İnsanların Davranışı Qoyunlardan Çoxmu Fərqlənir ?

[фрилансер]

Sizə olmuş bir əhvalatı nəql etmək istəyirəm, çünki bir sualım var.

 

Orta məktəbin sonuncu siniflərində oxuyurdum, atam Mişovdağ neft mədənlərindən işdən gəlib mənə öz gördüyü əhvalatı danışdı:

Dağda çobanların otardığı qoyun sürüsündən bir neçə qoyun ayrılıb özünə kölgənəcək axtarışıyla neft mancanağına (bildiyimiz həmən o başını əyib qaldıran kaçalka) yaxınlaşır. Mancanağın ətrafına çəkilmiş mühafizə hasarının qapısı açıq olduğundan qoyunlar bir-bir oradan içəri girə biliblər. Mancanaq reduktorunun böyük çəkic kimi daim fırlanan ballast yükünün kögəsi isə ancaq bir qoyuna yetərli olurdu, o da qısa müddətə, yəni yük gəlib qoyunun başına sakit. amma ağır zərbə vurana qədər. Ballast bir-bir qoyunu vurub fırlandığı istiqamətə cəsədini çəkincə boşalan yeri yeni qoyun alır. Beləliklə çoban xəbər tutana qədər mancanaq 13 qoyunu tələf edib kənara atır.

 

Atam hadisəni mənə danışandan sonra izah etdi ki, insanlar da oxşar hallarda eyni həmən qoyunlar kimi davranırlar....

 

Günümüzdə, həbsxana divarları arxasında onlarla yüksək rütbəli məmur var ( Fərhad Əliyev, Əli İnsanov .....və s. və i.a., bütöv bir nazirlər kabineti formalaşdırmaq olar). Yəni onlar özlərindən əvvəlkilərin aqibətini görmürdülər ???

 

Edited October 20, 2015 by фрилансер

[NOIR]

)) aktual mövzudur.

 

Titanlar (Divlər) haqqında əfsanəni eşitmisizmi ?

[Hero_IN]

:looool:  Gözəl bir mövzuya toxunmusuz. İnandırım sizi nə qədər istəsəniz)

Edited October 21, 2015 by Hero_IN

[azda]

)) aktual mövzudur.

 

Titanlar (Divlər) haqqında əfsanəni eşitmisizmi ?

 

Politikadandir deyəsən , amma səhər tezdən oxudum əhval ruhiyym yerinə gəldi.

 

Divlər haqqinda indi yazsan axşam oxuyacam , səbrsizliklə gözləyirik. ))

[gapgara]

 

 

Mancanaq reduktorunun böyük çəkic kimi daim fırlanan ballast yükünün kögəsi isə ancaq bir qoyuna yetərli olurdu, o da qısa müddətə, yəni yük gəlib qoyunun başına sakit. amma ağır zərbə vurana qədər. Ballast bir-bir qoyunu vurub fırlandığı istiqamətə cəsədini çəkincə boşalan yeri yeni qoyun alır. Beləliklə çoban xəbər tutana qədər mancanaq 13 qoyunu tələf edib kənara atır.

 

 

 

 

Həm gop həm də maraqsız nağıl oldu. 

 

İnsanları qoyunla bir tərəziyə qoyanda insan gərək öncə özünü düşünsün. Bu sadəcə mədəni formada bir təhqirdir.

[фрилансер]

 

İnsanları qoyunla bir tərəziyə qoyanda insan gərək öncə özünü düşünsün.

 

Bu müqaisə Sizə niyə toxunur ki, məgər özündən əvvəlkinin acı aqibətini görən insan ondan fərqli davranmalı deyilmi ?

[gapgara]

Bu müqaisə Sizə niyə toxunur ki, məgər özündən əvvəlkinin acı aqibətini görən insan ondan fərqli davranmalı deyilmi ?

İnsan yeganə şüurlu canlıdır, qoyun isə qoyundur. İnsanı qoyun ilə eyni tərəziyə qoyub müqayisə etmək heç bir çərçivəyə sığmır.

[Museyib Elekber]

Qoyunların insanlardan daha ağıllı hərəkətlərini də görmüşəm. Özündən əvvəlkinin aqibətini görə-görə eyni hərəkəti edib eyni aqibəti yaşamaq isə ancaq tamahkarlığın nəticəsidir. Nəzərə alsaq ki, insan da bir növ heyvandır, müqayisə etməkdə heç bir problem görmürəm.

[Kenul2012]

Nəzərə alsaq ki, insan da bir növ heyvandır, müqayisə etməkdə heç bir problem görmürəm.

Darvinin fikrinə görə insan meymunun genin dəyişməsindən əmələ gəlib.Meymun və ya qoyun )   

[gapgara]

Darvinin fikrinə görə insan meymunun genin dəyişməsindən əmələ gəlib.Meymun və ya qoyun )   

Zəmanə dəyişib, Darvin çox geridə qalıb.

[Museyib Elekber]

Darvinin fikrinə görə insan meymunun genin dəyişməsindən əmələ gəlib.Meymun və ya qoyun )   

 

Dəfələrlə deyilib, insanın meymundan əmələ gəlməyib. İnsan və meymun, eləcə də bir çox digər canlılar (hətta bütün canlılar) ortaq bir ata növdən gəlir. Sadəcə, insan və meymunun ortaq atası çox daha yaxın gələcəkdə yaşayıb. Qoyunla olan ortaq atamız isə çox çox keçmişdə olub.

 

Nəysə, mövzumuz bu deyil onsuz da ))

[gapgara]

Dəfələrlə deyilib, insanın meymundan əmələ gəlməyib. İnsan və meymun, eləcə də bir çox digər canlılar (hətta bütün canlılar) ortaq bir ata növdən gəlir. Sadəcə, insan və meymunun ortaq atası çox daha yaxın gələcəkdə yaşayıb. Qoyunla olan ortaq atamız isə çox çox keçmişdə olub.

 

Nəysə, mövzumuz bu deyil onsuz da ))

Müseyib, tarixi nadiri yarıya qədər oxuyub belə cümlə quruluşuna rast gəlməmişəm. Bu nə demək?

[фрилансер]

Söhbət nə çoxdan rəsmi elmi dairələr tərəfindən darmadağın edilmiş təkamül nəzəriyyəsindən, nə də dadlı ləzzətli Qala qoyunlarından gedir. Şüurlu məxluq dediyimiz insan nəfsinə uyanda nəinki yaxın tarixin dərslərini unudur, hətta ən ibtidai canlılardan daha artıq düşüncəsizliklərə yol verir.

Mirzə Ələkbər Sabirə allah rəhmət eləsin:

 

Könül, ol talibi-hikmət - o hikmət kim, həqiqətdir,
Həqiqi hikmət ancaq hüsni-siyrətdən ibarətdir.

Həkimi-kamil olmaqçın deyildir çox bilik lazım,
Fəqət, iqnai-nəfsə müqtədir olmaq kifayətdir.

Zəlalət əhli hər şeyyi kəc anlar, kəc də hökm eylər,
O kəs kim, doğru yolu fəhm edər - əhli-fəzilətdir.

Olur aləmdə şəxsin himməti miqdarı-fikrincə,
Nə himmət gözlənir ondan, ki əfkarı qəbahətdir?

Edited October 21, 2015 by фрилансер

[Museyib Elekber]

Müseyib, tarixi nadiri yarıya qədər oxuyub belə cümlə quruluşuna rast gəlməmişəm. Bu nə demək?

"Keçmiş" yazmaq istəmişəm. Diqqət yetirdiyin üçün sağ ol )

Edited October 21, 2015 by Museyib Elekber

[NOIR]

Belə başa düşdüm ki, müəllifin fikrinə görə cinayətə səbəb tamahkarlıq və acgözlükdür. yəni məmurlar öz nəfsinə hakim ola bilməyib, ehtiyatsızlıq edib özünü məhv ediblər.

məncə səbəb başqadır, yuxarıdakılar isə nəticədir artıq.

Belə bir məsəl var, sahibsiz mal güdaza gedər. yaxud, meşədə armudun yaxşısı çaqqala qismət olur. mənası belədir : quldurluğa zəmin yaratmaq lazım deyil. bunun üçün birinci düzgün kadrlar seçmək lazımdır. və hətta bundan sonra da onlara tam arxayın olmayıb, nəzarət etmək lazımıdır. ümumiyyətlə, rəhbər özünü həmişə ağıllı insanlarla əhatə etməlidir, çünki ağıllı insanların əhatəsində həyat asan olur, işləmək də asan olur.

 

Titanlar haqqında əfsanəni də elə onun üçün xatırlatdım... Əfsanəyə görə Olimp allahları ilə Titanların böyük döyüşü olmuşdu. Titanlar özlərini o qədər qüdrətli zənn etmişdilər ki, Allahların hakimiyyətinə qarşı çıxdılar. onlar da Allahlar kimi hökmlü və ölümsüz olmaq istəyirdilər. qüdrəti hakimiyyətə bərabər ikinci hakimiyyət isə ola bilməzdi. Allahlar bu döyüşdə əlbəttə ki qalıb gəldilər, Titanları məğlub edib qaranlıq yarğanın dibinə tulladılar.

[513]

cemiyyeti qoyunlasdiran sebebler: rusvet-tehsilde rusvet-savadsizliq-bu savadsizligi ele keciren ideologiyalar(din kimi) ve belelikle qoyunlasan cemiyyet.

[fikus elastica]

Maraqlı müqayisədi, əhvalat da pritçavaridi. Amma sonluğun məmurların tamahkarlığı ilə uzlaşdırılması elə də yerinə düşmür. Eks məmurların indiki durumları  təkcə tamakarlığlarının nəticəsi deyil