Təhsil Sistemində Növbəti Özbaşnalıq.

[Kenul2012]

«Bu qədər dövləti cinayəti necə gizlədə bilirlər?!» - VİDEO

AMİ-nin Mingəçevir filialının işçisi şikayətinə baxılmasa, özünü öldürəcəyini deyir

Zoya Süleymanova «Bizim Yol»a müəssisədə irimiqyaslı cinayət əməllərinə yol verildiyini yazıb

 

"Bizimyol.info" saytının elektron poçtuna Mingəçevir sakini Zoya Süleymanova tərəfindən məktub daxil olub. Z.Süleymanova Azərbaycan Müəllimlər İnstitutunun (AMİ) Mingəçevir filialında ümumi şöbənin müdiri vəzifəsində calışıb. O, 8 il ərzində intizamı, dövlətçiliyə sədaqəti ilə seçildiyini deyir. 

 

Onun sözlərinə görə, AMİ-nin Mingəçevir filialının 5 illik sənədləri məhv edilib, böyük saxtakarlıqla dəyişdirilib: "Bunun səbəbi isə filialın sabiq direktoru Orucəli Rzayevin baş mühasib Heyran Şikarova ilə əlbir olub böyük məbləğlərdə dövlət vəsaitinin mənimsənilməsini gizlətməsi olub. Bu mənfur niyyəti həyata keçirməyə onlara dəftərxana müdiri Aynurə Zeynalova köməklik edib. Əmr kitabları, əmrlər dəyişilib, bütün əməkdaşların yerinə imzalar atılıb. Mənim və məndən sonra dəftərxana müdiri işləmiş İradə İsmayılovanın işlədiyi dövrə belə müdaxilə olunub. Bundan xəbərdar olduğumdan 10 aydır ki, incidilirəm. İkinci dəfə yenə ixtisara düşəcəyimlə hədələnirəm".

 

"1000 manat verməsəm, ixtisara düşəcəkdim"

 

Mingəçevir sakini 2008-ci ildə Orucəli Rzayevin AMİ-nin Mingəçevir filialına direktor təyinatından sonra bu təhsil müəssisəsinin qara günlərinin başladığını deyir. Onun sözlərinə görə, direktor ixtisar adı ilə ucdantutma hamıdan rüşvət alaraq bir nəfəri də olsun ixtisara salmayıb: "Öz himayədarlarına arxalanan direktor nə imkansıza, nə tək ailə başçısına güzəştə getmədi. Maddi vəziyyətimin ağır olması barədə israrlı xahişlərimdən sonra yalnız 1000 manat verəcəyim təqdirdə məni işdə saxlayacağını, əks təqdirdə ixtisara düşəcəyimi bildirdi. Bu məbləği ödəsəm belə kitabxanaçı vəzifəsinə keçəcəyimi dedilər. Bunu kollektiv də təsdiq edə bilər. Mənim heç bir nöqsanım olmadığı halda borc edib həmin məbləği verdim və mən kitabxanaçı işinə keçirildim. Bundan sonra banklara borclu qaldım. Amma O.Rzayevdən çoxsaylı şikayətlərin nəticəsiz qaldığını görüb başqaları kimi mən də susdum. Rasim Şükürov filiala direktor təyin olunandan sonra filalın əmr kitablarını saxtalaşdıran, büdcə vəsaitini mənimsəyənləri himayə edib, işinə məsuliyyətlə yanaşanları və sənədlərin saxtalaşdırılmasına qarşı olanları əzməyə başladı".

 

"Qərəzin arxasında o sənəd saxtalaşdırılması, yeyinti məsələlərini gizlətmək durur"

 

Z.Süleymanova 9 oktyabr prezident seçkilərində  seçki komissiyasının üzvü olduğunu qeyd edib: "Seçkilər zamanı yeni əməliyyatdan çıxmışdım. Ancaq işə qayıdanda mənə maaşa əlavəmdən kəsildiyini dedilər. Kitabxana müdiri ilə birgə direktor Rasim Şükürovun qəbulunda olan zaman  "Rasim müəllim, mənim niyə əlavəmdən kəsilib, mən tək övlad böyüdürəm, əməliyyatdan təzə çıxmışam. Xahiş edirəm mənim əlavəmi azaltmayın. Mənim az da olsa o məbləğə ehtiyacım var" söylədim. Direktor isə mənə cavabında bildirdi ki, "Səni mən xəstə salmışam, səni mən boşandırmışam, mənim yanıma niyə gəlirsən?"  Bu da rəhbərin cavabı. Bu onun məni aşağılayıcı onlarla hərəkətlərindən biridir. Yayda məni məzuniyyətə getməyə qoymadılar ki, bir nəfər kitabxanada qalmalıdır. Mən də yay uzunu qalıb işlədim. İndi məzuniyyətdəyəm, mənə xəbər göndərib ki, "özünə iş tapsın, ixtisara düşür". Bu qərəzin arxasında o sənəd saxtalaşdırılması, yeyinti məsələlərini gizlətmək durur. Bütün kollektiv mat-məəttəl qalıb ki, bu saxtakarların arxasında kim durub ki, bu qədər böyük bir cinayəti, dövlət sənədlərinin dəyişilməsinə göz yumulur".

 

"Müraciətimin nəticəsi olmasa, intihar edəcəyəm"

 

Z.Süleymanova saytımız vasitəsi ilə Heydər Əliyev fondunun prezidenti Mehriban Əliyevaya müraciət edir. "Hörmətli Mehriban xanım! Himayəmdə məktəbli övladim var və ailəmizin yeganə gəlir yeri filialdan aldığım əmək haqqıdır. Onunla bu ayın əvvəlindən axırına zorla çatdırıram. Mənim ixtisara düşməyim övladımın və mənim çörəksiz qalmağımızdır. Mən Sizdən hüquqlarımın müdafiəsinə yardımçı olmanızı və AMİ-nin Mingəçevir filialında sənədlərini saxtalaşdıranların cəzalandırılması və dövlətə dəyən ziyanın ödənilməsinə yardımçı olmanızı xahiş edirəm. Bu müraciətimin də bir nəticəsi olmasa, intihardan başqa cıxış yolum yoxdur. İnanıram ki, mənim və mənim durumumda olan, əzilən iş yoldaşlarımın səsini eşidərlər". 

Mingəçevir Müəllimlər İnstitutunun direktoru Orucəli Rzayev deyir ki, Z.Süleymanovanın əgər bir şikayəti vardısa "Bizim Yol" qəzetinə yox, prokurorluğa müraciət etməliydi: "Bu məsələ "Bizim Yol"un səlahiyyətində deyil. Məhkəmə orqanlarının işidir. Qoy ora müraciət etsin. Əgər o hər hansı işdə qanunsuzluqlar olduğunu düşünürsə, hüquq-mühafizə orqanlarına müraciət etsin. Siz də nəticəsini o zaman işıqlandırarsınız".

 

Qeyd edək ki, şikayətlə bağlı Təhsil Nazirliyindən münasibət öyrənmək cəhdlərimiz nəticəsiz qaldı. 

Şikayətçinin YouTube portalına yerləşdirdiyi videomüraciəti də təqdim edirik.

 

http://bizimyol.info/?xeber=33026

 

 

 

[Kenul2012]

Təhsil nazirliyindən bu qədər sənədi gizləmək nə qədər asandır? . 5 il əvvəl qardaşım İdman institutuna daxil olmuşdu.Əyanidən qiyabiyə keçib,əsgər getmək istəyirdi.Bunun üçün qardaşımı nə qədər incitdilər ki,təhsil nazirliyində olan sənədləri dəyişə bilmərik.İndi Bir İnstitut filialının 5 illik sənədlərini saxtalaşdırırlar.

Bundan belə qənaətə gəlmək olur ki,Təhsil nazirliyinin sənədləri saxtalaşdırmadan xəbəri var.Ya da???

[gapgara]

Təəcüblü heç nə yoxdur. Bütün təhsil ocaqları saxtakarlıq mənbəyidir. Əgər bu məktəblərdə seçkiləri istədikləri kimi firlada bilirlərsə bir institut sənədləri nə olan şeydir ki..  

[HPTRUEVISION]

Tehsil coxdann kusub gedib olkeden.