aylıq körpəsini itirib.

İki ay xəstəlikdən sonra 3 yaşlı oğlu da baxımsızlıqdan vəfat edib. Bir-birilərinə dinlərin üstünlüyünü qəbul etdirməyə çalışan “doğmalar”ın mübahisəsi əl davasınadək uzanıb. Qonşuların şikayəti ilə hüquq-mühafizə orqanları da işə qarışıb. Tərkidünyalığı qəbul edən krişinaçı ərin etinasızlığı 32 yaşlı Solmaz Məmmədovanı intihara sövq edib. Və nəticədə bir ailə dağılıb.
Qeyri-ənənəvi dini qurumların Azərbaycan dövlətçiliyinə və millətçiliyinə qarşı fəaliyyəti, əksər təşkilatların erməni kəşfiyyatı tərəfindən maliyyələşdirilməsi faktları mövcud olsa da, həm güc strukturları, həm də Dini Qurumlarla İş üzrə Dövlət Komitəsi susmağa üstünlük verir. Dəfələrlə bütün dinlərə və başqa dinləri qəbul etmişlərin seçiminə hörmət prinsipi ilə işlədiyini vurğulayan komitə rəhbərliyi unudur ki, demokratiyanın beşiyi sayılan ABŞ qanunlarına hörmət etməyən missionerlərə qarşı kəskin mövqe tutub. İslamı dərindən öyrənmədən digər dinlərdə həqiqət axtaran və məqsədlərinin yalnız Allahı təbliğ etmək olduğunu bəyanlayan Azərbaycan vətəndaşlarının aldandıqlarını görmək acınacaqlıdır. Maraqlıdır, komitə rəhbərliyi və Beynəlxalq Krişna Şüurlu Cəmiyyətinin fəlsəfəsini qəbul edən soydaşlarımız [b]Ermənistanda krişnaçıların fəaliyyətinin niyə qadağan olunması ilə maraqlanıblarmı[/b]? Məgər Ermənistan “barış, ruhi sakitlik” istəmir? Eləcə də “İeqova şahidləri” missioner təşkilatına qarşı kəskin mövqe tutmuş Rusiya dini azadlıq prinsiplərini pozur? Niyələr çox, izah isə birdir. Azərbaycandan fərqli olaraq, yaxın qonşularımız, eləcə də Qərbin özü missionerlərin şüurlara psixoloyi təsir göstərməklə milləti parçalamaq və sosial baza formalaşdırmaq niyyətindən xəbərdardır. Xüsusilə bütövləşməyə can atan dövlətlər qeyri-ənənəvi dinlərin vasitəsilə manqurtlaşdırılır. Yeri gəlmişkən, missionerlər təbliğata islamdan az-çox xəbərdar olan gəncləri cəlb edirlər. Onlar isə öz növbəsində Quranın ayələrindən sitat gətirərək əhalini öz dinlərinə dəvət edirlər. Sonradan isə islam geridə qalmış din kimi təbliğ olunur. Qeyd edək ki, yazını hazırlamazdan əvvəl bir neçə dini qurumun tədbirlərində iştirak etdik.

[b]Krişnaçılara millət və vətən anlayışı yaddır [/b]

Öncə Krişna Şüurlu Cəmiyyətinin Bakı ofisi tərəfindən keçirilən dini ayinlər haqqında məlumat verək. Tədbirlərə azyaşlılar da qatılır. Diqqətimizi çəkən məqamlardan biri də odur ki, tərkidünyalığı qəbul edən krişnaçılar millət və torpaq anlayışını qəbul etmirlər. Cəmiyyətin bir neçə fəalı ilə söhbətdən məlum oldu ki, torpaq Tanrıya məxsus olduğundan onun üçün qan tökülməsinə ehtiyac yoxdur. Millət isə sonradan yaradıldığından krişnaçılığı qəbul etməyən azərbaycanlının problemi onları maraqlandırmır. O ki qaldı Qarabağın azad olunması üçün döyüşlərə, krişnaçılar onların dinini qəbul etmiş erməni qardaşlarına güllə atmaz. İslam dininə münasibətə gəldikdə isə, krişinaçılar nəinki islamı, eləcə də xristianlığı cahillik kimi qəbul edir. Cəmiyyətin üzvü olan Səkinə xanımın dedikləri: “Namaz qılıb, oruc tuturdum. Heç nə hiss etmirdim amma krişnaçılığı qəbul edəndən sonra ali şəxs - Krişna içimdən keçir. İslamda ruh haqqında bilgi kifayət qədər deyil. Krişna isə başdan-başa ruh anlayışına söykənir”. İslamdan fərqli olaraq, krişnaçılarda qadına münasibət başqadır. Yəni qadın bar verən ağaca bənzədilir. Uşaq olandan sonra qadına yaxınlaşmaq günah sayılır. Müəyyən yaş həddindən sonra ata - valideyn ailəni ananın və ya uşağın ümidinə buraxıb həyatını Krişnaya sərf etməlidir. Krişnaçılar insanın təkrar doğuşuna inanırlar. Sadəcə, təkrar doğuşda müxtəlif millətə, cinsə və ya dinə aid ola bilərsən. Və ya insan təkrar doğuşda heyvan kimi doğula bilər.

[b]İnsan təkrar doğuşda inək ola bilər? [/b]

Krişnaçılar xüsusilə inəyə müqəddəs kimi baxırlar. Kainatın bir neçə Allahcıqlar tərəfindən idarə olunduğuna inanırlar. Başqa dinlərdən fərqli olaraq, Allahın müxtəlif formalarda heykəl və şəkillərini yaradırlar. Məsələn, Allahın uşaq, qəzəbli, yer forması yaradılaraq onlara sitayiş olunur. Ünsiyyətdə olduğumuz 15-ə yaxın krişnaçı Krişnadan başqa Allahların olduğuna və Krişnanın Allahdan da böyük olduğuna inandıqlarını bildirdi. Halbuki cəmiyyətin təbliğatçıları mətbuatda və tədbirlərdə islama hörmətlə yanaşdıqlarını, gərəkirsə, Azərbaycan uğrunda döyüşə atılacaqlarını bəyanlayır, çoxallahlılığı, bütlərə sitayişi qəbul etmədiklərini deyirlər. Cəmiyyətin xramdankənar təbliğatının müdiri Ramil Əliyevin sözlərinə görə, inanırlar ki, Allah kainatın idarəsini mələklərə tapşırıb. Allahın Yer kürəsində baş verən hadisələrdən məlumatı yoxdur. Ümumiyyətlə, Yerdəki pisliklər Allahı maraqlandırmır: “Krişnaçılıq veda təlimlərinə əsaslanır. Krişnanın formaları veda təlimlərində göstərilən qaydalara əsasən hazırlanır”. Allahdan ruh haqqında məlumat aldıqlarını iddia edən R.Əliyev cəmiyyət üzvlərindən fərqli olaraq cənnət və cəhənnəm haqqında deyilənlərə inanır: “Veda təlimlərinə görə, bu həyatda qazandıqlarının müqabilində gələcək həyatında başqa cinsdə və ya cilddə doğula bilərsən. Məhəmməd peyğəmbərin (s) , İsa peyğəmbərin (ə) Allahın elçiləri olduğunu qəbul edirik. Sadəcə, islam cahil ərəblər üçün göndərilib. İslamda ruh haqqında bilgi azdır”. Krişinaçılar yoxsul və zavallı insanlara mərhəmət göstərməklə savab qazanılması, ailənin və xanım həyat yoldaşının qorunmağa ehtiyac olduğunu qəbul etmirlər. Yəni krişnaçılığı qəbul etmiş kişinin gözü qarşısında xanım təhqir oluna bilər. Lakin Krişinanın mövcudluğunu dərk edən kişi buna reaksiya verməməlidir. Təbliğat apararkən Azərbaycanın müharibə zonası olduğunun nəzərə alınmadığını etiraf edən R.Əliyevin sözlərinə görə, bütün müharibələrin əleyhinə çağırışlar edilir. Lakin qavrama səviyyəsindən asılı olaraq, Azərbaycanın düşmənlərinə qarşı vuruşmaq istəyən krişinaçıların sayı az deyil: “Etiraf edim ki, krişinaçılığı qəbul etmiş soydaşlarımızın əksəriyyəti Qarabağ uğrunda döyüşləri inkar edir. Bu, səviyyələrdən asılıdır. Krişinaçılar ruh haqqında bilgini təbliğ etsə də, qana hopmuş vətən, millət anlayışı öz sözünü deyir. Yəni orduda fərarilər olduğu kimi, krişinaçıların arasında da fəlsəfənin müharibəyə qarşı çıxdığını əsas gətirərək millət anlayışını qəbul etməyənlər var”.

[b]İslamın digər dinlərdən üstünlüyü zəif təbliğ olunur [/b]

Etiraf edək ki, sovetlər birliyi dağılandan sonra din sahəsində yaranmış boşluqlar, islamın təbliğatının zəif aparılması çoxlarının başqa dinlərə üz tutmasına səbəb oldu. Digər müsahiblərimiz xristianlığın pravoslav qanadını qəbul etmiş “Mədh” kilsəsinin müdiri Əliağa Abdullayev və təbliğat rəhbəri Rasim Xəlilov fikirlərimizi təsdiqləyir. R.Xəlilovun sözlərinə görə, xristianlığı qəbul etməzdən əvvəl islamla maraqlanmayıb: “Doğrudur, Quranı bir balaca oxumuşdum. Bibliyanı oxuyandan sonra İsa peyğəmbəri Allahın oğlu kimi qəbul etdim. Çoxları sovetlərin hakimiyyəti dövründə dinin olmadığını söyləyir. Amma 70 ildə Allahsızlar dini, ateizm olub. Quruluş dağılandan sonra “biz niyə yaşayırıq” sualı Allah haqqında bilgilərə yol açdı. Bibliyanı oxuyandan sonra İsa ilə sərbəst danışa bilirdim”. Lakin təcavüzə müharibə ilə cavab verilməsinin əleyhinə deyil. Məhəmməd peyğəmbəri sonuncu peyğəmbər kimi qəbul edir. İslamı dərindən öyrənmədiyindən bu dinin üstünlüklərini, gözəlliyini bilmədiyini etiraf edir. Kilsənin müdiri Ə.Əsədullayev isə xristianlığı qəbul etməzdən əvvəl krişnaçılığı qəbul edib. Lakin dediyinə görə, krişinaçılıqda istədiyini tapa bilməyib, deyilənlərin boş və mənasız olduğunu anlayıb. Nəticədə xristianlığı qəbul edib. “Yeddinci günün advinistləri” və “İeqova şahidləri” təşkilatlarının üzvləri də təbliğatlarında müharibə əleyhinə çıxışlar edir. Təbliğat vasitələrində islamı təhqirə yol verən bu cəmiyyətlərin nümayəndələri çıxışları ilə dini anlayışdan daha çox millət arasında nifaq salmağa xidmət edir.

Din həm də əqidədir

Qarabağ Qazilər Təşkilatının sədr müavini, Qarabağ döyüşçüsü Firudin Məmmədov missionerlərin milləti parçalamaq niyyəti ilə Azərbaycana gəldiyinə əmindir. Buna görə də din xadimlərimizi, Dini Qurumlarla İş üzrə Dövlət Komitəsini və Təhsil Nazirliyini günahlandırır: “Əslində onlar dinlərini dəyişməyiblər. Çünki belələri ilə ünsiyyətdə olandan sonra məlum olur ki, əvvəllər də islamın 5 əsas şərtinə riayət etməyiblər. Quranı oxumayıblar. Əgər islamdan xəbərdar olsaydılar, bütün dinlərin eyni mərkəzdə birləşdiyini, həqiqətin bir olduğunu bilərdilər. İslam sonuncu din kimi mükəmməldir. İslamda digər dinlərə qarşı təhqiredici heç nə yoxdur. Əksinə, Məhəmməd peyğəmbər digər dinlərə hörmətlə yanaşılmasını tələb edib. Krişinaçıların iddia etdikləri kimi, islamda ruh haqqında bilgi az deyil. Ümumiyyətlə, missionerlərin təbliğatına fikir versəniz, bütün gözəlliklər islamdan qaynaqlanır. İslamda insanın təkrar doğuşu haqqında da fikir bildirilir. Təkrar doğuş, özü də heyvan və ya insan cildində doğuluş yalnız Allaha məxsus sirdir. Quranda göstərilir ki, yaşadığımız maddi dünya ruhların sınağa çəkilməsi üçündür”. Qarabağ döyüşçüsünün fikrincə, din həm də əqidədir. Əgər missionerlər müharibəyə qarşıdırlarsa, digər millətlərə hörmət aşılayırlarsa, bu, islamda da var. Məhəmməd peyğəmbər buyurur ki, heç bir qırmızı ərəb Allah yanında qara ərəbdən üstün deyil. Ya da əksinə, qəbul oluna bilməz. Bütün insanlar eyni sevgiyə layiqdirlər. Amma müqəddəs kitablarda göstərilir ki, doğulduğun torpağa təcavüz edilərsə, haqq-ədalət pozularsa, qan tökə bilərsən. Bu, müqəddəs savaşdır. Xristianlar, veda təlimini yayanlar bütün müharibəyə qarşı çıxsalar da, hər iki təlimdə müqəddəs müharibə haqqında anlayış var. Sadəcə, təbliğat apararkən millət, vətən haqqında anlayışın rədd edilməsi müəyyən məqsədlərdən xəbər verir. Yeri gəlmişkən, missionerlər təbliğat apararkən islamda sünni, şiə, yəni hakimiyyət uğrunda mübarizəni, islam və terror hadisələrini qabardırlar. Xüsusilə “İeqova şahidləri” təşkilatı təbliğatlarında islamı terrorla bağlayır. F.Məmmədovun sözlərinə görə, islam araşdırmaçıları sünni, şiə məsələsinin dini parçalamaq üçün ingilislər tərəfindən ortaya atıldığını sübut edib: “İslamın əvvəlki dinlərə hörmətlə yanaşması, əxlaq prinsiplərinin qorunması və s. üstünlüklər çoxlarını cəlb edir. Təəssüf ki, Qərb dövlətləri islama üstünlük verdikləri halda Azərbaycanda missionerlər aktiv olurlar”. O ki qaldı terror hadisələrinin islamla əlaqələndirilməsinə, iri dövlətlər tərəfindən hazırlanmış plana əsasən belə təbliğatlar islamın nüfuzdan salınmasına xidmət edir. Səddam Hüseyn və yaxud bin Laden islam demək deyil. Müqəddəs kitabda göstərilir ki, müsəlman müsəlman qardaşının haqqını tapdalamamalıdır. F.Məmmədovun fikrincə, millətin parçalanmasının qarşısının alınması islamın təbliğatının genişləndirilməsi ilə mümkünləşə bilər. İslam orta məktəblərin ibtidai siniflərindən başlayaraq təbliğ olunmalıdır: “Təhsil Nazirliyi din dövlətdən ayrıdır prinsipi ilə buna icazə vermir. Digər tərəfdən, müəllimlərin dini təhsil almadıqlarını əsas gətirirlər. Amma bunların heç biri islam haqqında cüzi də olsa, məlumat verilməsinə mane ola bilməz. Komitənin və ya Qafqaz Müsəlmanları İdarəsinin, eləcə də din xadimlərinin köməkliyi ilə kurslar təşkil oluna və müəllimlərə məlumatlar verilə bilər. Görünür, Misir Mərdanov islamın təbliğatını o qədər də vacib saymır. Yoxsa ən azı məktəblərin ətrafında fəaliyyət göstərən və Azərbaycan qanunvericiliyinə hörmətsizlik nümayiş etdirən missionerlərə qarşı tədbir görər”. Yeri gəlmişkən, təhsil naziri missionerlərin şagirdlər arasında təbliğat aparmaları ilə bağlı məlumatları təkzib edib. Və məktəblərdə bu sahəyə nəzarət edildiyini bildirib. Krişna Şüurlu Cəmiyyətinin üzvü R.Əliyevin sözlərinə görə, orta məktəblərdə təbliğat aparmaq üçün məktəb direktorları ilə danışıqlar aparılır. Direktorların icazə verdiyi halda, şagirdlərə kitablar paylanılır. Məktəblərin nömrəsini və ünvanını açıqlamaq istəməyən R.Əliyevin sözləri araşdırmağa ehtiyac olduğuna əsas vermir? Hər halda cəmiyyətin tədbirlərində şagirdlərin iştirakı deyilənlərin həqiqət olduğunu sübut edir.

Nicat

[url="http://www.olaylar.net/view.php?d=9030"]http://www.olaylar.net/view.php?d=9030[/url]

[/font]

Diamond Falcon · August 10, 2005

[quote name='Yamato' date='Aug 10 2005, 17:18 ']Эта статья очень похожа на донос.....

Кришнаизм - одна из форм индуизма, древнейшей религии, достаточно сильно распространен во многих странах, имеет сотни тысяч последователей и в Азербайджане Конституцией декларирована свобода совести.

Все претензии, высказанные в статье по отношению к так называемым сектантам абсолютно применимы и к официальным религиям, в том числе и Исламу.
[right][snapback]399059[/snapback][/right][/quote]

Свобода совести декларирована, да. Вы правы мой дорогой. А когда рушатся семейные устои в стране с вековыми традициями, когда людей приручают к попрошайничеству и отшельничеству.....Bes bunu kimin vicdanina yazaq?

Объясните мне пожалуйста, если вы знаете, почему эта организация создана именно в Америке, если это одна из форм индуизма - древнейшей религии.

Iakov · August 10, 2005

[quote name='Rashad_Rasul' date='Aug 10 2005, 12:05 '][font="Arial"]Burada Azərbaycan mənbələrindən krişnaçılıqla bağlı yazılan məqalələri paste edəcəm. atropat-ın krişnaçılığı təbliğ etmək haqqı olduğu kimi, bizim də krişnaçıların Azərbaycandakı fəaliyyəti barədə insanları məlumatlandırmağa haqqımız var.[/font]
[right][snapback]398388[/snapback][/right][/quote]

тут Кришнаиты тоже постятся?

Diamond Falcon · August 10, 2005

[quote name='Yamato' date='Aug 10 2005, 17:32 ']Обе статьи примитивны и невежественны.

Индуизм и кришнаизм - это религии, базирующиеся на мифологии. Бхагават-Гита - абсолютно аллегоричный текст, каждая строка, каждая история индуизма, все эти бесконечные божества, их войны, истории рождения и войн - это только метафоры, форма выражения религиозных истин в доступной для понимания того времени форме. Проще говоря - это закодированный текст, истинный смысл которого открывался только избранным - Кришнаиты сделали его в какой-то форме доступным широкой публике.

Поэтом говорить, что Кришна - арвадбаз - абсолютная чушь, как и количество его жен (десятки тысяч) - это не количество жен, это метафизическая информация.

Наши умники-журналисты и некоторые ретивые ортодоксы понятия не имеют о тех вещах, о которых пишут.
[right][snapback]399086[/snapback][/right][/quote]

Будучи не примитивным и не невежественным, не объясните ли вы вот какой вопрос. Я так понял, что вы один из тех избранных, которому открылся истинный смысл этих аллегорий, это так (с помощью кришнаитов или без)?